Génesis 34:5 - Li Santil hu

⁵ Laj Jacob quirabi resil nak quichapeꞌ lix rabin xban laj Siquem. Ut aꞌan ma̱cꞌaꞌ quixye. Toj quiroybeni nak queꞌsukꞌi chak eb li ralal li cuanqueb chak chi iloc queto̱mk saꞌ cꞌaleba̱l.

Q'eqchi Bible

⁵ Kirab'i laj Jakob naq laj Sikem kixmux xtuq'ixqilal lix Dina li xrab'in, ab'an eb' li ralal wankeb' chaq sa' k'aleb'aal chi ilok ketomq; jo'kan naq maak'a' kixye toj sa' xk'ulunikeb' li ralal.

Génesis 34:5 ပူးပေါင်းရင်းမြစ်များ

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

San Lucas 15:29

Li asbej quichakꞌoc ut quixye re lix yucuaꞌ: —At inyucuaꞌ, la̱at nacanau nak nabal chihab xincꞌanjelac cha̱cuu ut ma̱ jun sut xinkꞌet la̱ cua̱tin. Ut ma̱ jun cua xaqꞌue junak inchꞌina chiba̱t re nak tinninkꞌei̱k cuochbeneb li cuami̱g.

San Lucas 15:25

Ut li asbej cuan chak saꞌ cꞌaleba̱l. Nak yo̱ chi cuulac saꞌ cab, quirabi li son ut li xajoc.

1 Samuel 17:15

Laj David rajlal nacuulac riqꞌuin laj Saúl ut nasukꞌi cuiꞌchic Belén chixcꞌacꞌalenquil lix carner lix yucuaꞌ.

1 Samuel 16:11

Ut quixye re: —¿Ma caꞌaj eb cuiꞌ aꞌin la̱ cualal? chan. Laj Isaí quixye: —Cuan chic jun li i̱tzꞌinbej. Aꞌan li yo̱ chak chi iloc reheb li carner, chan. Ut laj Samuel quixye re: —Takla xbokbal chi junpa̱t xban nak incꞌaꞌ tocuaꞌak cui toj ma̱jiꞌ nacꞌulun, chan.

1 Samuel 10:27

Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Génesis 30:35

Chiru ajcuiꞌ li cutan aꞌan, co̱ laj Labán saꞌ lix naꞌajeb lix queto̱mk. Quirisiheb chixjunil li chiba̱t li repex rixeb joꞌ ixk joꞌ te̱lom. Quirisiheb ajcuiꞌ li carner li kꞌek rixeb. Laj Labán quixkꞌaxtesiheb li queto̱mk aꞌan saꞌ rukꞌeb li ralal re nak aꞌan eb chic teꞌilok re.

Salmos 39:9

Incꞌaꞌ tina̱tinak. Ma̱cꞌaꞌ tinye xban nak la̱at xina̱canab chixcꞌulbal li raylal aꞌin.

Génesis 34:4

Laj Siquem quia̱tinac riqꞌuin laj Hamor lix yucuaꞌ ut quixye re, —Ba̱nu usilal cue, tzꞌa̱ma chokꞌ cuixakil li xkaꞌal aꞌan. La̱in tincuaj sumla̱c riqꞌuin, chan re.

Génesis 34:6

Toj ma̱jiꞌ nequeꞌcuulac nak laj Hamor, xyucuaꞌ laj Siquem, co̱ chi a̱tinac riqꞌuin laj Jacob.

Génesis 46:34

la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.