Génesis 35:18 - Li Santil hu

¹⁸ Ut nak ac ca̱mc re, lix Raquel quixye: —Aj Benoni te̱qꞌue chokꞌ xcꞌabaꞌ li cꞌulaꞌal aꞌin, chan ut quicam. Abanan li yucuaꞌbej quixqꞌue aj Benjamín chokꞌ xcꞌabaꞌ.

Q'eqchi Bible

¹⁸ Ut sa' relik xch'ool, naq kamk re, lix Rakel kixk'e aj Ben-Oní cho'q xk'ab'a' li k'uula'al; ab'an li xyuwa' aj Benjamín kixk'e cho'q xk'ab'a'.

Génesis 35:18 ပူးပေါင်းရင်းမြစ်များ

Hechos 7:59

Nak yo̱queb chixcutbal chi pec, laj Esteban yo̱ chi tijoc ut quixye: —At Ka̱cuaꞌ Jesús, cꞌul lin musikꞌ.—

San Lucas 23:46

Quia̱tinac li Jesús chi cau xya̱b xcux ut quixye: —At inYucuaꞌ, saꞌ a̱cuukꞌ tinkꞌaxtesi lin musikꞌ, chan. Nak quixye aꞌan, qui-el xchꞌo̱l.

1 Crónicas 4:9

Laj Jabes, aꞌan jun li cui̱nk kꞌaxal cuiꞌchic naꞌno ru chiruheb li ras ri̱tzꞌin. Lix naꞌ quixqꞌue aj Jabes chokꞌ xcꞌabaꞌ xban nak cꞌajoꞌ li raylal quixcꞌul nak quiyoꞌla laj Jabes.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

Lamentaciones 2:12

Nequeꞌxye reheb lix naꞌ: —Ma̱cꞌaꞌ chic kacua kucꞌa, chanqueb. Ut nequeꞌtꞌaneꞌ saꞌ eb li be xban xtzꞌocajiqueb. Ut nequeꞌcam saꞌ rukꞌeb lix naꞌ xban nak ma̱cꞌaꞌ chic xtzacae̱mkeb.

Salmos 80:17

Abanan chatenkꞌa li jun li sicꞌbil ru a̱ban. Ut chacol li ac xakabanbil a̱ban chi cꞌanjelac cha̱cuu.

Salmos 16:10

At inDios, la̱in ninnau nak tina̱cuaclesi cuiꞌchic chi yoꞌyo saꞌ xya̱nkeb li camenak. Ut ninnau ajcuiꞌ nak incꞌaꞌ ta̱canab chi osocꞌ chi junaj cua li sicꞌbil ru a̱ban.

Éxodo 12:7

Te̱rach xquiqꞌuel li carner saꞌ xbe̱n li puerta joꞌ ajcuiꞌ saꞌ xcaꞌ pacꞌalil xcheꞌel li puerta saꞌ le̱ rochoch li bar yo̱kex cuiꞌ chi cuaꞌac.

Génesis 43:14

Li Ka̱cuaꞌ Dios taxak ta̱tenkꞌa̱nk e̱re nak texcuulak riqꞌuin li cui̱nk aꞌan. Chisahokꞌ taxak saꞌ xchꞌo̱l nak texril ut tixba̱nu usilal e̱re. Ta̱rachꞌab taxak laj Simeón ut chicha̱lk taxak laj Benjamín nak texsukꞌi̱k chak la̱ex. Cui nequeꞌsach chicuu chi xcabichaleb li cualal, ¿cꞌaꞌ ta chic ru ta̱ru̱k tinba̱nu la̱in? chan laj Jacob.

Génesis 42:38

Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Génesis 42:4

Abanan laj Jacob incꞌaꞌ quixtakla laj Benjamín chirixeb li ras xban nak cꞌajoꞌ lix cꞌaꞌux chirix. Cuan saꞌ xchꞌo̱l nak ma̱re cꞌaꞌru tixcꞌul saꞌ be nak yo̱keb chi xic.

Génesis 30:1

Lix Raquel quixcakali lix Lea xban nak ma̱ jun lix cocꞌal nacuan riqꞌuin laj Jacob. Lix Raquel quixye re lix be̱lom: —La̱in tincuaj nak teꞌcua̱nk incocꞌal. Cui incꞌaꞌ teꞌcua̱nk incocꞌal, ¿cꞌaꞌru aj e nak yoꞌyo̱kin? chan.

Génesis 35:17

Nak yo̱ chi yoꞌla̱c li cꞌulaꞌal, li ixk li yo̱ chi iloc re quixye: —Matcꞌoxlac. Te̱lom la̱ cꞌulaꞌal li xyoꞌla, chan.

Génesis 35:19

Joꞌcaꞌin nak quicam lix Raquel ut quimukeꞌ saꞌ li be li naxic Efrata. Anakcuan Belén nayeman re li tenamit aꞌan.

Génesis 35:24

Riqꞌuin lix Raquel queꞌcuan cuib li ralal laj Jacob. Aꞌaneb aꞌin lix cꞌabaꞌeb: laj José ut laj Benjamín.

Génesis 49:27

Ut la̱at, Benjamín, tatinjuntakꞌe̱ta riqꞌuin li joskꞌ aj xoj xban nak la̱at joꞌ eb la̱ cualal a̱cꞌajol nabal li pletic te̱ba̱nu riqꞌuineb li xicꞌ teꞌilok e̱re. Ekꞌela texxic chi pletic ut ecuu te̱jeqꞌui li cꞌaꞌru te̱makꞌ chak chiruheb nak texpletik, chan laj Israel.