Génesis 32:10 - Li Santil hu

¹⁰ La̱in ma̱cuaꞌ incꞌulub chixjunil li usilal xaba̱nu cue. Ma̱cꞌaꞌ cuan cue nak xinnumeꞌ saꞌ li nimaꞌ Jordán. Caꞌaj cuiꞌ lin xukꞌ natelnac saꞌ cuukꞌ. Ut anakcuan nabal lin biomal cuan xban nak la̱at xatqꞌuehoc re.

Q'eqchi Bible

¹⁰ moko ink'ulub' ta xk'ulb'al laawusilal ut laachaab'ilal li xak'ut chiwu laa'in aj k'anjelin chawu! Xb'aan naq ka'ajwi' linxuq' wan chaq we naq kinnume'k junxil sa' li nima' Jordán, ut anaqwan wiib' siir kab'al wank we.

Génesis 32:10 ပူးပေါင်းရင်းမြစ်များ

Salmos 18:35

At Ka̱cuaꞌ, la̱at nacat-iloc cue ut nacatcoloc cue. La̱at nacattenkꞌan cue riqꞌuin xnimal la̱ cuanquilal. Yal xban la̱ cuusilal nak cuan incuanquil.

Génesis 24:27

Quixye re li Dios: —Kꞌaxal nim la̱ cuanquilal. La̱at li Dios li naxlokꞌoni laj Abraham lin patrón. Junelic cuan saꞌ a̱chꞌo̱l ut nacaba̱nu li usilal re. La̱at xatcꞌamoc be chicuu. Joꞌcan nak xintau lix comoneb lin patrón, chan re li Ka̱cuaꞌ Dios.

2 Samuel 7:18

Ut laj David qui-oc saꞌ li muheba̱l li cuan cuiꞌ lix Lokꞌlaj Ca̱x li Ka̱cuaꞌ. Quitijoc ut quixye: —At Ka̱cuaꞌ, at nimajcual Dios, ¿anihin la̱in ut aniheb li cualal incꞌajol nak xaqꞌue li usilal aꞌin cue?

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

2 Corintios 12:11

Chanchan nak ma̱cꞌaꞌ innaꞌleb nak ninserakꞌi e̱re chixjunil li xincꞌul. Incꞌaꞌ raj xinye e̱re. Abanan e̱ban la̱ex nak xinba̱nu xban nak la̱ex incꞌaꞌ nequeqꞌue incuanquil chokꞌ apóstol. La̱ex raj li xexqꞌuehoc incuanquil. Moco cubenak ta incuanquil la̱in chiruheb li nequeꞌxqꞌue rib chokꞌ apóstol usta ma̱cꞌaꞌ incuanquil injunes.

San Lucas 17:10

Joꞌcan ajcuiꞌ la̱ex. Nak ac xeba̱nu li xextakla̱c cuiꞌ, cheyehak: “La̱o aj cꞌanjel cha̱cuu. Caꞌaj cuiꞌ li joꞌ qꞌuial xoa̱takla cuiꞌ xkaba̱nu. Joꞌcan nak ma̱bantioxi chiku”, chaꞌakex, chan li Jesús reheb.

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.

Miqueas 7:20

La̱at toa̱cuosobtesi joꞌ cayechiꞌi re laj Jacob, li kaxeꞌto̱nil yucuaꞌ. La̱at ta̱cuuxta̱na cuiꞌchic ku joꞌ cayechiꞌi re laj Abraham li kaxeꞌto̱nil yucuaꞌ najter kꞌe cutan.

Isaías 63:7

La̱in tinye resil li rusilal li Dios li nacuan chi junelic. Tinbicha lix lokꞌal xban li cꞌaꞌru naxba̱nu. Quirosobtesiheb laj Israel xban nak junelic na-uxta̱nan u ut junelic narahoc.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 85:10

Li ya̱l ut li uxta̱na̱nc u ta̱cua̱nk saꞌ kaya̱nk. Ut ta̱cua̱nk ajcuiꞌ li tuktu̱quilal ut li ti̱quilal.

Salmos 84:7

Yo̱k chi cacuuc xmetzꞌe̱uheb ut teꞌril a̱cuu aran Sión.

Salmos 61:7

Aꞌ taxak la̱ cuusilal chicua̱nk cuiqꞌuin chi junelic nak cua̱nkin chokꞌ rey. China̱cuil riqꞌuin xnimal la̱ cuuxta̱n ut la̱ ti̱quilal.

Salmos 16:2

La̱in ninye re li Ka̱cuaꞌ Dios, la̱at inDios. Ma̱ ani chic junak cha̱bil cuiqꞌuin. Caꞌaj cuiꞌ la̱at.

Salmos 8:5

Xacubsi caꞌchꞌin xcuanquileb chiruheb li ángel. Abanan xaqꞌueheb xlokꞌal.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

Li xHu LAJ JOB 8:7

Cui la̱at ti̱c a̱chꞌo̱l, kꞌaxal cuiꞌchic nabal a̱biomal tixqꞌue li Dios chiru li quicuan junxil.

Deuteronomio 8:18

Chinak ban saꞌ e̱chꞌo̱l nak li Ka̱cuaꞌ, aꞌan li naqꞌuehoc le̱ cuanquil chi biomocꞌ. Naxba̱nu aꞌan re nak ta̱tzꞌaklok ru li contrato li quixba̱nu riqꞌuineb le̱ xeꞌto̱nil yucuaꞌ joꞌ yo̱ chixba̱nunquil e̱re anakcuan.

Génesis 32:7

Nak laj Jacob quirabi li cꞌaꞌru queꞌxye, ma̱ caꞌchꞌin nak quixucuac ut cꞌajoꞌ nak qui-oc xcꞌaꞌux. Quixjachiheb ru li cristian li cuanqueb rochben joꞌ eb ajcuiꞌ lix cuacax ut lix bu̱r, joꞌ ajcuiꞌ eb lix camello. Chi joꞌcan quicana chi cuib chꞌu̱t li cꞌaꞌru re.

Génesis 32:5

Ut te̱ye ajcuiꞌ re nak nabaleb lin queto̱mk cuan; cuan incuacax, cuan inbu̱r. Ut cuan ajcuiꞌ nabaleb inmo̱s, joꞌ cui̱nk joꞌ ixk. Joꞌcan nak xintakla xyebal chi joꞌcaꞌin. Usan cui tinixcꞌul saꞌ xya̱lal, chan laj Jacob. Ut eb lix takl laj Jacob queꞌco̱eb riqꞌuin laj Esaú.

Génesis 30:43

Chi joꞌcaꞌin laj Jacob quinumta xbiomal. Quicuan nabaleb lix queto̱mk. Quicuan ajcuiꞌ nabal lix camellos joꞌ ajcuiꞌ lix burros. Ut queꞌcuan ajcuiꞌ nabal lix mo̱s joꞌ cui̱nk joꞌ ixk.

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Génesis 18:27

Ut laj Abraham quixye cuiꞌchic re li Ka̱cuaꞌ: —Chacuy inma̱c nak tina̱tinak cuiꞌchic a̱cuiqꞌuin chi joꞌcaꞌin. La̱at li Ka̱cuaꞌ Dios ut la̱in yal cui̱nkin.

2 Samuel 17:24

Nak laj David ut eb li rochben yo̱queb chi cuulac saꞌ li tenamit Mahanaim, laj Absalón rochbeneb chixjunileb lix soldados aj Israel yo̱queb chi numecꞌ saꞌ li nimaꞌ Jordán.

Génesis 24:12

Li mo̱s quitijoc ut quixye re li Dios: —At Ka̱cuaꞌ, la̱at li Dios li naxlokꞌoni laj Abraham lin patrón. Tintzꞌa̱ma cha̱cuu nak china̱tenkꞌa anakcuan. Chacuuxta̱na taxak ru lin patrón.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 31:3

Li Ka̱cuaꞌ Dios quixye re laj Jacob: —Anakcuan tatsukꞌi̱k cuiꞌchic saꞌ la̱ tenamit li cuanqueb cuiꞌ la̱ cuechꞌalal. Ut la̱in junelic cua̱nkin a̱cuiqꞌuin, chan li Ka̱cuaꞌ Dios.