Génesis 31:44 - Li Santil hu

⁴⁴ Joꞌcan nak anakcuan la̱o takaba̱nu junak li contrato chi kibil kib. Takaba̱nu li contrato chokꞌ retalil nak xkayi̱b ru li chꞌaꞌajquilal aꞌin saꞌ xya̱lal, chan laj Labán.

Q'eqchi Bible

⁴⁴ Kim b'i', ut qaxaqab'aq jun sumwank qakab'ichal li taach'olob'anq li yaal chiqix”.

Génesis 31:44 ပူးပေါင်းရင်းမြစ်များ

Josué 22:27

Xkayi̱b ban joꞌ retalil chokꞌ ke ut chokꞌ e̱re la̱ex ut reheb ajcuiꞌ li kalal kacꞌajol li teꞌcua̱nk mokon. Xkayi̱b re xcꞌutbal nak la̱o naru ajcuiꞌ nakalokꞌoni li Ka̱cuaꞌ Dios ut naru ajcuiꞌ toxic saꞌ li tabernáculo re xqꞌuebal li kamayej ut li cꞌatbil mayej re xtzꞌa̱manquil xcuybal li kama̱c ut re ajcuiꞌ xcꞌambal kib saꞌ usilal riqꞌuin li Dios. Chi joꞌcan eb le̱ ralal e̱cꞌajol incꞌaꞌ naru teꞌxye reheb li kalal kacꞌajol nak incꞌaꞌ naru teꞌxic chixlokꞌoninquil li Dios.

Deuteronomio 31:26

—Cꞌamomak li hu aꞌin li tzꞌi̱banbil cuiꞌ li chakꞌrab ut te̱qꞌue chixcꞌatk li Lokꞌlaj Ca̱x li cuan cuiꞌ lix contrato li Ka̱cuaꞌ le̱ Dios. Aran ta̱cua̱nk chokꞌ retalil che̱ru.

Deuteronomio 31:21

Nabal li raylal ut li chꞌaꞌajquilal ta̱cha̱lk saꞌ xbe̱neb. Abanan ta̱bicha̱k li bich aꞌin chokꞌ retalil li ma̱usilal queꞌxba̱nu. La̱in ninnau cꞌaꞌru cuan saꞌ xchꞌo̱leb usta toj ma̱jiꞌ xincꞌameb saꞌ li naꞌajej li quinyechiꞌi reheb, chan li Dios.

Deuteronomio 31:19

Chatzꞌi̱ba biꞌ li bich aꞌin ut ta̱cꞌut chiruheb laj Israel re nak aꞌaneb teꞌxbicha. Li bich aꞌin tixchꞌolob xya̱lal chiruheb nak incꞌaꞌ us queꞌxba̱nu.

Génesis 31:52

Aꞌan li retalil nak la̱at incꞌaꞌ ta̱ru̱k tatnumekꞌ arin chi pletic cuiqꞌuin, chi moco la̱in ta̱ru̱k tinnumekꞌ chi pletic a̱cuiqꞌuin la̱at. Aꞌan aj e nak xkaqꞌue li pec arin, chan.

Génesis 31:48

Laj Labán quixye: —Li tusbil pec li xkaqꞌue arin, aꞌan retalil li contrato xkaba̱nu arin, chan. Aꞌan aj e nak Galaad queꞌxqꞌue chokꞌ xcꞌabaꞌ.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.