Génesis 33:14 - Li Santil hu

¹⁴ La̱in nacatinqꞌue saꞌ xnakꞌ cuu. Cui ta̱ba̱nu usilal, la̱at tatxic xbe̱n cua chiku. La̱o timil yo̱ko chi xic cha̱cuix xban nak eb li cocꞌal ut li xul timil nequeꞌbe̱c. Toj aran toxkatau kib saꞌ li tenamit Seir, chan.

Q'eqchi Bible

¹⁴ K'amolb'ehaq b'i' linqaawa' chiru laj k'anjel chawu, ut tinxik laa'in timil jo' neke'b'eek linketomq li wankeb' chi uub'ej, jo'wi' eb' li kok'al, toj reetal tinwulaq wan wi' linqaawa', aran Seír”, chan.

Génesis 33:14 ပူးပေါင်းရင်းမြစ်များ

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.

Romanos 15:1

La̱o, li ac cau kachꞌo̱l saꞌ li kapa̱ba̱l, chikacuyeb xma̱c li toj kꞌuneb xchꞌo̱l saꞌ xpa̱ba̱leb ut takatenkꞌaheb saꞌ li chꞌaꞌajquilal. Incꞌaꞌ chikasicꞌ li us caꞌaj cuiꞌ chokꞌ ke la̱o.

San Marcos 4:33

Ut li Jesús quixchꞌolob xya̱lal chiruheb li tenamit riqꞌuin nabal chic chi jaljo̱quil ru a̱tin aꞌ ya̱l bar na cuan teꞌxtau ru.

Ezequiel 25:8

Aꞌan aꞌin li naxye li nimajcual Dios: —Eb laj Moab ut eb laj Seir queꞌxye nak eb li tenamit Judá juntakꞌe̱t riqꞌuineb li jun chꞌol chic tenamit.

2 Crónicas 20:10

Anakcuan yo̱queb chi cha̱lc chi pletic kiqꞌuin eb laj Amón, eb laj Moab, ut eb li cuanqueb saꞌ li tzu̱l Seir. Xeꞌchal saꞌ eb li naꞌajej li incꞌaꞌ cacuaj nak teꞌnumekꞌ eb laj Israel nak queꞌel chak Egipto. Joꞌcan nak eb laj Israel incꞌaꞌ queꞌxsach ruheb li tenamit aꞌan.

Jueces 5:4

At Ka̱cuaꞌ, nak cat-el saꞌ li naꞌajej Seir, qui-ecꞌan li ruchichꞌochꞌ saꞌ xnaꞌaj. Ut nak cat-el saꞌ li naꞌajej Edom, cꞌajoꞌ li hab quixqꞌue.

Deuteronomio 2:1

Chirix aꞌan cosukꞌi ut co̱o saꞌ li chaki chꞌochꞌ saꞌ li Caki Palau joꞌ quixye cue li Ka̱cuaꞌ. Najt kabeni kib saꞌ li naꞌajej Seir, li tzu̱l ru.

1 Corintios 3:2

Li xya̱lal xinchꞌolob che̱ru chanchan nak leche xinqꞌue cherucꞌ. Moco cacuil tzacae̱mk ta xinqꞌue e̱re xban nak la̱ex toj ma̱jiꞌ nequexqꞌui. Naraj naxye nak toj ma̱jiꞌ ninchꞌolob che̱ru li naꞌleb li chꞌaꞌaj xtaubal ru xban nak toj ma̱jiꞌ nequexqꞌui saꞌ le̱ pa̱ba̱l ut ma̱min te̱tau ru.

Génesis 33:13

Ut laj Jacob quixye: —Ka̱cuaꞌ Esaú, la̱at nacanau nak eb li cocꞌal toj coqꞌueb. Incꞌaꞌ naru nakaqꞌueheb chi be̱c chi cau chixjunil li cutan. Joꞌeb ajcuiꞌ li queto̱mk li toj coqꞌueb. Cui takalubtesiheb chiru jun cutan naru nequeꞌcam chiku saꞌ be, chan.

Génesis 32:4

Laj Jacob quixye reheb lix takl: —Joꞌcaꞌin te̱ye re laj Esaú: “Ka̱cuaꞌ Esaú, cha̱lc cuiꞌchic re a̱cuiqꞌuin laj Jacob la̱ cui̱tzꞌin. Aꞌan xye nak tixqꞌue rib rubel a̱takl. Chalen relic arin, riqꞌuin laj Labán cuan chak,” chaꞌkex re.