Génesis 31:24 - Li Santil hu

²⁴ Saꞌ li kꞌojyi̱n aꞌan, li Ka̱cuaꞌ Dios quixcꞌutbesi rib chiru laj Labán laj arameo saꞌ xmatcꞌ. Li Ka̱cuaꞌ Dios quixye re: —China̱cuabi. Mat-a̱tinac saꞌ joskꞌil riqꞌuin laj Jacob, chan li Dios.

Q'eqchi Bible

²⁴ Ab'anan chiru li q'oqyink a'an li Yos kixk'utb'esi rib' chiru laj Labán sa' xmatk' ut kixye re: “K'e reetal, mat-aatinak sa' josq'il rik'in laj Jakob”.

Génesis 31:24 ပူးပေါင်းရင်းမြစ်များ

Génesis 24:50

Ut quichakꞌoc laj Labán rochben laj Betuel. Ut queꞌxye re, —Riqꞌuin li Ka̱cuaꞌ Dios chalenak chak li naꞌleb aꞌin. Ma̱cꞌaꞌ naru takaye chirix.

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Génesis 31:29

La̱in naru raj tinba̱nu raylal e̱re. Abanan chi kꞌek quia̱tinac cuiqꞌuin li Ka̱cuaꞌ Dios, li naxlokꞌoni la̱ yucuaꞌ. Aꞌan xye cue nak incꞌaꞌ tina̱tinak saꞌ joskꞌil a̱cuiqꞌuin.

Números 24:13

Xinye reheb: Usta tixqꞌue cue li rochoch laj Balac nujenak riqꞌuin plata ut oro, abanan ma̱cꞌaꞌ tinba̱nu injunes usta cha̱bil usta incꞌaꞌ. Incꞌaꞌ tinkꞌet li ra̱tin li Dios. Caꞌaj cuiꞌ li cꞌaꞌru tixcꞌut chicuu li Ka̱cuaꞌ tinye.

Génesis 31:42

Relic chi ya̱l li Ka̱cuaꞌ Dios xinixtenkꞌa. Aꞌan li Ka̱cuaꞌ Dios li quixlokꞌoni laj Abraham joꞌ ajcuiꞌ laj Isaac lin yucuaꞌ. Cui ta incꞌaꞌ xinixtenkꞌa li Ka̱cuaꞌ Dios, xina̱takla raj chak chi ma̱cꞌaꞌ cꞌaꞌru cue. Li Ka̱cuaꞌ Dios quiril xtokꞌoba̱l cuu ut aꞌan naxnau chanru nak xintrabajic a̱cuiqꞌuin. Xban aꞌan li Ka̱cuaꞌ Dios xatxkꞌus chi kꞌek, chan laj Jacob re laj Labán.

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

San Mateo 1:20

Ut yo̱ chixcꞌoxlanquil aꞌin laj José nak jun lix ángel li Ka̱cuaꞌ quixcꞌutbesi rib chiru saꞌ xmatcꞌ ut quixye re: —At José, ralalat li rey David, matcꞌoxlac chixcꞌambal lix María chokꞌ a̱cuixakil. Aꞌan xcana chi yaj aj ixk xban xcuanquil li Santil Musikꞌej.

Oseas 12:12

Laj Jacob le̱ xeꞌto̱nil yucuaꞌ quie̱lelic ut co̱ saꞌ lix chꞌochꞌeb laj Aram. Aran quitrabajic re nak ta̱qꞌuehekꞌ li rixakil. Xban nak rixakil quiraj, quicꞌanjelac chokꞌ aj ilol xul.

Isaías 37:29

Xban nak ninnau nak yo̱ a̱joskꞌil ut xakꞌetkꞌeti a̱cuib chicuu, joꞌcan nak la̱in tinram le̱ be. Chanchan nak tinqꞌue jun li chꞌi̱chꞌ saꞌ la̱ cuuꞌuj ut jun li chꞌi̱chꞌ saꞌ a̱cue. Ut tatinqꞌue cuiꞌchic chi sukꞌi̱c saꞌ li xatchal cuiꞌ chak, chan li Ka̱cuaꞌ.

Li xHu LAJ JOB 33:25

Ta̱qꞌuira̱k lix tibel li cui̱nk ut ta̱cua̱nk cuiꞌchic xcacuilal joꞌ nak quicuan chak saꞌ lix sa̱jilal.

1 Reyes 3:5

Saꞌ jun li kꞌojyi̱n li Ka̱cuaꞌ Dios quixcꞌutbesi rib chiru laj Salomón saꞌ li naꞌajej Gabaón nak yo̱ chi cua̱rc ut quixye re: —Tzꞌa̱ma li cꞌaꞌru ta̱cuaj ut la̱in tinqꞌue a̱cue, chan.

Deuteronomio 26:5

Ut la̱ex te̱ye chiru li Ka̱cuaꞌ le̱ Dios, “Eb li kaxeꞌto̱nil yucuaꞌ, aꞌaneb jun chꞌina chꞌu̱tal chi arameo li queꞌco̱eb chi cua̱nc Egipto. Aran queꞌtam ut queꞌnabaloꞌ. Cuanqueb xcuanquil joꞌ jun xnimal ru tenamit, ut cuanqueb xmetzꞌe̱u.

Números 22:26

Ut lix ángel li Ka̱cuaꞌ co̱ chi ubej ut quixxakab rib saꞌ jun li latzꞌ re nak li bu̱r incꞌaꞌ ta̱ru̱k ta̱xic saꞌ lix nim chi moco saꞌ li tzꞌe. Incꞌaꞌ quiru chi numecꞌ.

Números 22:20

Ut li Dios quixcꞌutbesi rib chiru laj Balaam chiru li kꞌojyi̱n ut quixye re: —Cui eb li cui̱nk aꞌin xeꞌchal cha̱cꞌambal, ayu chirixeb. Abanan ma̱cꞌaꞌ ta̱ba̱nu toj tinye a̱cue la̱in, chan.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Génesis 41:1

Ac cuib chihab chic xnumic lix matqꞌueb li mo̱s nak quimatqꞌuec laj faraón. Ut saꞌ lix matcꞌ laj faraón quiril nak xakxo chire li nimaꞌ Nilo.

Génesis 40:5

Saꞌ jun li kꞌojyi̱n li cuib chi pre̱x queꞌmatqꞌuec. Jalan jala̱nk lix matcꞌ li junju̱nk ut jalan jala̱nk ajcuiꞌ lix ya̱lal.

Génesis 31:10

Ut laj Jacob quixye cuiꞌchic reheb: —Saꞌ jun li cutan nak yo̱ ruheb li carner la̱in quinmatqꞌuec ut quicuil nak li te̱lom carner li balacꞌ rixeb ut li repex rixeb, junes eb aꞌan li yo̱queb chi batzꞌu̱nc riqꞌuineb li ixki carner.

Génesis 28:5

Tojoꞌnak laj Isaac quixtakla laj Jacob saꞌ li tenamit Padan-aram riqꞌuin laj Labán. Aꞌan li ralal laj Betuel aj arameo. Laj Labán, aꞌan ras lix Rebeca lix naꞌ laj Jacob ut laj Esaú.

San Mateo 2:12

Ut queꞌcꞌutbesi̱c chiruheb xban li Dios saꞌ xmatqꞌueb nak incꞌaꞌ chic teꞌsukꞌi̱k riqꞌuin laj Herodes. Saꞌ jalan chic be queꞌxcꞌam nak queꞌsukꞌi saꞌ xtenamiteb.

Génesis 20:6

Ut li Ka̱cuaꞌ Dios quixye re saꞌ lix matcꞌ: —Ya̱l. La̱in ninnau nak moco la̱at ta cuan a̱cue. Xban nak ninnau aꞌin, joꞌcan nak incꞌaꞌ xatinqꞌue chi cua̱nc riqꞌuin lix Sara. Joꞌcan nak incꞌaꞌ xatma̱cob chicuu.

Génesis 31:7

Ut aꞌan xinixbalakꞌi ut yalak jokꞌe naxjal lin tojbal. Abanan li Ka̱cuaꞌ Dios yo̱ chintenkꞌanquil chi junelic. Joꞌcan nak laj Labán incꞌaꞌ naru xba̱nunquil li incꞌaꞌ us cue.

Génesis 31:11

Ut saꞌ inmatcꞌ lix ángel li Dios quixye cue, “Jacob”, chan. Ut la̱in quinye re, “Cueꞌquin”.

Génesis 31:23

Laj Labán quixchꞌutubeb li rechꞌalal ut queꞌxta̱ke laj Jacob. Toj chiru cuukub cutan coxeꞌxtau saꞌ li tzu̱l Galaad.

Génesis 31:25

Laj Labán quixtauheb laj Jacob saꞌ li tzu̱l Galaad li queꞌxyi̱b cuiꞌ lix muheba̱leb. Ut saꞌ ajcuiꞌ li naꞌajej aꞌan queꞌxyi̱b lix muheba̱leb laj Labán.