Génesis 33:9 - Li Santil hu

⁹ Laj Esaú quixye: —Incꞌaꞌ. La̱in incꞌaꞌ naru tincꞌuleb li queto̱mk aꞌan. La̱at cui̱tzꞌin. Ut la̱in tzꞌakal ajcuiꞌ li cꞌaꞌru cue cuan. Li cꞌaꞌru xasi cue, cana̱k chokꞌ a̱cue, chan.

Q'eqchi Bible

⁹ Ab'an laj Esaú kixye: “At wiitz'in, tz'aqal wank we: aawehaq chixjunil li k'aru aawe”.

Génesis 33:9 ပူးပေါင်းရင်းမြစ်များ

Génesis 27:39

Laj Isaac quichakꞌoc ut quixye re: —Incꞌaꞌ tatcua̱nk saꞌ cha̱bil chꞌochꞌ chi moco tixqꞌue li hab saꞌ xbe̱n la̱ chꞌochꞌ.

Filemón 1:7

At inherma̱n, cꞌajoꞌ nak nasahoꞌ ut nacꞌojla inchꞌo̱l nak xcuabi resil chanru nak nacaraheb laj pa̱banel ut nacaqꞌue xcacuilal xchꞌo̱leb.

Filemón 1:16

Anakcuan ma̱cuaꞌ chic joꞌ lokꞌbil mo̱s nak ta̱cua̱nk a̱cuiqꞌuin. Anakcuan kꞌaxal lokꞌ chic chiru junak mo̱s xban nak anakcuan a̱herma̱n chic saꞌ xcꞌabaꞌ li Jesucristo. Raro inban la̱in, ut la̱at kꞌaxal cuiꞌchic nak ta̱ra xban nak a̱mo̱s ut a̱herma̱n ajcuiꞌ saꞌ xcꞌabaꞌ li Ka̱cuaꞌ.

Hechos 21:20

Nak queꞌrabi aꞌin queꞌxbantioxi chiru li Dios. Ut queꞌxye re laj Pablo: —La̱at nacacuil, at herma̱n, jarub mil eb laj judío ac xeꞌpa̱ban. Ut chixjunileb aꞌan nequeꞌxqꞌue xchꞌo̱l chixba̱nunquil li naxye li chakꞌrab.

Hechos 9:17

Co̱ ut laj Ananías ut qui-oc saꞌ li cab joꞌ quiyeheꞌ re. Quixqꞌue li rukꞌ saꞌ xbe̱n laj Saulo ut quixye re: —Hermano Saulo, li Ka̱cuaꞌ Jesús, li quixcꞌutbesi rib cha̱cuu saꞌ li be nak yo̱cat chi cha̱lc arin, aꞌan xtaklan chak cue arin re nak ta̱ru̱k tat-ilok cuiꞌchic ut ta̱cꞌul li Santil Musikꞌej, chan laj Ananías re.

Eclesiastés 4:8

Junak cui̱nk ma̱ ani cuan re, ma̱cꞌaꞌ rami̱g, chi moco ralal xcꞌajol, chi moco cuan ras ut ri̱tzꞌin. Li cui̱nk aꞌan incꞌaꞌ nahilan chi cꞌanjelac chi moco nahilan chixcꞌoxlanquil lix biomal. Incꞌaꞌ naxcꞌoxla cꞌaꞌut nak naxcamsi rib chi cꞌanjelac chi moco naxcꞌoxla cꞌaꞌut nak incꞌaꞌ naxyal xsahil li cꞌaꞌru naxcꞌanjela. Joꞌcan nak ma̱cꞌaꞌ rajbal nak tixcamsi rib junak chi cꞌanjelac.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Génesis 4:9

Li Dios quixye re laj Caín: —¿Bar cuan la̱ cui̱tzꞌin?— Laj Caín quixye: —Incꞌaꞌ ninnau. ¿Ma la̱in ta biꞌ aj ilol re li cui̱tzꞌin? chan.

Proverbios 30:15

Cuanqueb cristian caꞌaj cuiꞌ xtzꞌa̱manquil cꞌaꞌru reheb nequeꞌcuulac chiruheb. Chanchaneb li xul li natzꞌubuc quicꞌ. Cuanqueb oxib li incꞌaꞌ natzꞌakloc re li joꞌ qꞌuial nequeꞌxcꞌul. Ut cuan jun chic ma̱ jaruj naxcꞌojob xchꞌo̱l riqꞌuin li joꞌ qꞌuial naxcꞌul.

Génesis 27:40

Ut riqꞌuin pletic ta̱col rix la̱ yuꞌam chi junelic. La̱at tatcꞌanjelak chiru la̱ cui̱tzꞌin. Abanan ta̱cuulak xkꞌehil nak la̱at ta̱col a̱cuib chiru ut incꞌaꞌ chic tatcua̱nk rubel xcuanquil. Joꞌcaꞌin ajcuiꞌ teꞌxcꞌul eb la̱ cualal a̱cꞌajol, chan laj Isaac re laj Esaú.

Génesis 33:10

Laj Jacob quichakꞌoc ut quixye re: —Ba̱nu usilal, cui ac xina̱cꞌul saꞌ usilal, tento nak ta̱cꞌul li ma̱tan li xinqꞌue a̱cue. Cꞌajoꞌ xsahil inchꞌo̱l nak xcuil a̱cuu. Chanchan xcuil ru li Dios nak xatcuil. La̱at xina̱cꞌul saꞌ xya̱lal.