Génesis 30:34 - Li Santil hu

³⁴ Ut laj Labán quixye re: —Us. Xcꞌul inchꞌo̱l li cꞌaꞌru xaye, chan.

Q'eqchi Bible

³⁴ Kixye laj Labán: “Us, chi'uxmanq jo' xaye laa'at”, chan.

Génesis 30:34 ပူးပေါင်းရင်းမြစ်များ

Gálatas 5:12

Li ani yo̱queb chi poꞌoc ru le̱ pa̱ba̱l ut yo̱queb chixyebal nak tento xcꞌulbal li circuncisión, us raj cui teꞌxcꞌul eb aꞌan ut teꞌxset raj ribeb chi junaj cua re nak teꞌxcanab chꞌiꞌchꞌiꞌi̱nc saꞌ e̱ya̱nk.

1 Corintios 14:5

Nacuaj raj nak che̱junilex tex-a̱tinak ta saꞌ jalanil a̱tin li incꞌaꞌ natauman ru. Abanan kꞌaxal cuiꞌchic nacuaj raj nak che̱junilex te̱ye resil reheb le̱ ras e̱ri̱tzꞌin saꞌ le̱ ra̱tinoba̱l cꞌaꞌru quicꞌuteꞌ che̱ru xban li Dios. Kꞌaxal us nak te̱ye li ra̱tin li Dios saꞌ le̱ ra̱tinoba̱l chiru li a̱tinac saꞌ jalanil a̱tin li incꞌaꞌ natauman ru. Abanan cui junak naa̱tinac saꞌ jalanil a̱tin, tento nak ta̱jalma̱nk ru li ra̱tin re nak eb laj pa̱banel teꞌxtau ru li cꞌaꞌru tixye ut teꞌtenkꞌa̱k xban.

1 Corintios 7:7

La̱in nacuaj raj nak ma̱cꞌaꞌak e̱rixakil joꞌ la̱in ma̱cꞌaꞌ cuixakil. Abanan moco juntakꞌe̱to ta chikajunilo. Li junju̱nk cuan xma̱tan qꞌuebil re xban li Dios. Joꞌcan nak cuan li nequeꞌsumla xban nak joꞌcan naraj li Dios ut cuan li incꞌaꞌ nequeꞌsumla ut saheb saꞌ xchꞌo̱l xjuneseb xban nak joꞌcan naraj li Dios.

Números 22:29

Quichakꞌoc laj Balaam ut quixye re: —Xacꞌut inxuta̱n. Cuan ta cuan inchꞌi̱chꞌ cuiqꞌuin xatincamsi raj, chan.

Génesis 30:33

Ut laj Jacob quixye ajcuiꞌ: —Ma̱re mokon chic nak tatxic chirilbaleb lin queto̱mk, la̱at ta̱qꞌue retal nak saꞌ xya̱lal xinba̱nu. Cui ta̱tau li carner li moco kꞌek ta rixeb ut li chiba̱t moco repex ta rixeb, naru ta̱ye nak la̱in xcuelkꞌa eb aꞌan a̱cuiqꞌuin, chan.

Génesis 30:35

Chiru ajcuiꞌ li cutan aꞌan, co̱ laj Labán saꞌ lix naꞌajeb lix queto̱mk. Quirisiheb chixjunil li chiba̱t li repex rixeb joꞌ ixk joꞌ te̱lom. Quirisiheb ajcuiꞌ li carner li kꞌek rixeb. Laj Labán quixkꞌaxtesiheb li queto̱mk aꞌan saꞌ rukꞌeb li ralal re nak aꞌan eb chic teꞌilok re.