Génesis 31:34 - Li Santil hu

³⁴ Abanan lix Raquel ac xmukeb lix dios rubel lix soc rix li camello. Chunchu aran saꞌ xbe̱n nak quicuulac laj Labán riqꞌuin. Laj Labán quixsiqꞌui lix dios yalak bar ut incꞌaꞌ quixtau.

Q'eqchi Bible

³⁴ Ab'an lix Rakel kixokok chaq re li kok' yos, kixmuq rub'el li k'ojarib'aal wank chirix li kameey ut kik'ojlaak sa' xb'een. Naq laj Labán kixpoqle chixjunil li muheb'aal, maak'a' kixtaw.

Génesis 31:34 ပူးပေါင်းရင်းမြစ်များ

Génesis 31:19

Ma̱ ani laj Labán. Cuan chak saꞌ jalan naꞌajej chixbesbal rixeb lix carner nak lix Raquel quirelkꞌaheb lix dios lix yucuaꞌ.

Génesis 31:17

Laj Jacob quixyi̱b rib re ta̱xic. Quixtaksiheb li rixakil joꞌ ajcuiꞌ eb lix cocꞌal chirixeb li camello.

Génesis 31:33

Ut laj Labán quixsiqꞌueb lix dios saꞌ xmuheba̱l laj Jacob ut incꞌaꞌ quixtau. Quixsicꞌ ajcuiꞌ saꞌ xmuheba̱l lix Lea ut incꞌaꞌ quixtau. Quixsicꞌ ajcuiꞌ saꞌ xmuheba̱l li cuib chi mo̱s ut incꞌaꞌ ajcuiꞌ quixtau. Tojoꞌnak co̱ chixsicꞌbal saꞌ xmuheba̱l lix Raquel.

Génesis 31:35

Lix Raquel quixye re: —At inyucuaꞌ, chacuy inma̱c. Incꞌaꞌ naru tincuacli̱k cha̱cꞌulbal xban nak anakcuan yo̱ inyajel ut incꞌaꞌ sa tinxakli̱k cha̱cuu. Usan cui incꞌaꞌ tatjoskꞌokꞌ cuiqꞌuin nak incꞌaꞌ tinxakli̱k cha̱cꞌulbal, chan. Ut laj Labán napokoknac chixsicꞌbaleb lix dios ut incꞌaꞌ quixtau.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Levítico 15:9

Ut cui li cui̱nk li yo̱ chi e̱lc xyaꞌal lix tzꞌejcual yo̱ chi xic chirix cacua̱y, muxbilak chic ru li nacꞌojla cuiꞌ li cui̱nk.

Jueces 18:24

Laj Micaía quixye reheb: —¿Ma incꞌaꞌ ta biꞌ xecꞌam lin dios li xinyi̱b la̱in? ¿Ma incꞌaꞌ ta biꞌ xecꞌam che̱rix laj tij li yo̱ chi cꞌanjelac chicuu? ¿Cꞌaꞌut nak nequepatzꞌ cue cꞌaꞌru nincꞌul? chan.