Génesis 33:4 - Li Santil hu

⁴ Laj Esaú quia̱linac chixcꞌulbal li ri̱tzꞌin. Quixkꞌalu chi xcux laj Jacob ut quirutzꞌ ru ut queꞌoc chi ya̱bac xcabichaleb xban xsahileb saꞌ xchꞌo̱l.

Q'eqchi Bible

⁴ Ab'an laj Esaú ki'aanilak chi xk'ulb'al, kixq'alu chi xkux, kixtz'ub' ru ut kiyaab'ak.

Génesis 33:4 ပူးပေါင်းရင်းမြစ်များ

Salmos 34:4

Quintzꞌa̱ma intenkꞌanquil re li Ka̱cuaꞌ ut aꞌan quixsume li cꞌaꞌru quintzꞌa̱ma re ut quilajrisiheb lin xiu.

San Lucas 15:20

Saꞌ junpa̱t quicuacli ut quisukꞌi saꞌ rochoch lix yucuaꞌ. Toj cuan ajcuiꞌ chak chi najt nak qui-ileꞌ xban lix yucuaꞌ. Ut li yucuaꞌbej quiril xtokꞌoba̱l ru. Co̱ saꞌ a̱nil chixcꞌulbal li ralal. Quixkꞌalu ut quirutzꞌ ru.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

Hechos 20:37

Cꞌajoꞌ nak queꞌya̱bac chixjunileb. Queꞌxkꞌalu laj Pablo ut queꞌrutzꞌ ru.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Génesis 46:29

Ut laj José quixyi̱b lix carre̱t ut qui-oc chi saꞌ. Tojoꞌnak co̱ Gosén chixcꞌulbal lix yucuaꞌ. Nak queꞌxcꞌul rib, laj José ticto quixkꞌalu xcux lix yucuaꞌ ut ma̱ caꞌchꞌin nak quiya̱bac nak queꞌxkꞌalu ribeb.

Génesis 45:2

Ut laj José quiya̱bac chi cau xban xsahil saꞌ xchꞌo̱l. Eb laj Egipto queꞌrabi nak yo̱ chi ya̱bac. Queꞌrabi ajcuiꞌ li cuanqueb saꞌ rochoch laj faraón.

Li xHu LAJ JOB 2:12

Cuanqueb chak chi najt nak queꞌril laj Job ut incꞌaꞌ queꞌxnau nak aꞌan. Nak queꞌxqꞌue retal nak aꞌan, queꞌoc chixjapbal re chi ya̱bac. Chi xju̱nkaleb queꞌxpej li rakꞌeb ut queꞌxcut li poks saꞌ ikꞌ ut queꞌxqꞌue ajcuiꞌ saꞌ xjolomeb xban xrahil xchꞌo̱leb.

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

Génesis 43:30

Joꞌcan nak qui-el laj José saꞌ xya̱nkeb xban nak oc raj re chi ya̱bac. Cꞌajoꞌ nak quisahoꞌ saꞌ xchꞌo̱l chi rilbal laj Benjamín xban nak kꞌaxal naxra li ri̱tzꞌin. Laj José co̱ jun pacꞌal xjunes ut aran quiya̱bac.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Génesis 43:34

Ut laj José quixtakla xjeqꞌuinquileb lix tibel xcua. Ut o̱b sut tzꞌakal xqꞌuial li quixcꞌul laj Benjamín chiruheb li ras. Ut chixjunileb queꞌcuaꞌac ut queꞌucꞌac ut quisahoꞌ saꞌ xchꞌo̱leb rochben laj José.

Génesis 29:11

Laj Jacob quirutzꞌ ru lix Raquel ut quiya̱bac xban xsahil saꞌ xchꞌo̱l.

Génesis 29:13

Nak laj Labán quirabi resil nak laj Jacob cuan aran, quia̱linac saꞌ junpa̱t chixcꞌulbal. Nak quicuulac cuan cuiꞌ laj Jacob, quixkꞌalu ut quirutzꞌ ru. Ut saꞌ junpa̱t quixbok saꞌ rochoch. Laj Jacob najt quiserakꞌic riqꞌuin laj Labán.

Génesis 32:11

Ba̱nu usilal cue, china̱col saꞌ rukꞌ laj Esaú li cuas. La̱in ninxucuac xban li cuas. Naru tinixcamsi ut naru tixcamsiheb li cuixakil joꞌ eb ajcuiꞌ lin cocꞌal.

2 Samuel 14:33

Joꞌcan nak laj Joab co̱ chi a̱tinac riqꞌuin li rey David ut quixye re li cꞌaꞌru quixye laj Absalón. Li rey quixtakla xbokbal laj Absalón. Co̱ laj Absalón riqꞌuin ut quixcuikꞌib rib saꞌ chꞌochꞌ. Li rey quixcꞌul ut quirutzꞌ ru.

1 Samuel 20:41

Nak ac xco̱ li al, laj David qui-el chak chirix li jun tu̱b chi pec. Quixcuikꞌib rib oxib sut saꞌ chꞌochꞌ. Queꞌrutzꞌ ru chi ribileb rib. Ut cꞌajoꞌ nak queꞌya̱bac. Laj David kꞌaxal cuiꞌchic quiya̱bac toj retal quicꞌojla xchꞌo̱l.