Génesis 35:2 - Li Santil hu2 Laj Jacob quixye reheb li ralal xcꞌajol joꞌ eb ajcuiꞌ li cuanqueb rubel xtakl: —Isihomak chixjunileb li jalanil dios li cuanqueb e̱riqꞌuin. Tex-ati̱nk ut texjalok chokꞌ retalil nak te̱canab xba̱nunquil li ma̱usilal. အခန်းကိုကြည့်ပါ။Q'eqchi Bible2 Toja' naq laj Jakob kixye reheb' li wankeb' sa' rochoch jo' ajwi' reheb' chixjunil li rochb'een: “Isihomaq chixjunileb' li jalanil yos li wank eerik'in. Chech'ajob'resi eerib' ut jalomaq leeraq'. အခန်းကိုကြည့်ပါ။ |
Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.
Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.
Qꞌuehomak le̱ chꞌo̱l chixcolbal e̱ras e̱ri̱tzꞌin. Chanchan li yo̱kex chirisinquileb saꞌ xxamlel li xbalba. Ut li jun chꞌol chic eb laj kꞌetol a̱tin, cheruxta̱naheb ru aban tinye e̱re: cheqꞌuehak retal. Incꞌaꞌ chextzꞌako̱nk riqꞌuineb lix ma̱usilal xban nak numtajenakeb cuiꞌchic lix ma̱usilal. Xicꞌ cheril lix ma̱queb joꞌ junak kꞌel tꞌicr numtajenak xtzꞌajnil ru.
La̱in xinqꞌue retal li ma̱usilal nequeba̱nu. La̱in xcuil nak nequelokꞌoniheb li jalanil dios saꞌ eb li tzu̱l ut saꞌ eb li ru takꞌa. Chanchanex li nequeꞌxmux ru xsumlajiqueb. Ta̱cha̱lk li raylal saꞌ e̱be̱n la̱ex li cuanquex Jerusalén. La̱ex incꞌaꞌ nequecanab xba̱nunquil li ma̱usilal. ¿Joꞌ najtil chic texcua̱nk saꞌ li ma̱usilal? chan li Dios.
Li Ka̱cuaꞌ quixye: —¿Chanru nak tincuy tinsach le̱ ma̱c? Eb le̱ ralal e̱cꞌajol xineꞌxtzꞌekta̱na ut xeꞌxba̱nu li juramento saꞌ xcꞌabaꞌeb li jalanil dios li moco dioseb ta. La̱in quinqꞌuehoc re li cꞌaꞌru queꞌraj. Abanan eb aꞌan xeꞌxlokꞌoniheb li jalanil dios. Chanchan nak queꞌxmux ru lix sumlajiqueb ut queꞌco̱eb riqꞌuineb li ixk li nequeꞌxcꞌayi ribeb.
Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.
Nak nequeꞌrakeꞌ chi ninkꞌei̱c, laj Job naxqꞌue lix cꞌatbil mayej re xsantobresinquileb li ralal xcꞌajol. Nacuacli toj ekꞌela ut naxqꞌue lix mayej aꞌ yal jarub li ralal xcꞌajol cuan. —Ma̱re eb li cualal incꞌajol queꞌma̱cob ut queꞌxmajecua li Dios saꞌ xchꞌo̱leb, chan laj Job. Ut rajlal naxba̱nu chi joꞌcan.
Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.
Laj Josué quixye ajcuiꞌ reheb laj Israel: —Anakcuan ut chexucua ru li Ka̱cuaꞌ ut chexcꞌanjelak chiru chi anchal le̱ chꞌo̱l ut chi tzꞌakal re ru. Isihomakeb saꞌ e̱ya̱nk li yi̱banbil dios li queꞌxlokꞌoni le̱ xeꞌto̱nil yucuaꞌ nak cuanqueb aran jun pacꞌal li nimaꞌ Éufrates ut nak cuanqueb aran Egipto. Chexcꞌanjelak ban chiru li Ka̱cuaꞌ chi anchal e̱chꞌo̱l.