Génesis 35:23 - Li Santil hu

²³ Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

Q'eqchi Bible

²³ Eb' li ralal xk'ajol laj Jakob kab'lajuheb'. A'aneb' a'in li ralal li kiwank rik'in lix Liiy: laj Rubén, a' li xb'een ralal laj Jakob; laj Simehón, laj Leví, laj Judá, laj Isakar ut laj Sabulón.

Génesis 35:23 ပူးပေါင်းရင်းမြစ်များ

Génesis 33:2

Quixqꞌueheb li cuib chi mo̱s chi ubej rochbeneb lix cocꞌal. Chirix aꞌan quixqꞌue lix Lea rochbeneb lix cocꞌal ut toj chi ixbej quixqꞌue lix Raquel rochben laj José lix yum.

Hechos 7:8

Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

Génesis 29:31

Li Ka̱cuaꞌ Dios quiril nak lix Lea incꞌaꞌ naraheꞌ xban laj Jacob. Joꞌcan nak li Ka̱cuaꞌ Dios quixqꞌue chi cua̱nc xcocꞌal. Abanan lix Raquel incꞌaꞌ quiqꞌueheꞌ xcocꞌal.

Éxodo 1:1

Aꞌaneb aꞌin lix cꞌabaꞌeb li ralal xcꞌajol laj Israel, li nayeman ajcuiꞌ Jacob re. Li junju̱nk chi ralal coxeꞌocak Egipto rochbeneb li ralal xcꞌajol. Aꞌaneb aꞌin lix cꞌabaꞌeb:

Génesis 29:16

Laj Labán cuan cuib lix rabin. Li asbej, aꞌan xLea xcꞌabaꞌ ut li i̱tzꞌinbej, aꞌan xRaquel xcꞌabaꞌ.

Génesis 49:3

La̱at, Rubén, la̱at li tzꞌakal asbej saꞌ xya̱nkeb li cualal. Xban aꞌin la̱at li xcacuub lin metzꞌe̱u. La̱at raj laj cꞌamol be chiruheb la̱ cui̱tzꞌin. Nim raj ajcuiꞌ a̱cuanquilal chiruheb aꞌan.

Números 1:5

Aꞌaneb aꞌin lix cꞌabaꞌeb li cui̱nk li teꞌtenkꞌa̱nk e̱re. Laj Elisur, li ralal laj Sedeur, aꞌan li najolomin reheb lix te̱paleb li ralal xcꞌajol laj Rubén.

Números 1:20

Quitzꞌi̱ba̱c xcꞌabaꞌeb li ralal xcꞌajol laj Rubén li xbe̱n ralal laj Israel li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Números 2:3

Eb li ralal xcꞌajol laj Judá teꞌxyi̱b lix muheba̱leb saꞌ li este ut teꞌxxakab lix bandereb chokꞌ retalileb. Ut laj Naasón, li ralal laj Aminadab, aꞌan li ta̱cꞌamok be chiruheb.

Números 7:12

Saꞌ li xbe̱n li cutan quixcꞌam lix mayej laj Naasón li ralal laj Aminadab xcomoneb li ralal xcꞌajol laj Judá.

Números 10:14

Eb li ralal xcꞌajol laj Judá, aꞌaneb li xbe̱n chꞌu̱tal li queꞌco̱eb chi ubej ut cuan lix bandereb. Ut laj Naasón li ralal laj Aminadab, aꞌan li najolomin reheb.

Números 13:4

Aꞌan aꞌin lix cꞌabaꞌeb li queꞌtakla̱c: Saꞌ lix te̱paleb li ralal xcꞌajol laj Rubén quitakla̱c laj Samúa li ralal laj Zacur.

Números 26:5

Aꞌaneb aꞌin li ralal xcꞌajol laj Rubén, li xbe̱n ralal laj Israel: eb li ralal xcꞌajol laj Enoc; eb li ralal xcꞌajol laj Falú;

Números 34:19

Aꞌaneb aꞌin lix cꞌabaꞌeb: laj Caleb li ralal laj Jefone saꞌ xte̱paleb li ralal xcꞌajol laj Judá;

Deuteronomio 27:11

Saꞌ li cutan aꞌan laj Moisés quixye reheb laj Israel:

Deuteronomio 33:6

Laj Moisés quixye chirixeb li ralal xcꞌajol laj Rubén: Incꞌaꞌ teꞌsachekꞌ ruheb li ralal xcꞌajol laj Rubén. Cheꞌnabalokꞌ ban ut teꞌta̱mk.

Josué 13:15

Laj Moisés quixjeqꞌui li naꞌajej aꞌin reheb li ralal xcꞌajol laj Rubén aꞌ yal chanru xqꞌuial li junju̱nk chꞌu̱tal.

Josué 15:1

Aꞌaneb aꞌin li naꞌajej li quiqꞌueheꞌ reheb li ralal xcꞌajol laj Judá riqꞌuin bu̱lic, aꞌ yal chanru xqꞌuialeb li junju̱nk chꞌu̱tal: Li naꞌajej aꞌan naticla chak saꞌ li nuba̱l re li naꞌajej Edom. Nacuulac saꞌ li sur toj saꞌ li chaki chꞌochꞌ re Zin.

Josué 19:1

Li xcab li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Simeón. Li naꞌajej li quiqꞌueheꞌ reheb li ralal xcꞌajol laj Simeón, aꞌan cuan saꞌ xya̱nk lix naꞌajeb li ralal xcꞌajol laj Judá.

Josué 19:10

Li rox li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Zabulón. Li naꞌajej li quiqꞌueheꞌ reheb li ralal xcꞌajol laj Zabulón quicuulac toj saꞌ li tenamit Sarid.

Josué 19:17

Li xca̱ li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Isacar aꞌ yal chanru xqꞌuial li junju̱nk chꞌu̱tal.

Jueces 5:14

Eb li ralal xcꞌajol laj Efraín li cuanqueb saꞌ li naꞌajej li queꞌcuan cuiꞌ laj Amalec, queꞌco̱eb saꞌ li ru takꞌa. Queꞌco̱eb ajcuiꞌ li ralal xcꞌajol laj Benjamín. Ut queꞌco̱eb li nequeꞌtaklan saꞌ xya̱nkeb laj Maquir, joꞌ eb ajcuiꞌ li cuanqueb xcuanquil saꞌ xya̱nkeb li ralal xcꞌajol laj Zabulón.

Jueces 5:15

Eb li nequeꞌcꞌamoc be saꞌ xya̱nkeb li ralal xcꞌajol laj Isacar queꞌco̱eb rochben lix Débora. Queꞌco̱eb laj Isacar joꞌ nak co̱ laj Barac. Eb li ralal xcꞌajol laj Isacar queꞌxta̱ke laj Barac toj saꞌ li ru takꞌa. Abanan eb li ralal xcꞌajol laj Rubén queꞌchꞌinan xchꞌo̱leb. Incꞌaꞌ queꞌco̱eb chi pletic.

Jueces 5:18

Abanan eb li ralal xcꞌajol laj Zabulón ut eb li ralal xcꞌajol laj Neftalí incꞌaꞌ queꞌxra lix yuꞌameb. Queꞌco̱eb ban chi pletic.

Li xHu LIX RUT 4:11

Eb laj cꞌamol be ut chixjunileb li cuanqueb aran queꞌxye: —La̱o xkil ut xkanau. Ut aꞌ taxak li Ka̱cuaꞌ chiqꞌuehok re li ixk aꞌan chi cua̱nc saꞌ la̱ cuochoch chi cha̱bil. Chicua̱nk taxak joꞌ nak queꞌcuan chak lix Raquel ut lix Lea, li kaxeꞌ kato̱nal chikajunilo la̱o aj Israel. Ut la̱atak taxak jun cui̱nk kꞌaxal nim a̱cuanquil ut kꞌaxal naꞌno̱k taxak a̱cuu arin Belén Efrata.

1 Crónicas 12:25

Ut saꞌ xya̱nkeb li ralal xcꞌajol laj Simeón cuanqueb cuukub mil riqꞌuin jun ciento (7,100) chi cui̱nk ac cauresinbileb re pletic.

1 Crónicas 27:16

Aꞌaneb aꞌin li queꞌtaklan saꞌ xbe̱neb li cablaju xte̱paleb li ralal xcꞌajol laj Israel. Li nataklan saꞌ xbe̱neb li ralal xcꞌajol laj Rubén, aꞌan laj Eliezer li ralal laj Zicri; li nataklan saꞌ xbe̱neb li ralal xcꞌajol laj Simeón, aꞌan laj Sefatías, li ralal laj Maaca.

Ezequiel 48:30

Sutsu̱k saꞌ tzꞌac li tenamit li cuan saꞌ li naꞌajej li kꞌaxtesinbil re li Dios. Li tzꞌac li cuan saꞌ li norte, aꞌan cuib kilómetro riqꞌuin cuib ciento metro riqꞌuin o̱b xcaꞌcꞌa̱l metro xnimal ru.

Apocalipsis 7:7

Cablaju mil (12,000) li quiqꞌueheꞌ retalileb saꞌ xpe̱quemeb saꞌ xya̱nkeb li ralal xcꞌajol laj Simeón: ut saꞌ xya̱nkeb li ralal xcꞌajol laj Leví, cablaju mil li quiqꞌueheꞌ retalileb saꞌ xpe̱quemeb. Ut saꞌ xya̱nkeb li ralal xcꞌajol laj Isacar, cablaju mil li quiqꞌueheꞌ retalileb saꞌ xpe̱quemeb.