Génesis 31:35 - Li Santil hu

³⁵ Lix Raquel quixye re: —At inyucuaꞌ, chacuy inma̱c. Incꞌaꞌ naru tincuacli̱k cha̱cꞌulbal xban nak anakcuan yo̱ inyajel ut incꞌaꞌ sa tinxakli̱k cha̱cuu. Usan cui incꞌaꞌ tatjoskꞌokꞌ cuiqꞌuin nak incꞌaꞌ tinxakli̱k cha̱cꞌulbal, chan. Ut laj Labán napokoknac chixsicꞌbaleb lix dios ut incꞌaꞌ quixtau.

Q'eqchi Bible

³⁵ Toja' naq kixye lix Rakel re li xyuwa': “Ink'a' chijosq'o'q linyuwa' naq ink'a' tinxaqliiq chiru, xb'aan naq xintikib' xk'ulb'al li naqak'ul laa'o ixq”, chan. Jo'kan naq laj Labán kixpoqle chixjunil li muheb'aal ut ink'a' kixtaweb' li xyos.

Génesis 31:35 ပူးပေါင်းရင်းမြစ်များ

Levítico 19:32

Che-oxlokꞌi li che̱quel cristian ut cheqꞌue xlokꞌal li ti̱xeb. Chexucua cuu la̱in li Ka̱cuaꞌ le̱ Dios.

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

1 Pedro 3:6

Ut joꞌcan ajcuiꞌ quixba̱nu lix Sara. Qui-abin chiru laj Abraham lix be̱lom. Ut quixye “Ka̱cuaꞌ Abraham” re xban nak quix-oxlokꞌi. Joꞌcan ajcuiꞌ la̱ex. Cui te̱ba̱nu li usilal ut incꞌaꞌ texxucuak, la̱ex ajcuiꞌ joꞌ li ralal xcꞌajol lix Sara.

1 Pedro 2:18

Ex aj cꞌanjel chex-abi̱nk chiruheb le̱ patrón ut che-oxlokꞌiheb. Moco caꞌaj cuiꞌ ta chiruheb li tu̱laneb. Chex-abi̱nk ban ajcuiꞌ chiruheb li joskꞌ aj patrón.

Efesios 6:1

Joꞌcan ajcuiꞌ la̱ex, alalbej. Chex-abi̱nk chiru le̱ naꞌ e̱yucuaꞌ saꞌ xcꞌabaꞌ li Ka̱cuaꞌ xban nak aꞌan kꞌaxal us xba̱nunquil.

1 Reyes 2:19

Joꞌcan nak lix Betsabé co̱ chi a̱tinac riqꞌuin li rey Salomón saꞌ xcꞌabaꞌ laj Adonías. Li rey quixakli chixcꞌulbal lix naꞌ ut quixxulub rib chiru. Chirix aꞌan quicꞌojla cuiꞌchic saꞌ lix cꞌojariba̱l ut quixtakla xcꞌambal jun tem re nak lix naꞌ ta̱chunla̱k. Ut lix naꞌ quichunla saꞌ lix nim ukꞌ.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

Levítico 15:19

Cui junak ixk yo̱k xyajel re lix po, muxbil ru chiru cuukub cutan. Ut li ani ta̱chꞌeꞌok re li ixk muxbilak ru toj ta̱oc li kꞌojyi̱n.

Génesis 31:19

Ma̱ ani laj Labán. Cuan chak saꞌ jalan naꞌajej chixbesbal rixeb lix carner nak lix Raquel quirelkꞌaheb lix dios lix yucuaꞌ.

Génesis 31:34

Abanan lix Raquel ac xmukeb lix dios rubel lix soc rix li camello. Chunchu aran saꞌ xbe̱n nak quicuulac laj Labán riqꞌuin. Laj Labán quixsiqꞌui lix dios yalak bar ut incꞌaꞌ quixtau.

Génesis 31:36

Laj Jacob quijoskꞌoꞌ chiru laj Labán ut quixye re: —¿Cꞌaꞌut nak xina̱ta̱ke chak toj arin? ¿Cꞌaꞌru inma̱c cha̱cuu?