Génesis 32:4 - Li Santil hu

⁴ Laj Jacob quixye reheb lix takl: —Joꞌcaꞌin te̱ye re laj Esaú: “Ka̱cuaꞌ Esaú, cha̱lc cuiꞌchic re a̱cuiqꞌuin laj Jacob la̱ cui̱tzꞌin. Aꞌan xye nak tixqꞌue rib rubel a̱takl. Chalen relic arin, riqꞌuin laj Labán cuan chak,” chaꞌkex re.

Q'eqchi Bible

⁴ ut kixchaq'rab'iheb' chi jo'ka'in: “Cheyehaq re linqaawa' Esaú: «Jo'ka'in xye chaq laj Jakob laj k'anjel chawu: Xinwank chaq jun k'amok rik'in laj Labán ut aran xinb'ayk chaq chalen toj anaqwan.

Génesis 32:4 ပူးပေါင်းရင်းမြစ်များ

1 Pedro 3:6

Ut joꞌcan ajcuiꞌ quixba̱nu lix Sara. Qui-abin chiru laj Abraham lix be̱lom. Ut quixye “Ka̱cuaꞌ Abraham” re xban nak quix-oxlokꞌi. Joꞌcan ajcuiꞌ la̱ex. Cui te̱ba̱nu li usilal ut incꞌaꞌ texxucuak, la̱ex ajcuiꞌ joꞌ li ralal xcꞌajol lix Sara.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Eclesiastés 10:4

Cui li cuan xcuanquil ta̱joskꞌokꞌ cha̱cuu, incꞌaꞌ ta̱sume ru, xban nak naru nequeyi̱b ru li chꞌaꞌajquilal saꞌ xya̱lal.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Proverbios 6:3

Ex cualal incꞌajol, cui la̱ex xeqꞌue e̱rib saꞌ chꞌaꞌajquilal, chenauhak xcolbal e̱rib chiruheb le̱ ras e̱ri̱tzꞌin li xesume oque̱nc chirix. Checubsihak e̱rib, ut yehomak re nak incꞌaꞌ tixqꞌue saꞌ e̱be̱n xtojbal lix cꞌas.

1 Reyes 20:32

Queꞌxqꞌue li kꞌes ru tꞌicr chirixeb ut queꞌxbacꞌ li cꞌa̱m chixcuxeb. Queꞌco̱eb riqꞌuin lix reyeb laj Israel ut queꞌxye re: —Laj Ben-adad, laj cꞌanjel cha̱cuu, naxtzꞌa̱ma cha̱cuu nak ta̱cuy xma̱c ut incꞌaꞌ ta̱camsi, chanqueb. Ut laj Acab quixye reheb: —¿Ma toj yoꞌyo laj Ben-adad? Chanchan li cuas chicuu nak nacuil, chan.

1 Samuel 26:17

Laj Saúl quirabi nak yo̱ chi a̱tinac laj David ut quixnau nak aꞌan xya̱b xcux. Quixye: —¿Ma ma̱cuaꞌat ta biꞌ la̱at, at David, li yo̱cat chi a̱tinac? chan. Laj David quixye re: —At rey, ya̱l li xaye. La̱in laj David, chan.

Éxodo 32:22

Laj Aarón quixye: —Ka̱cuaꞌ Moisés, matjoskꞌoꞌ cuiqꞌuin. La̱at ac nacanau chanruheb li tenamit aꞌin. Nacanau nak teꞌraj xba̱nunquil li incꞌaꞌ us.

Génesis 33:8

Ut laj Esaú quixpatzꞌ re laj Jacob: —¿Cꞌaꞌru xya̱lal nak xatakla li queto̱mk li xebincꞌul saꞌ be? chan. Laj Jacob quixye, —Xintakla chokꞌ a̱cue re nak tina̱cꞌul saꞌ usilal, chan.

Génesis 32:18

Ut la̱at ta̱ye re, “At Ka̱cuaꞌ Esaú, li queto̱mk aꞌin li yo̱quin chixcꞌambal, aꞌan la̱ ma̱tan xtakla chak laj Jacob la̱ mo̱s. Aꞌan yo̱ chak chi cha̱lc chikix,” chaꞌkat re, chan laj Jacob re li mo̱s li ta̱xic chi ubej.

Génesis 32:5

Ut te̱ye ajcuiꞌ re nak nabaleb lin queto̱mk cuan; cuan incuacax, cuan inbu̱r. Ut cuan ajcuiꞌ nabaleb inmo̱s, joꞌ cui̱nk joꞌ ixk. Joꞌcan nak xintakla xyebal chi joꞌcaꞌin. Usan cui tinixcꞌul saꞌ xya̱lal, chan laj Jacob. Ut eb lix takl laj Jacob queꞌco̱eb riqꞌuin laj Esaú.

Génesis 27:37

Laj Isaac quixye re: —Laj Jacob, aꞌan chic nima̱k xcuanquil cha̱cuu. Chixjunileb chic li rechꞌalal teꞌcꞌanjelak chiru. Xincuosobtesi aꞌan re nak teꞌu̱chi̱nk chi us li racui̱mk joꞌ ajcuiꞌ lix quiꞌil kꞌe̱n. Anakcuan, ¿cꞌaꞌ ta chic ru tinba̱nu a̱cue la̱at, at cualal? chan.

Génesis 27:29

Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Génesis 23:6

—Ka̱cuaꞌ Abraham, choa̱cuabi. Arin cuancat saꞌ kaya̱nk ut la̱at sicꞌbil a̱cuu xban li Dios. Muk la̱ camenak saꞌ junak mukleba̱l li nacuulac cha̱cuu la̱at. Ma̱ ani ta̱yehok a̱cue nak incꞌaꞌ takaqꞌue xnaꞌaj la̱ camenak. Muk la̱ camenak. La̱o incꞌaꞌ tatkachꞌiꞌchꞌiꞌi, chanqueb.

Génesis 4:7

¿Ma incꞌaꞌ ta biꞌ ta̱qꞌuehekꞌ a̱lokꞌal cui us ta̱ba̱nu? Cui incꞌaꞌ us ta̱ba̱nu, yo̱cat xqꞌuebal a̱cuib chi a̱le̱c ut li ma̱c ta̱numta̱k saꞌ a̱be̱n. Abanan cua̱nk raj a̱cuanquil re nak la̱at tatnumta̱k saꞌ xbe̱n li ma̱c, chan li Dios re laj Caín.

Génesis 31:41

Junmay chihab tzꞌakal xintrabajic a̱cuiqꞌuin. Ca̱laju chihab xintrabajic chirixeb la̱ rabin. Ut cuakib chihab chic xintrabajic chirix lin queto̱mk. Ut la̱at nabal sut nacajal lin tojbal chicuu, chan.

Proverbios 25:15

Li ani nim xcuyum naxcubsi xjoskꞌil li cuan xcuanquil. Li kꞌunil a̱tin naxtenkꞌa xjalbal xcꞌaꞌux junak li kꞌaxal cau xchꞌo̱l.

Génesis 25:30

Quixye re laj Jacob: —Qꞌue bayak cue li tibel cua li cak ru li yo̱cat chixyi̱banquil. Numtajenak lin tzꞌocajic, chan. Xban aꞌin queꞌxqꞌue jun chic xcꞌabaꞌ laj Esaú. Aj Edom queꞌxqꞌue chokꞌ xcab xcꞌabaꞌ.

Génesis 33:14

La̱in nacatinqꞌue saꞌ xnakꞌ cuu. Cui ta̱ba̱nu usilal, la̱at tatxic xbe̱n cua chiku. La̱o timil yo̱ko chi xic cha̱cuix xban nak eb li cocꞌal ut li xul timil nequeꞌbe̱c. Toj aran toxkatau kib saꞌ li tenamit Seir, chan.

Génesis 36:8

Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Génesis 36:9

Aꞌaneb aꞌin li ralal xcꞌajol laj Esaú. Laj Esaú, aꞌan lix xeꞌto̱nil yucuaꞌeb laj Edom li cuanqueb saꞌ li naꞌajej Seir li tzu̱l ru.

Jueces 5:4

At Ka̱cuaꞌ, nak cat-el saꞌ li naꞌajej Seir, qui-ecꞌan li ruchichꞌochꞌ saꞌ xnaꞌaj. Ut nak cat-el saꞌ li naꞌajej Edom, cꞌajoꞌ li hab quixqꞌue.

Isaías 21:11

Aꞌan aꞌin resil li cꞌaꞌru teꞌxcꞌul eb laj Edom: Eb aꞌan quineꞌra̱tina chak toj Seir ut queꞌxye: —La̱at li yo̱cat chi cꞌacꞌale̱nc, ¿jokꞌe cuanco? ¿Jokꞌe ta̱numekꞌ li kꞌojyi̱n? chanqueb.