Génesis 35:22 - Li Santil hu

²² Nak ac cuanqueb chic saꞌ li naꞌajej aꞌan, laj Rubén quixchꞌic rib riqꞌuin lix Bilha li quicuan riqꞌuin lix yucuaꞌ joꞌ rixakil. Cꞌajoꞌ nak quijoskꞌoꞌ laj Israel nak quirabi cꞌaꞌru quixba̱nu li ralal. Cablaju eb li ralal laj Jacob queꞌcuan, li nayeman ajcuiꞌ aj Israel re.

Q'eqchi Bible

²² Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.

Génesis 35:22 ပူးပေါင်းရင်းမြစ်များ

1 Crónicas 5:1

Aꞌaneb aꞌin li ralal xcꞌajol laj Rubén, li xbe̱n ralal laj Israel: Xban nak laj Rubén quixchꞌic rib riqꞌuin li ixk li quicuan riqꞌuin lix yucuaꞌ, nak incꞌaꞌ quiqꞌueheꞌ re li tento raj tixcꞌul joꞌ xbe̱n alalbej, aꞌ chic li ralal laj José quicꞌuluc re li tento raj tixcꞌul laj Rubén. Incꞌaꞌ chic quiqꞌueheꞌ xcuanquil joꞌ xbe̱n alalbej.

Levítico 18:8

Junak cui̱nk incꞌaꞌ naru naxchꞌic rib riqꞌuin li rixakil lix yucuaꞌ. Incꞌaꞌ naru naxcꞌut xxuta̱n lix yucuaꞌ.

1 Corintios 5:1

Yalak bar x-abiman resil nak cuan li joꞌ ma̱joꞌil naꞌleb saꞌ e̱ya̱nk xban nak jun li cui̱nk quixmakꞌ rixakil lix yucuaꞌ. Cꞌajoꞌ xyibal ru li yo̱queb chixba̱nunquil saꞌ e̱ya̱nk. Eb li ma̱cuaꞌeb aj pa̱banel incꞌaꞌ nequeꞌxba̱nu chi joꞌcan. ¿Ma tojaꞌ ta chic la̱ex texba̱nu̱nk re chi joꞌcan?

2 Samuel 20:3

Nak li rey David quicuulac saꞌ li rochoch aran Jerusalén, quixqꞌue xjuneseb li laje̱b chi ixk li queꞌcuan riqꞌuin li quixcanabeb chi iloc cab. Quixqꞌue xtzacae̱mkeb, abanan incꞌaꞌ chic quicuan riqꞌuineb. Joꞌcan nak queꞌcana chi tzꞌaptzꞌo̱queb. Chanchaneb chic li xma̱lcaꞌan chalen nak queꞌcam.

Apocalipsis 21:14

Cablaju li pec li qui-oc chokꞌ xcimiento li tzꞌac li sutsu cuiꞌ li tenamit. Ut chiruheb aꞌan tzꞌi̱banbil retalileb lix cꞌabaꞌeb li cablaju chi apóstol li queꞌcꞌanjelac chiru li Jun li chanchan carner.

Hechos 7:8

Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

Génesis 35:18

Ut nak ac ca̱mc re, lix Raquel quixye: —Aj Benoni te̱qꞌue chokꞌ xcꞌabaꞌ li cꞌulaꞌal aꞌin, chan ut quicam. Abanan li yucuaꞌbej quixqꞌue aj Benjamín chokꞌ xcꞌabaꞌ.

Éxodo 2:1

Jun li cui̱nk xcomoneb li ri xmam laj Leví quixsicꞌ rixakil. Xcomoneb ajcuiꞌ li ralal xcꞌajol laj Leví li ixk li quixsicꞌ.

Números 10:14

Eb li ralal xcꞌajol laj Judá, aꞌaneb li xbe̱n chꞌu̱tal li queꞌco̱eb chi ubej ut cuan lix bandereb. Ut laj Naasón li ralal laj Aminadab, aꞌan li najolomin reheb.

Números 13:4

Aꞌan aꞌin lix cꞌabaꞌeb li queꞌtakla̱c: Saꞌ lix te̱paleb li ralal xcꞌajol laj Rubén quitakla̱c laj Samúa li ralal laj Zacur.

Deuteronomio 27:12

—Nak ac xexnumeꞌ jun pacꞌal li nimaꞌ Jordán, aꞌineb li xte̱paleb laj Israel li teꞌxakli̱k saꞌ li tzu̱l Gerizim chixyebal resil li rosobtesinquileb li tenamit: eb li ralal xcꞌajol laj Simeón, eb li ralal xcꞌajol laj Leví, eb li ralal xcꞌajol laj Judá, eb li ralal xcꞌajol laj Isacar, eb li ralal xcꞌajol laj José ut eb li ralal xcꞌajol laj Benjamín.

Deuteronomio 27:20

Tzꞌekta̱nanbil li tixchꞌic rib riqꞌuin li rixakil lix yucuaꞌ ut tixcꞌut xxuta̱n lix yucuaꞌ. Ut chixjunileb li tenamit teꞌxye: Joꞌcan taxak.

Jueces 5:14

Eb li ralal xcꞌajol laj Efraín li cuanqueb saꞌ li naꞌajej li queꞌcuan cuiꞌ laj Amalec, queꞌco̱eb saꞌ li ru takꞌa. Queꞌco̱eb ajcuiꞌ li ralal xcꞌajol laj Benjamín. Ut queꞌco̱eb li nequeꞌtaklan saꞌ xya̱nkeb laj Maquir, joꞌ eb ajcuiꞌ li cuanqueb xcuanquil saꞌ xya̱nkeb li ralal xcꞌajol laj Zabulón.

1 Samuel 2:22

Ac ti̱x chic chi us laj Elí ut yo̱ chirabinquil resil li incꞌaꞌ us nequeꞌxba̱nu eb li ralal riqꞌuineb chixjunileb laj Israel. Quirabi ajcuiꞌ resil nak nequeꞌcuar riqꞌuineb li ixk li nequeꞌtrabajic chire li oqueba̱l re li tabernáculo li nequeꞌxlokꞌoni cuiꞌ li Ka̱cuaꞌ.

2 Samuel 13:21

Nak quirabi li cꞌaꞌru quicꞌulman li rey David, cꞌajoꞌ nak quijoskꞌoꞌ.