Génesis 32:6 - Li Santil hu

⁶ Nak queꞌsukꞌi chak eb lix takl queꞌxye re laj Jacob: —Xocuulac riqꞌuin laj Esaú la̱ cuas ut aꞌan yo̱ chi cha̱lc cha̱cꞌulbal. Ut xeꞌchal ajcuiꞌ ca̱hib ciento li cui̱nk chirix, chanqueb.

Q'eqchi Bible

⁶ Naq eb' li taql ke'sutq'iik chaq rik'in laj Jakob, ke'xye re: “Xoowulak rik'in laj Esaú laawas, ut a'an chalk re chak'ulb'al rochb'eeneb' jun o'q'ob' (400) chi winq”.

Génesis 32:6 ပူးပေါင်းရင်းမြစ်များ

Génesis 33:1

Laj Jacob qui-iloc chi najt ut quiril nak yo̱ chi cha̱lc laj Esaú rochbeneb li ca̱hib ciento chi cui̱nk. Ut laj Jacob quixkꞌaxtesiheb li cocꞌal saꞌ rukꞌ lix Lea, saꞌ rukꞌ lix Raquel ut saꞌ rukꞌeb ajcuiꞌ li cuib chi mo̱s, lix Zilpa ut lix Bilha.

Amós 5:19

Chanchanakex li nae̱lelic chiru li cakcoj ut nak yo̱ chi e̱lelic naxcꞌul li joskꞌ aj xul oso xcꞌabaꞌ. Chanchanakex li cui̱nk li nasukꞌi saꞌ rochoch ut nak naxqꞌue li rukꞌ chiru li tzꞌac natiꞌeꞌ xban cꞌantiꞌ.

Génesis 32:11

Ba̱nu usilal cue, china̱col saꞌ rukꞌ laj Esaú li cuas. La̱in ninxucuac xban li cuas. Naru tinixcamsi ut naru tixcamsiheb li cuixakil joꞌ eb ajcuiꞌ lin cocꞌal.

Génesis 32:8

Laj Jacob cuan saꞌ xchꞌo̱l nak ma̱re laj Esaú ta̱cha̱lk chi pletic riqꞌuin. Cui laj Esaú tixtiquib pletic riqꞌuineb li jun chꞌu̱t, li jun chꞌu̱t chic ta̱ru̱k teꞌe̱lelik re teꞌxcol rib.

Génesis 32:7

Nak laj Jacob quirabi li cꞌaꞌru queꞌxye, ma̱ caꞌchꞌin nak quixucuac ut cꞌajoꞌ nak qui-oc xcꞌaꞌux. Quixjachiheb ru li cristian li cuanqueb rochben joꞌ eb ajcuiꞌ lix cuacax ut lix bu̱r, joꞌ ajcuiꞌ eb lix camello. Chi joꞌcan quicana chi cuib chꞌu̱t li cꞌaꞌru re.

Génesis 31:18

Ut queꞌoc chi xic Canaán saꞌ lix tenamit laj Isaac lix yucuaꞌ. Laj Jacob quixcꞌam chirix chixjunileb lix queto̱mk joꞌ ajcuiꞌ chixjunil li cꞌaꞌru re li quixtoj rix riqꞌuin lix trabaj saꞌ li naꞌajej Padan-aram.

Génesis 33:8

Ut laj Esaú quixpatzꞌ re laj Jacob: —¿Cꞌaꞌru xya̱lal nak xatakla li queto̱mk li xebincꞌul saꞌ be? chan. Laj Jacob quixye, —Xintakla chokꞌ a̱cue re nak tina̱cꞌul saꞌ usilal, chan.

Génesis 33:15

Laj Esaú quixye re, —Us. La̱in nacuaj raj xcanabanquil cuib oxibakeb li cui̱nk li xeꞌchal chicuix re nak eb aꞌan teꞌochbeni̱nk e̱re saꞌ be, chan. Laj Jacob quixye re, —Incꞌaꞌ, Ka̱cuaꞌ Esaú. Ba̱nu usilal ma̱chꞌiꞌchꞌiꞌi a̱cuib xba̱nunquil aꞌan. Tzꞌakal riqꞌuin aꞌin nak xina̱cꞌul cuiꞌchic saꞌ xya̱lal, chan laj Jacob.

Génesis 34:11

Laj Siquem quixye re lix yucuaꞌ lix Dina joꞌ ajcuiꞌ reheb li ras ut li ri̱tzꞌin: —Chixcꞌulak e̱chꞌo̱l li cꞌaꞌru xyeman e̱re. Aꞌ yal cꞌaꞌru te̱patzꞌ cue, la̱in tinqꞌue e̱re.

Génesis 47:25

Eb aꞌan queꞌchakꞌoc ut queꞌxye re: —La̱o xocoleꞌ a̱ban. Chixcꞌul taxak a̱chꞌo̱l la̱at nak la̱o to-oc chokꞌ xmo̱s laj faraón, chanqueb.

Li xHu LIX RUT 2:2

Saꞌ jun li cutan lix Rut quixye re lix Noemí: —Tincuaj raj xic chixxocbal caꞌchꞌinak li cebada li natꞌaneꞌ chiruheb laj xocol cebada. La̱in tinxocok chirixeb li ani teꞌcꞌuluk cue saꞌ xya̱lal, chan. Ut lix Noemí quichakꞌoc ut quixye: —Us. Ayu, at incoꞌ.—

Li xHu LIX RUT 2:13

Lix Rut quichakꞌoc ut quixye re: —Kꞌaxal cha̱bilat, at Ka̱cuaꞌ. Saꞌ xya̱lal xat-a̱tinac cuiqꞌuin ut xacꞌojob inchꞌo̱l. Xacuil xtokꞌoba̱l cuu usta la̱in moco incꞌulub ta xban nak la̱in ma̱cuaꞌin jun xcomoneb la̱ mo̱s ixk, chan.

1 Samuel 1:18

Lix Ana quixchakꞌrabi laj Elí ut quixye re: —Kꞌaxal us raj nak tincꞌul ta li xintzꞌa̱ma joꞌ xaye, chan. Ut chirix aꞌan lix Ana quisukꞌi saꞌ li naꞌajej li yo̱ cuiꞌ chi hila̱nc ut quicuaꞌac. Ut chalen aꞌan, incꞌaꞌ chic quirahoꞌ saꞌ xchꞌo̱l.