Génesis 32:30 - Li Santil hu

³⁰ Laj Jacob quixqꞌue chokꞌ xcꞌabaꞌ li naꞌajej aꞌan Peniel. Quixqꞌue lix cꞌabaꞌ aꞌin xban nak quixye: —Saꞌ li naꞌajej aꞌin xcuil ru li Ka̱cuaꞌ Dios ut toj yoꞌyo̱quin, chan.

Q'eqchi Bible

³⁰ Laj Jakob kixk'e cho'q xk'ab'a' li na'ajej a'an Penuel, xb'aan naq kixye: “Xwil ru li Yos ut xkole'k linyu'am”.

Génesis 32:30 ပူးပေါင်းရင်းမြစ်များ

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

Génesis 16:13

Lix Agar quixye: —La̱at li Ka̱cuaꞌ Dios li nacat-iloc cue, chan re li Dios. Ut quixye cuiꞌchic, —Arin saꞌ li chaki chꞌochꞌ li Dios xcꞌutbesi rib chicuu ut moco xincam ta nak xcuil ru, chan.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Deuteronomio 5:24

Ut queꞌxye cue, “Li Ka̱cuaꞌ li kaDios quixcꞌut chiku lix lokꞌal ut lix cuanquilal. Xkabi lix ya̱b xcux nak quia̱tinac chak saꞌ li xam. Nakanau nak li Dios naru naa̱tinac riqꞌuineb li cui̱nk ut incꞌaꞌ teꞌca̱mk li cui̱nk.

San Juan 1:18

Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

Hebreos 11:27

Xban xpa̱ba̱l laj Moisés qui-el chak saꞌ li tenamit Egipto ut incꞌaꞌ quixucuac chiru li rey usta yo̱ xjoskꞌil saꞌ xbe̱n. Quixcacuubresi xchꞌo̱l xban nak naxnau nak li Dios cuan riqꞌuin. Chanchan li yo̱ chirilbal ru, aban li Dios ma̱ ani na-iloc ru.

2 Timoteo 1:10

Li usilal aꞌin quicꞌutbesi̱c chiku riqꞌuin lix cꞌulunic saꞌ ruchichꞌochꞌ li Ka̱cuaꞌ Jesucristo laj Colol ke. Ut aꞌan qui-isin re xcuanquil li ca̱mc ut quixcꞌut chiku li acꞌ yuꞌam li ma̱cꞌaꞌ rosoꞌjic.

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

Éxodo 33:14

Ut li Dios quixye re laj Moisés: —La̱in cua̱nkin a̱cuiqꞌuin ut riqꞌuin aꞌan chacꞌojob a̱chꞌo̱l, chan.

Colosenses 1:15

Li Dios incꞌaꞌ na-ilman ru. Abanan nakanau chanru li Dios xban nak li Ralal quicꞌulun saꞌ ruchichꞌochꞌ chixcꞌutbal chiku. Li Jesucristo aꞌan li kꞌaxal nim xcuanquil chiruheb chixjunil li queꞌyoꞌobtesi̱c.

Gálatas 1:6

Nasach inchꞌo̱l e̱ban xban nak kꞌaxal junpa̱t yo̱quex chixcanabanquil li tzꞌakal Dios li quisicꞌoc e̱ru xban li rusilal li Jesucristo. Ut yo̱quex chixpa̱banquil jalan tijleb chirix li evangelio li moco ya̱l ta.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

2 Corintios 3:18

La̱o aj pa̱banel moco tzꞌaptzꞌo ta li kiloba̱l riqꞌuin tꞌicr re xtzꞌapbal xlokꞌal li Dios joꞌ quixba̱nu laj Moisés. Chanchano ban jun lem nak nakacꞌut xlokꞌal li Ka̱cuaꞌ. Ut li Ka̱cuaꞌ aꞌan ajcuiꞌ li Santil Musikꞌej li nocoxjalanobresi ut naxqꞌue kalokꞌal re nak yo̱ko xcꞌutbal xlokꞌal li Cristo.

1 Reyes 12:25

Ut laj Jeroboam quixtakla xyi̱banquil chi cha̱bil li tenamit Siquem li cuan saꞌ li tzu̱l aran Efraín ut quicana chi cua̱nc aran. Ut quixyi̱b ajcuiꞌ chi cha̱bil li tenamit Penuel.

Jueces 8:17

Ut queꞌxjucꞌ ajcuiꞌ li cab li najt xteram aran Peniel ut queꞌxcamsiheb li cui̱nk li cuanqueb saꞌ li tenamit aꞌan.

Jueces 8:8

Ut laj Gedeón rochbeneb lix soldado queꞌco̱eb Peniel. Ut quixtzꞌa̱ma cuiꞌchic usilal chiruheb joꞌ quixba̱nu aran Sucot. Ut eb li cuanqueb Peniel queꞌxye re joꞌ li queꞌxye li cuanqueb aran Sucot.

Deuteronomio 34:10

Chalen saꞌ li cutan aꞌan, ma̱ jun chic profeta quicuan saꞌ xya̱nkeb laj Israel joꞌ laj Moisés queꞌril ta ru li Dios chi tzꞌakal joꞌ quixba̱nu aꞌan.

Génesis 28:19

Li naꞌajej aꞌan Luz xcꞌabaꞌ nak quicuan. Abanan laj Jacob quixjal xcꞌabaꞌ. Bet-el chic quixqꞌue chokꞌ xcꞌabaꞌ.

1 Corintios 13:12

Anakcuan caꞌchꞌin ajcuiꞌ nakanau. Chanchan nak noco-iloc saꞌ junak lem moymoy ru. Abanan saꞌ jun cutan takil ru li Dios ut takanau chic chixjunil chi tzꞌakal joꞌ nak li Dios naxnau ku la̱o.

Josué 5:13

Nak laj Josué nachꞌ cuan riqꞌuin li tenamit Jericó, quiril jun li cui̱nk xakxo chiru. Li cui̱nk aꞌan cuan xchꞌi̱chꞌ saꞌ rukꞌ. Laj Josué quinachꞌoc riqꞌuin ut quixye re: —¿Ma la̱at xcomoneb li kasolda̱d malaj ut la̱at xcomoneb li xicꞌ nequeꞌiloc ke? chan.

Génesis 35:9

Nak quisukꞌi chak laj Jacob Padan-aram, li Ka̱cuaꞌ Dios quixcꞌutbesi cuiꞌchic rib chiru. Ut aran laj Jacob qui-osobtesi̱c cuiꞌchic xban li Dios.

Jueces 13:17

Quixye laj Manoa re: —Ye ke ani a̱cꞌabaꞌ re nak takabantioxi cha̱cuu nak ta̱cꞌulma̱nk li cꞌaꞌru xaye ke, chan.

Jueces 13:18

Lix ángel li Ka̱cuaꞌ quixye re: —¿Cꞌaꞌut nak ta̱cuaj ta̱nau ani incꞌabaꞌ? La̱at incꞌaꞌ naru ta̱nau xban nak lin cꞌabaꞌ la̱in kꞌaxal lokꞌ, chan.

Isaías 9:5

Ta̱cꞌatekꞌ lix xa̱beb li soldados ut ta̱cꞌatekꞌ ajcuiꞌ li rakꞌeb li osoꞌjenak saꞌ quicꞌ.