Génesis 33:15 - Li Santil hu

¹⁵ Laj Esaú quixye re, —Us. La̱in nacuaj raj xcanabanquil cuib oxibakeb li cui̱nk li xeꞌchal chicuix re nak eb aꞌan teꞌochbeni̱nk e̱re saꞌ be, chan. Laj Jacob quixye re, —Incꞌaꞌ, Ka̱cuaꞌ Esaú. Ba̱nu usilal ma̱chꞌiꞌchꞌiꞌi a̱cuib xba̱nunquil aꞌan. Tzꞌakal riqꞌuin aꞌin nak xina̱cꞌul cuiꞌchic saꞌ xya̱lal, chan laj Jacob.

Q'eqchi Bible

¹⁵ Kixye laj Esaú: “Tinkanab'aq aawik'in wiib' oxib'aq li neke'ochb'eenink we”. Kichaq'ok laj Jakob: “K'a' aj e? Tz'aqalaq rik'in naq usilal xintaw chiru linqaawa'”, chan.

Génesis 33:15 ပူးပေါင်းရင်းမြစ်များ

Li xHu LIX RUT 2:13

Lix Rut quichakꞌoc ut quixye re: —Kꞌaxal cha̱bilat, at Ka̱cuaꞌ. Saꞌ xya̱lal xat-a̱tinac cuiqꞌuin ut xacꞌojob inchꞌo̱l. Xacuil xtokꞌoba̱l cuu usta la̱in moco incꞌulub ta xban nak la̱in ma̱cuaꞌin jun xcomoneb la̱ mo̱s ixk, chan.

Génesis 47:25

Eb aꞌan queꞌchakꞌoc ut queꞌxye re: —La̱o xocoleꞌ a̱ban. Chixcꞌul taxak a̱chꞌo̱l la̱at nak la̱o to-oc chokꞌ xmo̱s laj faraón, chanqueb.

Génesis 34:11

Laj Siquem quixye re lix yucuaꞌ lix Dina joꞌ ajcuiꞌ reheb li ras ut li ri̱tzꞌin: —Chixcꞌulak e̱chꞌo̱l li cꞌaꞌru xyeman e̱re. Aꞌ yal cꞌaꞌru te̱patzꞌ cue, la̱in tinqꞌue e̱re.

2 Samuel 16:4

Li rey David quixye re: —Chixjunil li cꞌaꞌru cuan re laj Mefi-boset, ta̱cana̱k chokꞌ a̱cue, chan. Laj Siba quixye re laj David: —At rey, la̱in aj cꞌanjel cha̱cuu. Junelic taxak sahak a̱chꞌo̱l cuiqꞌuin, chan.

1 Samuel 25:8

Naru ta̱patzꞌ reheb la̱ mo̱s ut teꞌxye a̱cue nak ya̱l li yo̱quin chixyebal. Xintakla lin takl a̱cuiqꞌuin anakcuan saꞌ li cutan nak sa saꞌ a̱chꞌo̱l ut nintzꞌa̱ma cha̱cuu nak ta̱cꞌuleb saꞌ xya̱lal. Nintzꞌa̱ma cha̱cuu nak ta̱qꞌue li joꞌ qꞌuial cuan cha̱cuu reheb lin takl ut cue ajcuiꞌ la̱in, la̱ cuami̱g”, chan laj David.

Génesis 33:16

Saꞌ ajcuiꞌ li cutan aꞌan laj Esaú quisukꞌi saꞌ li tenamit Seir.

1 Samuel 1:18

Lix Ana quixchakꞌrabi laj Elí ut quixye re: —Kꞌaxal us raj nak tincꞌul ta li xintzꞌa̱ma joꞌ xaye, chan. Ut chirix aꞌan lix Ana quisukꞌi saꞌ li naꞌajej li yo̱ cuiꞌ chi hila̱nc ut quicuaꞌac. Ut chalen aꞌan, incꞌaꞌ chic quirahoꞌ saꞌ xchꞌo̱l.

Génesis 32:6

Nak queꞌsukꞌi chak eb lix takl queꞌxye re laj Jacob: —Xocuulac riqꞌuin laj Esaú la̱ cuas ut aꞌan yo̱ chi cha̱lc cha̱cꞌulbal. Ut xeꞌchal ajcuiꞌ ca̱hib ciento li cui̱nk chirix, chanqueb.