Génesis 37:14 - Li Santil hu

¹⁴ Ut laj Israel quixye re: —Ayu. Toxa̱cuileb chak chanru cuanqueb la̱ cuas joꞌ eb ajcuiꞌ li queto̱mk. Chirix aꞌan tatsukꞌi̱k chak chixyebal cue chanru cuanqueb, chan laj Israel. Laj José qui-el saꞌ li ru takꞌa re Hebrón ut co̱ toj saꞌ li naꞌajej Siquem.

Q'eqchi Bible

¹⁴ “Ayu chi rilb'aleb' chanru wankeb' laawas ut eb' li ketomq: ma saheb' sa' xch'ool, ut tulaaye resileb' we”, chan li yuwa'b'ej. Ut kixtaqla laj José. A'an ki'elk sa' xtaq'ahil Hebrón ut koho Sikem.

Génesis 37:14 ပူးပေါင်းရင်းမြစ်များ

Génesis 35:27

Laj Jacob co̱ saꞌ li tenamit Mamre chirilbal laj Isaac lix yucuaꞌ. Arba ut Hebrón nequeꞌxye re li tenamit aꞌan. Saꞌ ajcuiꞌ li naꞌajej aꞌan quicuan laj Abraham nak toj yoꞌyo̱k.

San Lucas 19:42

Ut quixye: —¡Cui ta la̱ex aj Jerusalén nequenau xqꞌuebal retal ani ta̱ru̱k ta̱qꞌuehok tuktu̱quil usilal saꞌ eb li cutan aꞌin, us raj! Aban anakcuan toj mukmu che̱ru. Joꞌcan nak incꞌaꞌ nequetau xya̱lal.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Jeremías 29:7

Chexcua̱nk saꞌ xya̱lal re nak us teꞌe̱lk li tenamit li xeꞌchapoc e̱re. Chetzꞌa̱ma li rusilal li Dios saꞌ xbe̱n li naꞌajej aꞌin xban nak cui us na-el li naꞌajej, us ajcuiꞌ tex-e̱lk la̱ex.

1 Reyes 2:33

Lix tojbal rix li ma̱c aꞌan ta̱tꞌanekꞌ saꞌ xbe̱n laj Joab ut saꞌ xbe̱neb li ralal xcꞌajol. Abanan li Ka̱cuaꞌ ta̱rosobtesiheb li ralal xcꞌajol laj David lin yucuaꞌ. Ut xakxo̱k saꞌ xnaꞌaj junelic lix cuanquilal li ralal xcꞌajol laj David li teꞌoc chokꞌ xreyeb laj Israel, chan laj Salomón.

2 Samuel 18:32

Li rey quixye re li cui̱nk laj Etiopía: —¿Ma ma̱cꞌaꞌ xcꞌul laj Absalón? chan. Ut li cui̱nk quixye re: —Us raj nak chixjunileb li xicꞌ nequeꞌiloc a̱cue li teꞌraj numta̱c saꞌ a̱be̱n, teꞌxcꞌul joꞌ xcꞌul laj Absalón, chan.

Josué 14:13

Ut laj Josué quixye re laj Caleb li ralal laj Jefone: —Aꞌ taxak li Dios chi-osobtesi̱nk a̱cue, chan. Ut quixqꞌue li tenamit Hebrón re aꞌan ut reheb ajcuiꞌ li ralal xcꞌajol.

Números 13:22

Queꞌco̱eb saꞌ li naꞌajej Neguev ut queꞌcuulac saꞌ li tenamit Hebrón. Aran cuanqueb li cui̱nk laj Ahimán, laj Sesai ut laj Talmai. Aꞌaneb li ralal xcꞌajol laj Anac. Cuukub chihab xyi̱banquil li tenamit Hebrón nak queꞌxyi̱b li tenamit Zoán aran Egipto.

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

Génesis 29:6

Laj Jacob quixpatzꞌ cuiꞌchic reheb: —¿Ma sa saꞌ xchꞌo̱l laj Labán?— Eb aꞌan queꞌchakꞌoc ut queꞌxye: —Sa saꞌ xchꞌo̱l. Ilon aran. Li ixk li yo̱ chak chi cha̱lc rochben lix carner, aꞌan lix Raquel lix rabin laj Labán, chanqueb.

Génesis 23:2

Quicam saꞌ li tenamit Quiriat-arba, li nayeman ajcuiꞌ Hebrón. Li tenamit aꞌan cuan saꞌ xcue̱nt Canaán. Laj Abraham kꞌaxal ra saꞌ xchꞌo̱l xban nak quicam lix Sara, ut cꞌajoꞌ nak quiya̱bac chirix.

Génesis 13:18

Tojoꞌnak laj Abram quixjal lix naꞌajeb lix muheba̱l. Ut co̱ chi cua̱nc saꞌ li naꞌajej ji ru. Eb li cheꞌ ji, aꞌan re laj Mamre. Li naꞌajej aꞌin nachꞌ cuan riqꞌuin li tenamit Hebrón. Ut laj Abram quixyi̱b jun chic li artal aran re xlokꞌoninquil li Ka̱cuaꞌ Dios.

Josué 14:15

Najter kꞌe cutan lix cꞌabaꞌ li tenamit Hebrón, aꞌan Quiriat-arba, xban nak laj Arba, aꞌan jun cui̱nk kꞌaxal naꞌno ru saꞌ xya̱nkeb laj anaceo. Ut nak ac xeꞌre̱chani li tenamit Hebrón, incꞌaꞌ chic quicuan li ple̱t saꞌ li naꞌajej aꞌan.

Génesis 23:19

Ut laj Abraham quixmuk li rixakil chi saꞌ li ochoch pec li cuan saꞌ li chꞌochꞌ Macpela. Macpela, aꞌan cuan jun pacꞌal li naꞌajej Mamre li nayeman ajcuiꞌ Hebrón re. Aꞌan cuan saꞌ xcue̱nt Canaán.

Génesis 37:15

Laj José yo̱ chixbeninquil rib saꞌ cꞌaleba̱l chixsicꞌbaleb li ras nak quixcꞌul jun li cui̱nk. Li cui̱nk quixpatzꞌ re: —¿Cꞌaꞌru yo̱cat arin? chan.

Josué 14:14

Joꞌcan nak li tenamit Hebrón quicana chokꞌ re laj Caleb li ralal laj Jefone aj cenezeo. Ut quicana ajcuiꞌ reheb li ralal xcꞌajol toj chalen anakcuan xban nak laj Caleb quixba̱nu chi tzꞌakal li quiraj li Ka̱cuaꞌ, lix Dios eb laj Israel.

Jueces 1:10

Ut queꞌco̱eb ajcuiꞌ chi pletic riqꞌuineb laj cananeo li cuanqueb saꞌ li tenamit Hebrón li nequeꞌxye ajcuiꞌ Quiriat-arba re junxil. Ut queꞌnumta saꞌ xbe̱neb laj Sesai, eb laj Ahimán, ut eb laj Talmai.

2 Samuel 11:7

Nak laj Urías quicuulac, laj David quixye re: —¿Ma sa saꞌ xchꞌo̱l laj Joab? ¿Ma saheb saꞌ xchꞌo̱l li soldados? ¿Chanru yo̱ li ple̱t? ¿Ma us yo̱ chi e̱lc? chan.

Génesis 43:27

Ut laj José quixye reheb: —¿Chan xeril?— Ut quixye ajcuiꞌ reheb: —Xeye nak ti̱x chi us le̱ yucuaꞌ. ¿Chanru aꞌan? ¿Ma toj yoꞌyo? ¿Ma cau? chan.

1 Samuel 17:22

Laj David quixcanab li ri̱k riqꞌuin laj ilol re li cꞌaꞌak re ru reheb li soldados. Co̱ saꞌ a̱nil bar chꞌutchꞌu̱queb cuiꞌ li soldados re ta̱ril chanruheb li ras.

Ester 2:11

Rajlal cutan nanumeꞌ laj Mardoqueo chiru lix neba̱l li rochoch li rey bar cuanqueb cuiꞌ li tukꞌ ixk re xnaubal chanru lix Ester, ma sa saꞌ xchꞌo̱l ut ma cha̱bileb riqꞌuin.