Génesis 36:6 - Li Santil hu

⁶ Laj Esaú qui-el saꞌ li naꞌajej li cuan cuiꞌ laj Jacob li ri̱tzꞌin. Quixcꞌameb li rixakil ut lix rabin ut li ralal chirix joꞌ eb ajcuiꞌ chixjunileb li cuanqueb riqꞌuin. Quixcꞌam chixjunileb lix queto̱mk joꞌ ajcuiꞌ li cꞌaꞌru re li joꞌ qꞌuial li queꞌtam aran Canaán.

Q'eqchi Bible

⁶ Laj Esaú kixk'ameb' li rixaqil, li ralal ut eb' li xrab'in, jo'k'ihaleb' li wankeb' sa' rochoch, chixjunil li xketomq ut eb' li xxul, chixjunil li xjunkab'lal li kireechani sa' xteepal Kanahán, ut koho sa' li na'ajej Seír, moko najt ta rik'in laj Jakob li riitz'in,

Génesis 36:6 ပူးပေါင်းရင်းမြစ်များ

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.

Apocalipsis 18:13

Ma̱ ani chic ta̱lokꞌok re li canela, li sununquil ban, li incienso, li mirra ut li olíbano. Ma̱ ani chic ta̱lokꞌok re li vino, li aceite, li trigo ut li cha̱bil cꞌaj. Ut ma̱ ani chic ta̱lokꞌok re li cuacax, li carner ut li cacua̱y, chi moco teꞌxlokꞌ li carruajes, chi moco teꞌxlokꞌ chic li rech cristianil chokꞌ mo̱seb.

Génesis 28:4

Aꞌ taxak li Ka̱cuaꞌ Dios chi-osobtesi̱nk a̱cue, joꞌqueb ajcuiꞌ la̱ cualal a̱cꞌajol, joꞌ quixyechiꞌi re laj Abraham. La̱ex te̱re̱chani li chꞌochꞌ aꞌin li cuanco cuiꞌ anakcuan joꞌ aj numelo. Li chꞌochꞌ aꞌin yechiꞌinbil re laj Abraham xban li Ka̱cuaꞌ Dios, chan laj Isaac.

Génesis 25:23

Li Ka̱cuaꞌ Dios quixye re lix Rebeca: —Li cocꞌal li teꞌyoꞌla̱k, luteb. Li asbej ta̱cꞌanjelak chiru li i̱tzꞌinbej. Riqꞌuin li cuib li cocꞌal aꞌin teꞌcua̱nk cuib li ni̱nki tenamit. Jun li tenamit kꞌaxal nimak xcuanquil chiru li tenamit jun chic. Ut incꞌaꞌ teꞌxcꞌam rib saꞌ usilal, chan li Dios.

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Génesis 13:11

Laj Lot quixchap chokꞌ re li ru takꞌa li nacana chire li nimaꞌ Jordán, ut co̱ saꞌ xjayal bar na-el cuiꞌ chak li sakꞌe. Joꞌcaꞌin nak queꞌxcanab ribeb laj Lot riqꞌuin laj Abram.

Génesis 13:6

Xban nak numtajenak xqꞌuialeb lix queto̱mk chi xcabichaleb laj Lot ut laj Abram, incꞌaꞌ natzꞌakloc li naꞌajej chokꞌ reheb. Incꞌaꞌ chic naru teꞌcua̱nk saꞌ jun chi naꞌajej.

Génesis 12:5

Laj Abram quixcꞌam chirix lix Sarai li rixakil. Ut quixcꞌam ajcuiꞌ chirix laj Lot, li ralal li ri̱tzꞌin. Ut quixcꞌam ajcuiꞌ chixjunil li cꞌaꞌru cuan re li queꞌtam nak queꞌcuan saꞌ li tenamit Harán. Quixcꞌameb ajcuiꞌ lix mo̱s chirix. Ut queꞌoc chi xic saꞌ li tenamit Canaán ut yal jun nak coxeꞌxtau.

Ezequiel 27:13

Eb laj Javán, eb laj Tubal ut eb laj Mesec queꞌyacoc e̱riqꞌuin. Queꞌxjal li cꞌaꞌru e̱re riqꞌuineb li lokꞌbil mo̱s ut li secꞌ yi̱banbil riqꞌuin bronce.

Génesis 36:5

Ut laj Esaú quicuan oxib li ralal riqꞌuin lix Aholibama. Aꞌaneb aꞌin lix cꞌabaꞌeb; laj Jeús, laj Jaalam, ut laj Coré. Chixjunileb li o̱b chi ralal laj Esaú queꞌyoꞌla aran saꞌ li tenamit Canaán.