Génesis 35:11 - Li Santil hu

¹¹ Li Dios quixye re: —La̱in li Ka̱cuaꞌ Dios li kꞌaxal nim incuanquil. Chexqꞌui̱k ut cheꞌta̱mk la̱ cualal a̱cꞌajol. Riqꞌuineb la̱ cualal a̱cꞌajol teꞌcua̱nk li ni̱nki tenamit. Ut saꞌ xya̱nkeb ajcuiꞌ aꞌan teꞌcua̱nk ajcuiꞌ li rey.

Q'eqchi Bible

¹¹ Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 35:11 ပူးပေါင်းရင်းမြစ်များ

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Génesis 9:1

Li Dios quirosobtesi laj Noé joꞌ eb ajcuiꞌ li ralal. Ut quixye reheb: —Chicua̱nk e̱cocꞌal ut chexnabalokꞌ toj retal texta̱mk saꞌ chixjunil li ruchichꞌochꞌ, chan li Dios.

2 Corintios 6:18

Ut la̱inak chic le̱ Yucuaꞌ ut la̱exak chic li cualal incꞌajol, chan li Ka̱cuaꞌ li kꞌaxal nim xcuanquil. (Isa. 52:11)

Éxodo 6:3

La̱in quincꞌutbesi chiruheb laj Abraham, laj Isaac joꞌ ajcuiꞌ laj Jacob nak la̱in li nimajcual Dios. Aban incꞌaꞌ quincꞌutbesi chiruheb nak la̱in li Dios li nacoloc.

Génesis 17:16

La̱in tincuosobtesi lix Sara. Ut ta̱cua̱nk la̱ cualal riqꞌuin. Relic chi ya̱l tincuosobtesi aꞌan. Lix Sara ta̱cua̱nk nabaleb li ralal xcꞌajol. Aꞌan ta̱oc chokꞌ xnaꞌeb nabal chi tenamit li toj teꞌyoꞌla̱k mokon. Li ralal xcꞌajol lix Sara teꞌoc chokꞌ xreyeb li tenamit, chan li Dios.

Génesis 15:5

Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Éxodo 1:7

Aꞌut eb li imambej queꞌnabaloꞌ ut queꞌqꞌuian li ralal xcꞌajol laj Israel. Queꞌnumtajenakoꞌ lix cacuilaleb ut quila̱tzꞌoꞌ lix naꞌajeb.

Génesis 43:14

Li Ka̱cuaꞌ Dios taxak ta̱tenkꞌa̱nk e̱re nak texcuulak riqꞌuin li cui̱nk aꞌan. Chisahokꞌ taxak saꞌ xchꞌo̱l nak texril ut tixba̱nu usilal e̱re. Ta̱rachꞌab taxak laj Simeón ut chicha̱lk taxak laj Benjamín nak texsukꞌi̱k chak la̱ex. Cui nequeꞌsach chicuu chi xcabichaleb li cualal, ¿cꞌaꞌ ta chic ru ta̱ru̱k tinba̱nu la̱in? chan laj Jacob.

Génesis 32:12

La̱at junxil caye chak cue nak tina̱cuosobtesi ut caye ajcuiꞌ nak teꞌcua̱nk nabal li cualal incꞌajol joꞌ xqꞌuial ru li samaib li cuan chire li palau, li incꞌaꞌ naru rajlanquil xban xqꞌuial, chan.

Génesis 28:14

La̱ cualal a̱cꞌajol teꞌqꞌuia̱nk joꞌ xqꞌuial li poks li cuan saꞌ li chꞌochꞌ ut telajeꞌxjeqꞌui rib saꞌ ruchichꞌochꞌ. Saꞌ a̱cꞌabaꞌ la̱at joꞌ ajcuiꞌ saꞌ xcꞌabaꞌeb la̱ cualal a̱cꞌajol, chixjunileb li tenamit li teꞌcua̱nk saꞌ ruchichꞌochꞌ teꞌxcꞌul jun li nimla usilal.

Génesis 18:18

Laj Abraham, aꞌan li ta̱oc chokꞌ xxeꞌto̱nil yucuaꞌeb li qꞌuila tenamit ut eb aꞌan nimak xcuanquileb. Chixjunileb li tenamit saꞌ ruchichꞌochꞌ teꞌxcꞌul li usilal saꞌ xcꞌabaꞌ laj Abraham.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Génesis 46:3

Ut li Ka̱cuaꞌ Dios quixye re: —La̱in li Ka̱cuaꞌ Dios li quixlokꞌoni la̱ yucuaꞌ. Matxucuac chi xic Egipto xban nak aran tinqꞌueheb chi qꞌuia̱nc nabaleb la̱ cualal a̱cꞌajol. Riqꞌuineb aꞌan ta̱cua̱nk jun nimla tenamit.

Génesis 9:7

Chicua̱nk nabal le̱ cocꞌal ut chexqꞌuia̱nk. Chexta̱mk ut chexnabalokꞌ saꞌ ruchichꞌochꞌ, chan li Dios.

Génesis 17:4

Ut li Dios quixye ajcuiꞌ re laj Abram: —Li contrato li tinba̱nu a̱cuiqꞌuin, aꞌan aꞌin: La̱at tat-oc chokꞌ xxeꞌto̱nil yucuaꞌeb nabaleb chi tenamit, chan.

Génesis 36:31

Nak toj ma̱jiꞌ nacuan xreyeb laj Israel, aꞌaneb aꞌin li queꞌtaklan saꞌ li tenamit Edom.

Génesis 47:27

Ut eb laj Israel queꞌcana aran Egipto saꞌ li naꞌajej Gosén. Ut queꞌtam li cꞌaꞌru reheb aꞌan. Ut queꞌqꞌuian ajcuiꞌ eb li ralal xcꞌajol.

Levítico 26:42

ta̱julticokꞌ cue li contrato li quinba̱nu riqꞌuineb laj Jacob, laj Isaac, ut laj Abraham. Ut ta̱julticokꞌ cue li chꞌochꞌ.

1 Crónicas 16:17

Quixba̱nu ajcuiꞌ li contrato aꞌan riqꞌuin laj Jacob. Ut quixxakab xcuanquil li contrato chokꞌ reheb laj Israel chi junelic.

Éxodo 2:24

Nak li Dios quirabi nak yo̱queb chi kꞌoko̱nc, quijulticoꞌ re li usilal li quixyechiꞌi chak reheb laj Abraham, laj Isaac ut laj Jacob junxil.

1 Crónicas 16:16

Jultic re nak quixba̱nu li contrato riqꞌuin laj Abraham. Ut jultic ajcuiꞌ re nak quixba̱nu li contrato aꞌan riqꞌuin laj Isaac.

1 Crónicas 16:18

Quixye reheb chi joꞌcaꞌin, “La̱in tinqꞌue e̱re li naꞌajej Canaán. La̱ex tex-e̱chani̱nk re chi junaj cua,” chan li Dios.