Génesis 31:3 - Li Santil hu

³ Li Ka̱cuaꞌ Dios quixye re laj Jacob: —Anakcuan tatsukꞌi̱k cuiꞌchic saꞌ la̱ tenamit li cuanqueb cuiꞌ la̱ cuechꞌalal. Ut la̱in junelic cua̱nkin a̱cuiqꞌuin, chan li Ka̱cuaꞌ Dios.

Q'eqchi Bible

³ Toja' naq li Qaawa' kixye re laj Jakob: “Sutq'in sa' rochoch laana' laayuwa', sa' laatenamit, ut laa'in wanqin aawik'in”.

Génesis 31:3 ပူးပေါင်းရင်းမြစ်များ

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Génesis 32:9

Ut laj Jacob qui-oc chi tijoc ut quixye: —At inDios, la̱at li Dios li quixlokꞌoni laj Abraham lin xeꞌto̱nil yucuaꞌ. Ut la̱at ajcuiꞌ catxlokꞌoni chak laj Isaac, lin yucuaꞌ. La̱at xatyehoc cue nak tinsukꞌi̱k cuiꞌchic saꞌ lin tenamit li cuanqueb cuiꞌ lin comon. Xaye ajcuiꞌ cue nak ta̱ba̱nu li usilal cue.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Génesis 31:13

La̱in li Ka̱cuaꞌ Dios. La̱in li quincꞌutbesi chak cuib cha̱cuu saꞌ li naꞌajej Bet-el nak caqꞌue li aceite saꞌ xbe̱n li pec li caxakab aran nak caba̱nu li contrato cuiqꞌuin. Anakcuan tat-e̱lk saꞌ li naꞌajej aꞌin ut tatxic cuiꞌchic saꞌ la̱ tenamit li yoꞌlajenakat cuiꞌ chak,” chan cue.—

Génesis 21:22

Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Génesis 35:1

Ut li Dios quixye re laj Jacob: —Anakcuan yi̱bomak li cꞌaꞌru e̱re ut texxic saꞌ li tenamit Bet-el ut texcana̱k aran. Ut ta̱yi̱b junak li artal re tina̱lokꞌoni cuiꞌ. Aꞌan li naꞌajej li quincꞌutbesi cuiꞌ cuib cha̱cuu nak cat-e̱lelic chiru laj Esaú la̱ cuas, chan li Dios.

Génesis 31:18

Ut queꞌoc chi xic Canaán saꞌ lix tenamit laj Isaac lix yucuaꞌ. Laj Jacob quixcꞌam chirix chixjunileb lix queto̱mk joꞌ ajcuiꞌ chixjunil li cꞌaꞌru re li quixtoj rix riqꞌuin lix trabaj saꞌ li naꞌajej Padan-aram.

Génesis 30:25

Chirix lix yoꞌlajic laj José, laj Jacob quia̱tinac riqꞌuin laj Labán ut quixye re: —Anakcuan nacuaj nak tina̱canab chi xic saꞌ lin tenamit li xinchal cuiꞌ chak.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 28:4

Aꞌ taxak li Ka̱cuaꞌ Dios chi-osobtesi̱nk a̱cue, joꞌqueb ajcuiꞌ la̱ cualal a̱cꞌajol, joꞌ quixyechiꞌi re laj Abraham. La̱ex te̱re̱chani li chꞌochꞌ aꞌin li cuanco cuiꞌ anakcuan joꞌ aj numelo. Li chꞌochꞌ aꞌin yechiꞌinbil re laj Abraham xban li Ka̱cuaꞌ Dios, chan laj Isaac.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Génesis 13:15

Ut ilon chi us. Chixjunil li chꞌochꞌ, li yo̱cat chi rilbal, aꞌan tinqꞌue a̱cue la̱at chi junaj cua joꞌ ajcuiꞌ reheb la̱ cualal a̱cꞌajol. Aꞌin li naꞌajej li xinyechiꞌi a̱cue, chan.

Salmos 90:15

Ta̱qꞌue ta nabalak chihab li sahil chꞌo̱lej ke joꞌ nak xoa̱qꞌue chi cꞌuluc raylal nabal chihab.

Génesis 50:24

Saꞌ jun li cutan, laj José quixye reheb li ras: —La̱in chi se̱b nincam. Li Ka̱cuaꞌ Dios ta̱ilok e̱re chi junelic. Ut aꞌan ta̱isi̱nk e̱re saꞌ li tenamit aꞌin ut texcꞌam cuiꞌchic saꞌ li tenamit Canaán. Aꞌan li chꞌochꞌ li yechiꞌinbil chak najter xban li Ka̱cuaꞌ Dios reheb laj Abraham, laj Isaac ut laj Jacob, chan.

Génesis 31:2

Laj Jacob quixqꞌue retal nak incꞌaꞌ chic sa na-ileꞌ xban laj Labán. Moco joꞌ ta junxil.

Génesis 31:4

Laj Jacob quixtakla xbokbal lix Raquel joꞌ ajcuiꞌ lix Lea re nak ta̱a̱tinak riqꞌuineb saꞌ li naꞌajej li yo̱ cuiꞌ chi iloc queto̱mk laj Jacob.

Génesis 35:3

Ut yoꞌkeb saꞌ junpa̱t saꞌ li naꞌajej Bet-el. Aran tinyi̱b jun li artal re xlokꞌoninquil li tzꞌakal Dios, li Dios li quitenkꞌan chak cue nak cuanquin saꞌ raylal. Aꞌan qui-ochbenin chak cue nak quilajinnumeꞌ chak yalak bar, chan.

Éxodo 3:12

Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Génesis 32:5

Ut te̱ye ajcuiꞌ re nak nabaleb lin queto̱mk cuan; cuan incuacax, cuan inbu̱r. Ut cuan ajcuiꞌ nabaleb inmo̱s, joꞌ cui̱nk joꞌ ixk. Joꞌcan nak xintakla xyebal chi joꞌcaꞌin. Usan cui tinixcꞌul saꞌ xya̱lal, chan laj Jacob. Ut eb lix takl laj Jacob queꞌco̱eb riqꞌuin laj Esaú.

Génesis 32:10

La̱in ma̱cuaꞌ incꞌulub chixjunil li usilal xaba̱nu cue. Ma̱cꞌaꞌ cuan cue nak xinnumeꞌ saꞌ li nimaꞌ Jordán. Caꞌaj cuiꞌ lin xukꞌ natelnac saꞌ cuukꞌ. Ut anakcuan nabal lin biomal cuan xban nak la̱at xatqꞌuehoc re.