Génesis 32:24 - Li Santil hu

²⁴ Nak laj Jacob quicana xjunes, quicuulac riqꞌuin jun xtakl li Dios chanchan jun cui̱nk ut queꞌoc chixkꞌuchinquil ribeb rochben laj Jacob toj retal quisake̱u.

Q'eqchi Bible

²⁴ Naq kikanaak xjunes laj Jakob, jun li winq kixyal xmetz'ew rik'in toj reetal kihik'e'k.

Génesis 32:24 ပူးပေါင်းရင်းမြစ်များ

Efesios 6:12

Moco yo̱co ta chixyalbal kakꞌe riqꞌuin cui̱nk. Yo̱co ban chi pletic riqꞌuin qꞌuila pa̱y ru chi ma̱us aj musikꞌej li cuanqueb xcuanquil saꞌ eb li cutan aꞌin, li nequeꞌtaklan saꞌ ikꞌ ut saꞌ li ruchichꞌochꞌ li cuan saꞌ xkꞌojyi̱nal ru li ma̱c.

San Lucas 13:24

Li Jesús quichakꞌoc ut quixye: —Joꞌcan nak qꞌuehomak e̱chꞌo̱l chi oc saꞌ li oqueba̱l li caꞌchꞌin ru. Nabaleb raj li teꞌraj oc, abanan incꞌaꞌ teꞌru̱k chi oc.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

Génesis 32:30

Laj Jacob quixqꞌue chokꞌ xcꞌabaꞌ li naꞌajej aꞌan Peniel. Quixqꞌue lix cꞌabaꞌ aꞌin xban nak quixye: —Saꞌ li naꞌajej aꞌin xcuil ru li Ka̱cuaꞌ Dios ut toj yoꞌyo̱quin, chan.

San Lucas 22:44

Nak yo̱ chi yotꞌecꞌ xchꞌo̱l, quitijoc cuiꞌchic li Jesús chi kꞌaxal anchal xchꞌo̱l ut lix tikob yo̱ chi tzꞌukuc saꞌ chꞌochꞌ chi ni̱nki tzꞌukul chanchan quicꞌ.

Génesis 30:8

Lix Raquel quixye: —Anakcuan aj Neftalí tinqꞌue chokꞌ xcꞌabaꞌ li cꞌulaꞌal aꞌin xban nak xinyal inkꞌe riqꞌuin li cuas ut anakcuan cuan incocꞌal, chan.

1 Corintios 15:47

Nak quiyoꞌobtesi̱c laj Adán xban li Dios, chꞌochꞌ qui-oc. Abanan li Jesucristo moco yoꞌobtesinbil ta. Aꞌan musikꞌej ut saꞌ choxa quichal chak.

Colosenses 4:12

Joꞌcan ajcuiꞌ laj Epafras naxtakla ajcuiꞌ xsahil e̱chꞌo̱l. Aꞌan e̱rech tenamitil ut aꞌan aj cꞌanjel chiru li Cristo. Junelic yo̱ chi tijoc che̱rix re nak texcua̱nk saꞌ xya̱lal ut cauhak e̱chꞌo̱l saꞌ le̱ pa̱ba̱l chixba̱nunquil chi tzꞌakal joꞌ naraj li Dios.

Cantares 2:17

Nak yo̱ chi numecꞌ li kꞌojyi̱n ut nak yo̱ chi sake̱uc, tatcha̱lk cuiqꞌuin, la̱at li raro̱cat inban. Chanchanakat li quej ut li yuc li nequeꞌcuan saꞌ li tzu̱l Beter.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

Colosenses 2:1

Nacuaj nak te̱nau nak junelic ninqꞌue inchꞌo̱l chi tijoc che̱rix la̱ex joꞌcan ajcuiꞌ chirixeb laj pa̱banel li cuanqueb aran Laodicea. Nintijoc chirixeb chixjunileb laj pa̱banel, li ac nequeꞌxnau cuu, joꞌ ajcuiꞌ li incꞌaꞌ nequeꞌxnau cuu.

Romanos 15:30

Ex herma̱n, nintzꞌa̱ma che̱ru nak tine̱tenkꞌa saꞌ le̱ tij saꞌ xcꞌabaꞌ li Jesucristo ut saꞌ xcꞌabaꞌ ajcuiꞌ li rahoc ib li qꞌuebil ke xban li Santil Musikꞌej.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Éxodo 14:27

Ut saꞌ li cutan aꞌan toj ekꞌela laj Moisés quixqꞌue li rukꞌ saꞌ xbe̱n li palau. Ut li haꞌ quixjunaji rib. Riqꞌuin li quixba̱nu li Dios, eb laj Egipto queꞌxsach xnaꞌleb saꞌ xyi li palau ut queꞌe̱lelic raj saꞌ li haꞌ.

Génesis 18:2

Laj Abraham quiril nak xaka̱mileb oxibeb li cui̱nk chiru. Saꞌ junpa̱t qui-el chixcꞌulbaleb. Quixcuikꞌib rib ut quixxulub lix jolom saꞌ chꞌochꞌ, ut quixye:

Génesis 32:23

Ut laj Jacob quixnumsi ajcuiꞌ jun pacꞌal li nimaꞌ chixjunil li cꞌaꞌru re.

Génesis 32:25

Li cui̱nk quiril nak cau rib laj Jacob ut incꞌaꞌ quixcuy xmetzꞌe̱u. Quixtochꞌ laj Jacob saꞌ xcꞌulbal rib xbakel li raꞌ. Ut quibokꞌe xbakel li raꞌ laj Jacob nak yo̱ chixyalbal xmetzꞌe̱u.

Josué 5:13

Nak laj Josué nachꞌ cuan riqꞌuin li tenamit Jericó, quiril jun li cui̱nk xakxo chiru. Li cui̱nk aꞌan cuan xchꞌi̱chꞌ saꞌ rukꞌ. Laj Josué quinachꞌoc riqꞌuin ut quixye re: —¿Ma la̱at xcomoneb li kasolda̱d malaj ut la̱at xcomoneb li xicꞌ nequeꞌiloc ke? chan.

Daniel 10:8

Quincana injunes ut quicuil li sachba chꞌo̱lej aꞌin li quicꞌutbesi̱c chicuu. Qui-osoꞌ lin metzꞌe̱u nak quicuecꞌa. Quinsakquirinoꞌ ut ma̱cꞌaꞌ chic inmetzꞌe̱u quincana.