Génesis 33:17 - Li Santil hu

¹⁷ Ut laj Jacob co̱ saꞌ li naꞌajej Sucot. Ut aran quixyi̱b lix muheba̱l ut quixyi̱b ajcuiꞌ lix naꞌajeb li xul. Xban aꞌan Sucot quixqꞌue chokꞌ xcꞌabaꞌ li naꞌajej aꞌan.

Q'eqchi Bible

¹⁷ Ut laj Jakob koho Sukot: aran kixyiib' xmuheb'aal jo'wi' naab'al li kuukil ochoch cho'q reheb' li xketomq. Xb'aan a'an Sukot kixk'e cho'q xk'ab'a' li na'ajej a'an.

Génesis 33:17 ပူးပေါင်းရင်းမြစ်များ

Salmos 60:6

Li Dios quia̱tinac chak saꞌ lix santil naꞌaj ut quixye: —Cꞌajoꞌ xsahil inchꞌo̱l nak tinjachi li Siquem ut tinjeqꞌui li ru takꞌa Sucot xcꞌabaꞌ.

Jueces 8:5

Nak queꞌcuulac saꞌ li tenamit Sucot, laj Gedeón quixye reheb li cuanqueb aran: —Nintzꞌa̱ma che̱ru nak te̱ba̱nu li usilal. Te̱qꞌue xtzacae̱mkeb li cui̱nk li cuanqueb cuochben xban nak tacuajenakeb. La̱o yo̱co chira̱linanquileb re takachapeb laj Zeba ut laj Zalmuna lix reyeb laj Madián, chan.

Josué 13:27

Joꞌ ajcuiꞌ li tenamit Bet-aram li cuan saꞌ li ru takꞌa, li tenamit Bet-nimra, ut eb li tenamit Sucot ut Zafón. Aꞌaneb aꞌin li yijach chic li naꞌajej li quicuan rubel xcuanquil laj Sehón li quicuan chokꞌ rey aran Hesbón. Saꞌ li oeste, lix nuba̱l li naꞌajej aꞌan, aꞌan li nimaꞌ Jordán. Ut saꞌ li norte lix nuba̱l, aꞌan li palau Cineret.

Jueces 8:16

Laj Gedeón quixchap li qꞌuix li nacuan saꞌ li chaki chꞌochꞌ. Ut riqꞌuin aꞌan quixrahobtesiheb li nequeꞌtaklan aran Sucot.

Jueces 8:8

Ut laj Gedeón rochbeneb lix soldado queꞌco̱eb Peniel. Ut quixtzꞌa̱ma cuiꞌchic usilal chiruheb joꞌ quixba̱nu aran Sucot. Ut eb li cuanqueb Peniel queꞌxye re joꞌ li queꞌxye li cuanqueb aran Sucot.

1 Reyes 7:46

Chixjunil aꞌin quixtakla xyi̱banquil li rey saꞌ li ru takꞌa re Jordán saꞌ xyi li cuib chi tenamit Sucot ut Saretán.

Jueces 8:14

Ut aran queꞌxchap jun li sa̱j al aj Sucot ut queꞌxpatzꞌ re ani xcꞌabaꞌeb li nequeꞌtaklan aran Sucot. Li al quixtzꞌi̱ba xcꞌabaꞌeb li cuuklaju xca̱cꞌa̱l (77) chi cui̱nk li nequeꞌtaklan joꞌ eb ajcuiꞌ li nequeꞌcꞌamoc be saꞌ li tenamit aꞌan.

Éxodo 13:20

Ut nak queꞌel saꞌ li naꞌajej Sucot xcꞌabaꞌ, queꞌco̱eb toj saꞌ li naꞌajej Etam li cuan chire li chaki chꞌochꞌ.

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Génesis 33:16

Saꞌ ajcuiꞌ li cutan aꞌan laj Esaú quisukꞌi saꞌ li tenamit Seir.