Génesis 31:53 - Li Santil hu

⁵³ Li Dios li quixlokꞌoni laj Abraham la̱ xeꞌto̱nil yucuaꞌ joꞌ ajcuiꞌ laj Nacor lin xeꞌto̱nil yucuaꞌ aꞌan ta̱rakok a̱tin saꞌ kabe̱n cui incꞌaꞌ takaba̱nu li cꞌaꞌru xkaye, chan laj Labán. Ut laj Jacob quixye re laj Labán: —La̱in tinye a̱cue chiru li Ka̱cuaꞌ Dios, li quixlokꞌoni laj Isaac lin yucuaꞌ, nak ac xcꞌul inchꞌo̱l li contrato li xkaba̱nu chi kibil kib, chan.

Q'eqchi Bible

⁵³ Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Génesis 31:53 ပူးပေါင်းရင်းမြစ်များ

Génesis 31:42

Relic chi ya̱l li Ka̱cuaꞌ Dios xinixtenkꞌa. Aꞌan li Ka̱cuaꞌ Dios li quixlokꞌoni laj Abraham joꞌ ajcuiꞌ laj Isaac lin yucuaꞌ. Cui ta incꞌaꞌ xinixtenkꞌa li Ka̱cuaꞌ Dios, xina̱takla raj chak chi ma̱cꞌaꞌ cꞌaꞌru cue. Li Ka̱cuaꞌ Dios quiril xtokꞌoba̱l cuu ut aꞌan naxnau chanru nak xintrabajic a̱cuiqꞌuin. Xban aꞌan li Ka̱cuaꞌ Dios xatxkꞌus chi kꞌek, chan laj Jacob re laj Labán.

Génesis 16:5

Lix Sarai quixye re laj Abram: —Saꞌ a̱ma̱c la̱at nak yo̱quin chixcꞌulbal li raylal aꞌin. La̱in xinqꞌue lin mo̱s a̱cue ut anakcuan xicꞌ chic ninril. Nak xnau nak ta̱cua̱nk jun lix cꞌulaꞌal yo̱ chixnimobresinquil rib chicuu. Li Ka̱cuaꞌ Dios taxak tixye ke ani cuan xma̱c, ma la̱at malaj la̱in, chan lix Sarai.

Josué 24:2

Ut laj Josué quixye reheb chixjunileb li tenamit: —Aꞌan aꞌin li xye li Ka̱cuaꞌ li kaDios la̱o aj Israel: “Najter kꞌe cutan eb le̱ xeꞌto̱nil yucuaꞌ, laj Taré lix yucuaꞌeb laj Abraham, ut laj Nacor, queꞌcuan jun pacꞌal li nimaꞌ Éufrates ut queꞌxlokꞌoniheb li jalanil dios.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Deuteronomio 6:13

Chelokꞌonihak li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Ut nak te̱ba̱nu junak juramento, te̱ba̱nu saꞌ xcꞌabaꞌ aꞌan.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

Génesis 14:22

Abanan laj Abram quichakꞌoc ut quixye re: —Ac xinba̱nu jun li juramento riqꞌuin li Ka̱cuaꞌ Dios, li quiyi̱ban re li ruchichꞌochꞌ joꞌ ajcuiꞌ li choxa.

Génesis 11:31

Laj Taré qui-el saꞌ li naꞌajej Ur, lix tenamiteb laj Caldea. Cuan saꞌ xchꞌo̱l nak ta̱xic saꞌ li tenamit Canaán. Quixcꞌam chirix laj Abram li ralal. Ut quixcꞌam ajcuiꞌ chirix laj Lot li ri. Laj Lot, aꞌan ralal laj Harán. Ut quixcꞌam ajcuiꞌ lix Sarai li ralib. Lix Sarai, aꞌan li rixakil laj Abram. Yo̱queb chi xic saꞌ li be li naxic Canaán nak queꞌxtau jun li tenamit Harán xcꞌabaꞌ. Ut coxeꞌcana̱k saꞌ li tenamit aꞌan.

Génesis 31:52

Aꞌan li retalil nak la̱at incꞌaꞌ ta̱ru̱k tatnumekꞌ arin chi pletic cuiqꞌuin, chi moco la̱in ta̱ru̱k tinnumekꞌ chi pletic a̱cuiqꞌuin la̱at. Aꞌan aj e nak xkaqꞌue li pec arin, chan.

Génesis 47:31

Ut lix yucuaꞌ quixye re: —Ye cue ma relic chi ya̱l nak ta̱ba̱nu chi joꞌcan, chan. Ut laj José quixye re: —Relic chi ya̱l tinye a̱cue nak la̱in tinba̱nu chi joꞌcan, chan. Ut laj Jacob quix-anab rib chiru xjolom lix chꞌa̱t ut quixlokꞌoni li Ka̱cuaꞌ Dios.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

Jueces 11:27

La̱o incꞌaꞌ xoma̱cob che̱ru la̱ex. La̱o incꞌaꞌ yo̱co chi pletic e̱riqꞌuin. Abanan la̱ex incꞌaꞌ us yo̱quex nak xexchal chi pletic kiqꞌuin. Li Ka̱cuaꞌ Dios, aꞌan laj rakol a̱tin. Aꞌan li ta̱rakok a̱tin saꞌ kabe̱n la̱o aj Israel ut saꞌ e̱be̱n ajcuiꞌ la̱ex aj Amón, chan laj Jefté.

1 Samuel 20:23

Ut li Ka̱cuaꞌ ta̱tenkꞌa̱nk ke re nak incꞌaꞌ takakꞌet li ka̱tin li xkaye chi kibil kib.—

1 Samuel 24:12

Aꞌ taxak li Ka̱cuaꞌ chiyehok re ani cuan xma̱c, ma la̱in malaj ut la̱at. Aꞌan taxak ta̱qꞌuehok a̱cue chixtojbal a̱ma̱c xban nak yo̱cat xba̱nunquil raylal cue. Abanan la̱in ma̱cꞌaꞌ tinba̱nu a̱cue.