Génesis 36:7 - Li Santil hu

⁷ Joꞌcan nak queꞌel aran xban nak kꞌaxal nabal li cꞌaꞌak re ru cuan reheb ut incꞌaꞌ chic natzꞌakloc lix naꞌajeb lix queto̱mk. Joꞌcan nak queꞌel saꞌ li naꞌajej li cuanqueb cuiꞌ.

Q'eqchi Bible

⁷ xb'aan naq q'axal naab'al li k'aru wank reheb' ut ink'a' chik naru te'wanq sa' jun chi na'ajej chi xkab'ichaleb'. Jo'kan ajwi' li na'ajej wankeb' wi' ink'a' natz'aqlok cho'q reheb' li xketomq.

Génesis 36:7 ပူးပေါင်းရင်းမြစ်များ

Génesis 13:6

Xban nak numtajenak xqꞌuialeb lix queto̱mk chi xcabichaleb laj Lot ut laj Abram, incꞌaꞌ natzꞌakloc li naꞌajej chokꞌ reheb. Incꞌaꞌ chic naru teꞌcua̱nk saꞌ jun chi naꞌajej.

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Génesis 28:4

Aꞌ taxak li Ka̱cuaꞌ Dios chi-osobtesi̱nk a̱cue, joꞌqueb ajcuiꞌ la̱ cualal a̱cꞌajol, joꞌ quixyechiꞌi re laj Abraham. La̱ex te̱re̱chani li chꞌochꞌ aꞌin li cuanco cuiꞌ anakcuan joꞌ aj numelo. Li chꞌochꞌ aꞌin yechiꞌinbil re laj Abraham xban li Ka̱cuaꞌ Dios, chan laj Isaac.

Hebreos 11:9

Xban lix pa̱ba̱l laj Abraham quicuan saꞌ li naꞌajej li quiyechiꞌi̱c re xban li Dios, ut quicuan aran joꞌ jun jalan xtenamit. Quixyi̱b xmuheba̱l tꞌicr xban nak yal numecꞌ re. Joꞌcan ajcuiꞌ queꞌxba̱nu laj Isaac ut laj Jacob xban nak aꞌaneb li teꞌe̱chani̱nk re li cꞌaꞌru quixyechiꞌi li Dios.

Génesis 13:11

Laj Lot quixchap chokꞌ re li ru takꞌa li nacana chire li nimaꞌ Jordán, ut co̱ saꞌ xjayal bar na-el cuiꞌ chak li sakꞌe. Joꞌcaꞌin nak queꞌxcanab ribeb laj Lot riqꞌuin laj Abram.

1 Crónicas 29:15

La̱o chanchano li jalaneb xtenamit cha̱cuu xban nak la̱o yal numelo joꞌ eb li kaxeꞌto̱nil yucuaꞌ. Li kayuꞌam arin saꞌ ruchichꞌochꞌ saꞌ junpa̱t ta̱osokꞌ.

Salmos 39:12

At Ka̱cuaꞌ, chacuabi taxak lin tij. Chacuabi taxak nak yo̱quin chi ya̱bac xban li raylal ut china̱tenkꞌa nak yo̱quin chixya̱banquil la̱ cꞌabaꞌ. Cha̱cuu la̱at, yal aj numelin arin joꞌqueb ajcuiꞌ lin xeꞌto̱nil yucuaꞌ yal aj numeleb ajcuiꞌ nak xeꞌcuan arin.

Jeremías 35:7

Ut quixye ajcuiꞌ ke: —Incꞌaꞌ texcablak, chi moco tex-a̱uk, chi moco te̱rau le̱ uvas, chi moco te̱xoc li cꞌaꞌ re ru aꞌin. Junelic texcua̱nk saꞌ eb li muheba̱l yi̱banbil riqꞌuin tꞌicr. Cui te̱ba̱nu chi joꞌcan, najt texcua̱nk saꞌ ruchichꞌochꞌ saꞌ li naꞌajej li cuanquex cuiꞌ, chan ke.