Génesis 31:49 - Li Santil hu

⁴⁹ Ut queꞌxqꞌue ajcuiꞌ Mizpa chokꞌ xcꞌabaꞌ li naꞌajej aꞌan. Laj Labán quixye, Aꞌ taxak li Ka̱cuaꞌ Dios chi-ilok ke nak takacanab kib chi kibil kib, chan.

Q'eqchi Bible

⁴⁹ Mispá ajwi' xk'ab'a' li jun tuub' chi pek a'an, xb'aan naq kixye laj Labán: “Li Qaawa' taxaq chik'aak'alenq qe naq tqajek' qib'.

Génesis 31:49 ပူးပေါင်းရင်းမြစ်များ

Jueces 11:29

Lix musikꞌ li Dios quichal riqꞌuin laj Jefté, ut quixcꞌut chiru cꞌaꞌru tixba̱nu. Joꞌcan nak eb laj Israel queꞌnumeꞌ saꞌ li naꞌajej Galaad ut Manasés ut queꞌnumeꞌ ajcuiꞌ Mizpa, li cuan saꞌ xcue̱nt Galaad re nak teꞌre̱chani lix naꞌajeb laj Amón.

Jueces 10:17

Queꞌxchꞌutub ribeb laj Amón ut queꞌxyi̱b lix muheba̱leb aran Galaad. Ut joꞌcan ajcuiꞌ eb laj Israel. Queꞌxchꞌutub ribeb ut queꞌxyi̱b lix muheba̱leb aran Mizpa.

Oseas 5:1

La̱ex laj tij, cherabihak li oc cue chixyebal. La̱ex laj Israel, cheqꞌuehak retal li tinye. Ex ralal xcꞌajol li rey, abihomak li tinye anakcuan. Xexrakoc raj a̱tin saꞌ xbe̱neb li tenamit saꞌ ti̱quilal. Abanan incꞌaꞌ xeba̱nu. Joꞌcan nak ta̱rakekꞌ a̱tin saꞌ e̱be̱n la̱ex ut texinqꞌue chixtojbal rix le̱ ma̱c. Xeqꞌue e̱rib joꞌ jun raꞌal reheb laj Mizpa joꞌ ajcuiꞌ reheb laj Tabor.

1 Reyes 15:22

Li rey Asa quixtakla xbokbaleb chixjunileb li cuanqueb Judá ut quixye reheb nak ma̱ jun ta̱paltok. Ut quixtaklaheb aran Ramá chixxocbal li pec ut li cheꞌ li yo̱ chi cꞌanjelac chiru laj Baasa re xyi̱banquil chi cha̱bil li tenamit Ramá. Ut riqꞌuin aꞌan li rey Asa quixyi̱b chi cha̱bil li cuib chi tenamit Mizpa ut Geba, lix naꞌajeb li ralal xcꞌajol laj Benjamín.

Jueces 11:11

Ut laj Jefté co̱ chirixeb laj cꞌamol be saꞌ xya̱nkeb laj Galaad. Ut eb li tenamit queꞌxxakab aꞌan re nak aꞌan chic ta̱takla̱nk saꞌ xbe̱neb li tenamit ut aꞌan ajcuiꞌ ta̱cꞌamok be chiruheb li soldados. Ut aran Mizpa laj Jefté quixye cuiꞌchic chiru li Ka̱cuaꞌ chixjunil li a̱tin li ac xye.

1 Samuel 20:23

Ut li Ka̱cuaꞌ ta̱tenkꞌa̱nk ke re nak incꞌaꞌ takakꞌet li ka̱tin li xkaye chi kibil kib.—