Génesis 32:9 - Li Santil hu

⁹ Ut laj Jacob qui-oc chi tijoc ut quixye: —At inDios, la̱at li Dios li quixlokꞌoni laj Abraham lin xeꞌto̱nil yucuaꞌ. Ut la̱at ajcuiꞌ catxlokꞌoni chak laj Isaac, lin yucuaꞌ. La̱at xatyehoc cue nak tinsukꞌi̱k cuiꞌchic saꞌ lin tenamit li cuanqueb cuiꞌ lin comon. Xaye ajcuiꞌ cue nak ta̱ba̱nu li usilal cue.

Q'eqchi Bible

⁹ Chirix chik a'an laj Jakob kixye: “At xYos linyuwa' Abrahán ut xYos linyuwa' Isahak, at Qaawa' li xaye we: «Sutq'in sa' laana'aj, sa' laatenamit, ut laa'in chaab'ilaqin aawik'in»,

Génesis 32:9 ပူးပေါင်းရင်းမြစ်များ

Génesis 31:42

Relic chi ya̱l li Ka̱cuaꞌ Dios xinixtenkꞌa. Aꞌan li Ka̱cuaꞌ Dios li quixlokꞌoni laj Abraham joꞌ ajcuiꞌ laj Isaac lin yucuaꞌ. Cui ta incꞌaꞌ xinixtenkꞌa li Ka̱cuaꞌ Dios, xina̱takla raj chak chi ma̱cꞌaꞌ cꞌaꞌru cue. Li Ka̱cuaꞌ Dios quiril xtokꞌoba̱l cuu ut aꞌan naxnau chanru nak xintrabajic a̱cuiqꞌuin. Xban aꞌan li Ka̱cuaꞌ Dios xatxkꞌus chi kꞌek, chan laj Jacob re laj Labán.

Génesis 31:13

La̱in li Ka̱cuaꞌ Dios. La̱in li quincꞌutbesi chak cuib cha̱cuu saꞌ li naꞌajej Bet-el nak caqꞌue li aceite saꞌ xbe̱n li pec li caxakab aran nak caba̱nu li contrato cuiqꞌuin. Anakcuan tat-e̱lk saꞌ li naꞌajej aꞌin ut tatxic cuiꞌchic saꞌ la̱ tenamit li yoꞌlajenakat cuiꞌ chak,” chan cue.—

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 31:3

Li Ka̱cuaꞌ Dios quixye re laj Jacob: —Anakcuan tatsukꞌi̱k cuiꞌchic saꞌ la̱ tenamit li cuanqueb cuiꞌ la̱ cuechꞌalal. Ut la̱in junelic cua̱nkin a̱cuiqꞌuin, chan li Ka̱cuaꞌ Dios.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Génesis 31:53

Li Dios li quixlokꞌoni laj Abraham la̱ xeꞌto̱nil yucuaꞌ joꞌ ajcuiꞌ laj Nacor lin xeꞌto̱nil yucuaꞌ aꞌan ta̱rakok a̱tin saꞌ kabe̱n cui incꞌaꞌ takaba̱nu li cꞌaꞌru xkaye, chan laj Labán. Ut laj Jacob quixye re laj Labán: —La̱in tinye a̱cue chiru li Ka̱cuaꞌ Dios, li quixlokꞌoni laj Isaac lin yucuaꞌ, nak ac xcꞌul inchꞌo̱l li contrato li xkaba̱nu chi kibil kib, chan.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

2 Crónicas 32:20

Joꞌcan nak li rey Ezequías ut li profeta Isaías li ralal laj Amoz queꞌtijoc ut queꞌxtzꞌa̱ma xtenkꞌanquileb chiru li Dios cuan saꞌ choxa.

2 Crónicas 20:6

Ut quixye: —At Ka̱cuaꞌ, at kaDios, la̱at lix Dioseb li kaxeꞌto̱nil yucuaꞌ. ¿Ma ma̱cuaꞌ ta biꞌ la̱at li Dios li cuancat saꞌ choxa? ¿Ma ma̱cuaꞌ ta biꞌ la̱at li nacattaklan saꞌ xbe̱neb chixjunileb li xni̱nkal tenamit? Saꞌ a̱cuukꞌ la̱at cuan li metzꞌe̱u ut li cuanquilal. Ma̱ ani naru ta̱numta̱k cha̱cuu.

1 Samuel 30:6

Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Génesis 31:29

La̱in naru raj tinba̱nu raylal e̱re. Abanan chi kꞌek quia̱tinac cuiqꞌuin li Ka̱cuaꞌ Dios, li naxlokꞌoni la̱ yucuaꞌ. Aꞌan xye cue nak incꞌaꞌ tina̱tinak saꞌ joskꞌil a̱cuiqꞌuin.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

2 Crónicas 20:12

At Ka̱cuaꞌ, at kaDios, ¿ma incꞌaꞌ tatrakok a̱tin saꞌ xbe̱neb? La̱o ma̱cꞌaꞌ kametzꞌe̱u re takacol kib chiruheb xban nak kꞌaxal nabaleb li yo̱queb chi cha̱lc chikasachbal. Incꞌaꞌ nacanau cꞌaꞌru takaba̱nu. Joꞌcan nak yo̱co chixya̱banquil la̱ cꞌabaꞌ,” chanqueb.

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Génesis 32:8

Laj Jacob cuan saꞌ xchꞌo̱l nak ma̱re laj Esaú ta̱cha̱lk chi pletic riqꞌuin. Cui laj Esaú tixtiquib pletic riqꞌuineb li jun chꞌu̱t, li jun chꞌu̱t chic ta̱ru̱k teꞌe̱lelik re teꞌxcol rib.

Génesis 49:25

Li Ka̱cuaꞌ Dios, li ninlokꞌoni la̱in, aꞌan ta̱tenkꞌa̱nk a̱cue. Li Ka̱cuaꞌ Dios li kꞌaxal nim xcuanquil, aꞌan ta̱osobtesi̱nk a̱cue. Aꞌan ta̱qꞌuehok a̱cue chixjunil li usilal li nachal saꞌ choxa, joꞌ li hab ut li sakꞌe. Aꞌan ta̱qꞌuehok a̱cue chixjunil li usilal li nacuan saꞌ ruchichꞌochꞌ, joꞌ li haꞌ li na-el saꞌ chꞌochꞌ. Aꞌan tixqꞌue chi qꞌuia̱nc nabaleb la̱ cualal a̱cꞌajol.

Jeremías 32:16

Nak ac quinqꞌue li hu re laj Baruc li ralal laj Nerías, quintijoc chiru li Dios ut quinye re: