Génesis 36:43 - Li Santil hu

⁴³ joꞌ eb ajcuiꞌ laj Magdiel ut laj Iram. Chixjunil li cꞌabaꞌej tzꞌi̱banbil arin, aꞌaneb li queꞌtaklan saꞌ xbe̱neb li ralal xcꞌajol laj Esaú. Tzꞌi̱banbil ajcuiꞌ lix cꞌabaꞌeb li tenamit li queꞌcuan cuiꞌ chi takla̱nc. Lix xeꞌto̱nil yucuaꞌeb laj Edom, aꞌan laj Esaú.

Q'eqchi Bible

⁴³ laj Makdiel ut laj Irán. Laj Esaú kixk'ab'a'in ajwi' aj Edom, ut a'aneb' a'in laj jolominel re Edom, jo' chanru li xna'ajeb' sa' li ch'och' wankeb' wi'.

Génesis 36:43 ပူးပေါင်းရင်းမြစ်များ

1 Crónicas 4:14

ut laj Meonotai. Laj Meonotai, aꞌan lix yucuaꞌ laj Ofra. Ut laj Seraías, aꞌan lix yucuaꞌ laj Joab. Ut laj Joab, aꞌan lix yucuaꞌeb li queꞌcuan saꞌ li ru takꞌa re Carisim xban nak eb aꞌan nequeꞌxnau cꞌanjelac chi us.

Deuteronomio 2:5

Mex-oc chi pletic riqꞌuineb xban nak la̱in incꞌaꞌ tinqꞌue e̱re li naꞌajej li quinqꞌue reheb aꞌan. Chi moco caꞌchꞌin ajcuiꞌ li bar te̱xakab cuiꞌ le̱ rok tinqꞌue e̱re xban nak la̱in ac xinqꞌue re laj Esaú li naꞌajej Seir li tzu̱l ru.

Números 20:14

Nak cuanqueb Cades laj Moisés quixtaklaheb lix takl chi a̱tinac riqꞌuin lix reyeb laj Edom. Nak queꞌcuulac queꞌxye re: —La̱o aj Israel kechꞌalal kib e̱riqꞌuin la̱ex. Xotakla̱c chak chixyebal a̱cue chi joꞌcaꞌin. La̱at nacanau chixjunil li raylal li yo̱co chixcꞌulbal.

Éxodo 15:15

Ma̱ caꞌchꞌin nak teꞌxucuak eb li nequeꞌtaklan saꞌ xbe̱neb laj Edom. Sicsotkeb xbaneb xxiu li cuanqueb xcuanquil saꞌ xya̱nkeb laj Moab. Teꞌsachk xchꞌo̱l chixjunileb laj cananeo.

Génesis 45:8

Ma̱cuaꞌ e̱ban la̱ex nak cuanquin arin. Aꞌ li Ka̱cuaꞌ Dios quinixtakla chak arin re nak tinchꞌolob xya̱lal chiru laj faraón. Li Ka̱cuaꞌ Dios quixkꞌaxtesi saꞌ cuukꞌ chixjunil li cꞌaꞌru cuan re laj faraón ut la̱in ajcuiꞌ quin-oc chokꞌ acuabej re chixjunil li tenamit Egipto.

Génesis 36:15

Li queꞌtaklan saꞌ xbe̱neb li ralal xcꞌajol laj Esaú, aꞌaneb li ralal laj Elifaz li asbej saꞌ xya̱nkeb li ralal xcꞌajol laj Esaú. Aꞌaneb aꞌin lix cꞌabaꞌeb: laj Temán, laj Omar, laj Zefo ut laj Cenaz,

Génesis 25:30

Quixye re laj Jacob: —Qꞌue bayak cue li tibel cua li cak ru li yo̱cat chixyi̱banquil. Numtajenak lin tzꞌocajic, chan. Xban aꞌin queꞌxqꞌue jun chic xcꞌabaꞌ laj Esaú. Aj Edom queꞌxqꞌue chokꞌ xcab xcꞌabaꞌ.

Génesis 25:12

Aꞌaneb aꞌin chixjunileb li ralal xcꞌajol laj Ismael, li ralal laj Abraham. Lix naꞌ laj Ismael, aꞌan lix Agar li chalenak chak Egipto. Aꞌan li quicuan chokꞌ xmo̱s lix Sara.

Génesis 36:42

ut eb laj Cenaz, laj Temán, ut laj Mibzar,

Génesis 37:1

Laj Jacob quicuan aran Canaán saꞌ li naꞌajej li quicuan cuiꞌ lix yucuaꞌ.

1 Crónicas 1:54

laj Magdiel ut laj Iram. Aꞌaneb li queꞌtaklan aran Edom.

Génesis 36:9

Aꞌaneb aꞌin li ralal xcꞌajol laj Esaú. Laj Esaú, aꞌan lix xeꞌto̱nil yucuaꞌeb laj Edom li cuanqueb saꞌ li naꞌajej Seir li tzu̱l ru.