Génesis 31:26 - Li Santil hu

²⁶ Laj Labán quixye re laj Jacob: —¿Cꞌaꞌut nak xaba̱nu cue chi joꞌcaꞌin? Xacꞌameb chak lin rabin saꞌ junpa̱t. Chanchan yo̱co saꞌ ple̱t, chan.

Q'eqchi Bible

²⁶ ut kixye re laj Jakob: “K'aru xab'aanu? K'a'ut naq xinaab'alaq'i? Xak'ameb' chaq linrab'in chanchaneb' wi' li preex.

Génesis 31:26 ပူးပေါင်းရင်းမြစ်များ

1 Samuel 30:2

Ma̱ jun reheb queꞌxcamsi, abanan queꞌxchapeb li ixk ut queꞌxcꞌameb chirixeb nak queꞌco̱eb saꞌ xtenamiteb.

1 Samuel 17:29

Laj David quixye re: —¿Cꞌaꞌru li incꞌaꞌ us xinba̱nu anakcuan? ¿Ma incꞌaꞌ ta biꞌ naru tina̱tinak? chan.

1 Samuel 14:43

Laj Saúl quixye re laj Jonatán: —Ye cue cꞌaꞌru li ma̱c xaba̱nu, chan. Laj Jonatán quixye re: —La̱in xinlou caꞌchꞌin li xyaꞌal cab li xcana chi ruꞌuj lin xukꞌ. ¿Ma yal xban aꞌan nak tinca̱mk? chan.

Josué 7:19

Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Génesis 34:29

Quilajeꞌrelkꞌa li cꞌaꞌru cuan saꞌ li rochocheb. Queꞌxcꞌam ajcuiꞌ chixjunileb li ixk joꞌ eb ajcuiꞌ li cocꞌal.

Génesis 31:36

Laj Jacob quijoskꞌoꞌ chiru laj Labán ut quixye re: —¿Cꞌaꞌut nak xina̱ta̱ke chak toj arin? ¿Cꞌaꞌru inma̱c cha̱cuu?

Génesis 31:16

Lix biomal li qui-isi̱c chiru xban li Ka̱cuaꞌ Dios, aꞌan ke chic anakcuan ut reheb ajcuiꞌ li kalal kacꞌajol. La̱at ba̱nu chixjunil li cꞌaꞌru xye a̱cue li Ka̱cuaꞌ Dios, chanqueb re laj Jacob.

Génesis 26:10

Laj Abimelec quixye re laj Isaac: —¿Cꞌaꞌut nak xaba̱nu ke chi joꞌcaꞌin? —¿Cꞌaꞌut nak xoa̱balakꞌi? Cui ta incꞌaꞌ xkanau nak a̱cuixakil lix Rebeca, ma̱re xchapeꞌ raj xban junak li cui̱nk li cuan saꞌ katenamit. Cui xba̱nu raj aꞌin, la̱at raj cuan a̱cue nak xkaba̱nu li ma̱c aꞌin, chan.

Génesis 12:18

Laj faraón quixtakla xbokbal laj Abram, ut quixye re: —¿Cꞌaꞌut nak xaba̱nu cue chi joꞌcaꞌin? Ut, ¿cꞌaꞌut nak incꞌaꞌ xaye cue nak a̱cuixakil lix Sarai?

Génesis 4:10

Li Dios quixye ajcuiꞌ re: —¿Cꞌaꞌru xaba̱nu? Lix quiqꞌuel la̱ cui̱tzꞌin xahoy chiru chꞌochꞌ yo̱ chi kꞌoko̱nc chicuu.

Génesis 3:13

Tojoꞌnak li Ka̱cuaꞌ Dios quixye re li ixk: —¿Cꞌaꞌru xaba̱nu?— Ut quichakꞌoc li ixk ut quixye: —Li cꞌantiꞌ xbalakꞌin cue. Xban aꞌan nak xinlou ru li cheꞌ, chan.

Génesis 2:24

Joꞌcan nak li cui̱nk tixcanab lix naꞌ ut lix yucuaꞌ. Ut tixlakꞌab rib riqꞌuin li rixakil. Ut junajakeb chic chi ribileb rib.

San Juan 18:35

Laj Pilato quixye re: —¿Ma la̱in ta biꞌ aj judío? Eb la̱ cuech tenamitil rochbeneb li xbe̱nil aj tij, aꞌaneb li xeꞌkꞌaxtesin a̱cue saꞌ cuukꞌ. Ye cue cꞌaꞌru a̱ma̱c, chan.

Génesis 31:25

Laj Labán quixtauheb laj Jacob saꞌ li tzu̱l Galaad li queꞌxyi̱b cuiꞌ lix muheba̱leb. Ut saꞌ ajcuiꞌ li naꞌajej aꞌan queꞌxyi̱b lix muheba̱leb laj Labán.

Génesis 31:27

—¿Cꞌaꞌut nak incꞌaꞌ xaye cue nak e̱lc chak e̱re cuiqꞌuin? Cui ta xaye cue, la̱in xinba̱nu raj jun nimla ninkꞌe re e̱chakꞌrabinquil. Xinbokeb raj saꞌ li ninkꞌe li nequeꞌchꞌeꞌoc tambor joꞌ eb ajcuiꞌ li nequeꞌchꞌeꞌoc arpa.

Génesis 29:25

Joꞌ cuulajak chic laj Jacob quixqꞌue retal nak aꞌ lix Lea li quikꞌaxtesi̱c re. Ut laj Jacob co̱ riqꞌuin laj Labán ut quixye re, —Incꞌaꞌ us xaba̱nu cue. ¿Cꞌaꞌut nak xaba̱nu cue chi joꞌcaꞌin? ¿Ma ma̱cuaꞌ ta biꞌ lix Raquel xintoj rix nak xintrabajic a̱cuiqꞌuin? ¿Cꞌaꞌut nak xina̱balakꞌi chi joꞌcaꞌin? chan laj Jacob.