Génesis 34:30 - Li Santil hu

³⁰ Laj Jacob quixye re laj Simeón joꞌ ajcuiꞌ re laj Leví: —La̱ex xeqꞌue jun li nimla raylal saꞌ inbe̱n la̱in. Anakcuan chixjunileb li cristian saꞌ li naꞌajej aꞌin xicꞌ chic tineꞌril, eb laj cananeo ut eb laj ferezeo. Ma̱re teꞌxchꞌutub ribeb re teꞌpletik kiqꞌuin. Ut la̱o coꞌxibo ajcuiꞌ. ¿Cꞌaꞌru takaba̱nu? To-osokꞌ chikajunilo, chan laj Jacob.

Q'eqchi Bible

³⁰ Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

Génesis 34:30 ပူးပေါင်းရင်းမြစ်များ

Salmos 105:12

Moco nabaleb ta laj Israel nak quiyechiꞌi̱c lix naꞌajeb xban li Dios. Ut yal aj numeleb saꞌ li naꞌajej li cuanqueb cuiꞌ.

1 Samuel 13:4

Joꞌcan nak chixjunileb laj Israel queꞌrabi resil nak laj Saúl ac xeꞌxcamsi li jun chꞌu̱tal chi soldado li yo̱queb chi cꞌacꞌale̱nc aran Gabaa. Queꞌxnau nak xicꞌ nequeꞌileꞌ xbaneb laj filisteo. Ut chixjunileb queꞌco̱eb Gilgal re teꞌxchꞌutub ribeb riqꞌuin laj Saúl.

Josué 7:25

Laj Josué quixye re: —¿Cꞌaꞌut nak xacꞌam chak li raylal aꞌin saꞌ kabe̱n? Anakcuan li Ka̱cuaꞌ xqꞌuehak chatoj li raylal li xacꞌam chak saꞌ kabe̱n.— Nak quixye aꞌin laj Josué, chixjunileb laj Israel queꞌxcamsi chi pec laj Acán joꞌ ajcuiꞌ chixjunil li cuanqueb rochben. Ut chirix aꞌan queꞌxcꞌat.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

1 Crónicas 19:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak laj Hanún ut eb li ralal xcꞌajol laj Amón queꞌxtakla cuakib ciento riqꞌuin oxcꞌa̱l (660) quintal li plata re xtojbal li carruaje re pletic joꞌ eb ajcuiꞌ li teꞌchꞌeꞌok reheb re teꞌxic chi pletic riqꞌuin laj David. Eb aꞌan queꞌchal chak saꞌ eb li naꞌajej Mesopotamia, ut Siria, Maaca ut Soba.

1 Crónicas 16:19

Moco nabaleb ta laj Israel nak quiyechiꞌi̱c lix naꞌajeb xban li Dios. Ut yal aj numeleb saꞌ li naꞌajej li cuanqueb cuiꞌ.

1 Samuel 27:12

Laj Aquis cꞌojcꞌo xchꞌo̱l riqꞌuin laj David. Quixye saꞌ xchꞌo̱l: —Laj David ta̱cꞌanjelak chicuu joꞌ najtil yoꞌyo̱k xban nak kꞌaxal xicꞌ chic ta̱ilekꞌ xbaneb laj Israel, li rech tenamitil, riqꞌuin li cꞌaꞌru yo̱ chixba̱nunquil, chan.

Génesis 13:7

Ut saꞌ li naꞌajej aꞌan cuanqueb laj cananeo joꞌ eb ajcuiꞌ laj ferezeo. Xban nak kꞌaxal latzꞌ li naꞌajej, queꞌxpleti rib chi ribileb rib laj ilol xqueto̱mk laj Abram riqꞌuineb laj ilol xqueto̱mk laj Lot.

Proverbios 15:27

Li ani naxrahi ru chixjunil naxqꞌue saꞌ raylal lix jun cablal. Abanan li ani incꞌaꞌ naxcꞌu̱luban nak ta̱tumina̱k ru, aꞌan sa ta̱cua̱nk.

Proverbios 11:29

Li ani incꞌaꞌ naril lix jun cablal ma̱cꞌaꞌ chic cuan re nacana. Ut li ma̱cꞌaꞌ xnaꞌleb nacana chokꞌ xmo̱s li cuan xnaꞌleb.

Proverbios 11:17

Li ani naxba̱nu usilal re li ras ri̱tzꞌin, chokꞌ re ajcuiꞌ aꞌan naxba̱nu li us. Ut li ani incꞌaꞌ naxba̱nu usilal, chokꞌ re ajcuiꞌ aꞌan naxsicꞌ li incꞌaꞌ us.

1 Crónicas 16:12

Chijulticokꞌ e̱re li sachba chꞌo̱lej li quixba̱nu riqꞌuin lix cuanquil. Chijulticokꞌ e̱re chanru nak quirakoc a̱tin saꞌ ti̱quilal.

1 Crónicas 2:7

Li ralal laj Carmi, aꞌan laj Acán, li quixbok raylal saꞌ xbe̱neb laj Israel xban nak quixxoc chokꞌ re li re li Dios.

1 Reyes 18:18

Laj Elías quixye re: —Ma̱cuaꞌ la̱in li yo̱quin chi qꞌuehoc raylal saꞌ xbe̱n li tenamit Israel. La̱at ban li yo̱cat chi qꞌuehoc raylal a̱cuochben la̱ yucuaꞌ xban nak xetzꞌekta̱na lix chakꞌrab li Ka̱cuaꞌ ut yo̱quex chixlokꞌoninquileb li yi̱banbil dios Baal, chan.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

1 Samuel 27:1

Laj David quixye saꞌ xchꞌo̱l: —Ta̱cuulak xkꞌehil nak laj Saúl tinixcamsi. Kꞌaxal us cui tine̱lk saꞌ xya̱nkeb laj Israel ut tinxic chi cua̱nc saꞌ xya̱nkeb laj filisteo re nak laj Saúl tixcanab insicꞌbal, chan.

1 Samuel 16:2

Laj Samuel quixye: —At Ka̱cuaꞌ, la̱in incꞌaꞌ naru ninba̱nu aꞌan. Cui laj Saúl ta̱rabi resil, tinixcamsi, chan. Li Dios quixye re: —Ta̱cꞌam jun li chꞌina ba̱c nak tatxic. Ut ta̱ye re laj Saúl nak xic a̱cue chi mayejac chicuu.

Deuteronomio 7:7

Moco xban ta nak kꞌaxal nabalex joꞌ eb li tenamit jun chꞌol chic nak quixsicꞌ e̱ru li Dios ut quexra, xban nak la̱ex moco qꞌuihex ta.

Deuteronomio 4:17

Chi moco te̱yi̱b xjalam u̱ch li xul li cuanqueb saꞌ ruchichꞌochꞌ, chi moco li xul li nequeꞌrupupic chiru choxa,

Génesis 46:27

Cuib li ralal laj José queꞌyoꞌla aran Egipto. Laje̱b xca̱cꞌa̱l (70) chixjunileb li ralal xcꞌajol laj Jacob li cuanqueb Egipto.

Génesis 12:12

Nak tateꞌril eb laj Egipto, teꞌxye nak la̱at cuixakil. Naru tineꞌxcamsi la̱in ut la̱at tateꞌxcꞌam riqꞌuineb.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Génesis 34:2

Laj Hamor, aj heveo, aꞌan li acuabej re li tenamit aꞌan. Li ralal laj Hamor, aꞌan laj Siquem. Nak laj Siquem quiril lix Dina, quixchap ut quixpuersi ru re nak ta̱cua̱nk riqꞌuin.

Génesis 34:29

Quilajeꞌrelkꞌa li cꞌaꞌru cuan saꞌ li rochocheb. Queꞌxcꞌam ajcuiꞌ chixjunileb li ixk joꞌ eb ajcuiꞌ li cocꞌal.

Génesis 34:31

Ut eb li ralal queꞌchakꞌoc ut queꞌxye re: —¿Ma xacuaj raj la̱at nak xkacanab li ki̱tzꞌin re nak ta̱osokꞌ joꞌ junak ixk yibru xnaꞌleb? chanqueb re lix yucuaꞌ.

Génesis 46:26

Cuakib xca̱cꞌa̱l (66) li ralal xcꞌajol laj Jacob li junaj xquiqꞌueleb li queꞌco̱eb Egipto. Ma̱cꞌaꞌ eb saꞌ ajl li rixakil eb li ralal.

Deuteronomio 4:27

Li Ka̱cuaꞌ Dios tixchaꞌchaꞌi e̱ru saꞌ eb li jalan tenamit ut moco qꞌuihex ta chic li texcana̱k chi yoꞌyo saꞌ eb li naꞌajej li texcꞌamekꞌ cuiꞌ xban li Ka̱cuaꞌ.

Génesis 12:6

Laj Abram yo̱ chi numecꞌ saꞌ li tenamit aꞌan nak coxtau li naꞌajej Siquem. Aran cuan jun to̱n li cheꞌ ji re jun li cui̱nk aj More xcꞌabaꞌ. Saꞌ li naꞌajej aꞌan cuanqueb laj cananeo.

2 Samuel 16:21

Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.

1 Reyes 11:25

Laj Rezón quicuan ajcuiꞌ chokꞌ xreyeb laj Siria. Ut xicꞌ quirileb laj Israel joꞌ najtil quicuan chokꞌ rey laj Salomón. Laj Hadad, aꞌan jun chic li cui̱nk xicꞌ na-iloc reheb laj Israel.