Génesis 34:13 - Li Santil hu

¹³ Xban nak ac nequeꞌxnau nak laj Siquem quixchap saꞌ pue̱rs lix Dina, eb li ras riqꞌuin balakꞌ aj a̱tin queꞌchakꞌoc chiruheb laj Hamor ut laj Siquem.

Q'eqchi Bible

¹³ Toja' naq eb' li ralal laj Jakob ke'xchaq'b'e sa' b'alaq'il laj Sikem ut laj Jamor li xyuwa'; ut jo'ka'in ke'xye re li kixmux xtuq'ixqilal lix Dina li ranab'eb':

Génesis 34:13 ပူးပေါင်းရင်းမြစ်များ

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

San Mateo 28:13

Ut queꞌxye reheb: —Joꞌcaꞌin te̱ye: “Eb lix tzolom queꞌcuulac chi kꞌek ut queꞌrelkꞌa li camenak nak yo̱co chi cua̱rc,” chaꞌkex.—

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Proverbios 12:13

Eb li incꞌaꞌ useb xnaꞌleb nequeꞌxbok raylal saꞌ xbe̱neb riqꞌuin li ticꞌtiꞌic nequeꞌxba̱nu. Abanan eb li ti̱queb xchꞌo̱l nequeꞌxnau xcolbal ribeb chiru li raylal.

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

Li xHu LAJ JOB 13:7

¿Ma yo̱quex ta biꞌ xcolbal rix li Dios riqꞌuin li ticꞌtiꞌ nequeye? ¿Ma usilal ta biꞌ yo̱quex chixba̱nunquil re nak yo̱quex chi balakꞌic?

Li xHu LAJ JOB 13:4

Xban nak la̱ex nequejal ru lix ya̱lal, ticꞌtiꞌ nequeye. Ma̱ ani naru nequetenkꞌa. Chanchanex laj banonel incꞌaꞌ naru chi banoc.

Jueces 15:3

Laj Sansón quixye re: —La̱in ma̱cꞌaꞌ inma̱c cui cꞌaꞌru incꞌaꞌ us tinba̱nu reheb laj filisteo, chan.

Génesis 34:12

Yehomak cue joꞌ nimal te̱raj. Usta nabal, la̱in tinqꞌue e̱re. Mexcꞌoxlac riqꞌuin aꞌan. Qꞌuehomak cue li xkaꞌal re nak tinsumla̱k riqꞌuin, chan.

Génesis 34:14

Queꞌxye reheb: —Incꞌaꞌ naru takaqꞌue li kanab re junak cui̱nk ma̱jiꞌ naxcꞌul li circuncisión xban nak xuta̱nal aꞌan saꞌ kaya̱nk la̱o, chanqueb.