Génesis 30:32 - Li Santil hu

³² Laj Jacob quixye re laj Labán: —La̱in tinxic saꞌ xya̱nkeb la̱ queto̱mk. Ut tinsicꞌ chokꞌ cue li chiba̱t li repex rixeb ut li tzꞌi̱b saꞌ rixeb. Teꞌcana̱k ajcuiꞌ li carner li repex rixeb ut li tzꞌi̱b saꞌ rixeb joꞌ eb ajcuiꞌ li kꞌek rixeb. Li queto̱mk aꞌin tincꞌam chokꞌ cue chokꞌ re̱kaj intojbal, chan.

Q'eqchi Bible

³² tinnume'q hoon sa' xyanqeb' chixjunil laaketomq; taawisi chixjunileb' li q'eqi karneer jo'wi' li chib'aat tzipix ut ch'ulak rixeb': a'anaqeb' lintojb'al,

Génesis 30:32 ပူးပေါင်းရင်းမြစ်များ

Génesis 31:8

Le̱ yucuaꞌ quixye cue, “La̱ tojbal aꞌan chixjunileb li xul li repex rixeb” chan. Ut chixjunileb li xul li queꞌyoꞌla repex chic rix. Ut quixye cuiꞌchic cue, “La̱ tojbal, aꞌan li xul li balacꞌ saꞌ rixeb” chan cue. Nak naxye chi joꞌcan junes balacꞌ chic rixeb li xul li nequeꞌyoꞌla.

Génesis 31:10

Ut laj Jacob quixye cuiꞌchic reheb: —Saꞌ jun li cutan nak yo̱ ruheb li carner la̱in quinmatqꞌuec ut quicuil nak li te̱lom carner li balacꞌ rixeb ut li repex rixeb, junes eb aꞌan li yo̱queb chi batzꞌu̱nc riqꞌuineb li ixki carner.

Génesis 30:35

Chiru ajcuiꞌ li cutan aꞌan, co̱ laj Labán saꞌ lix naꞌajeb lix queto̱mk. Quirisiheb chixjunil li chiba̱t li repex rixeb joꞌ ixk joꞌ te̱lom. Quirisiheb ajcuiꞌ li carner li kꞌek rixeb. Laj Labán quixkꞌaxtesiheb li queto̱mk aꞌan saꞌ rukꞌeb li ralal re nak aꞌan eb chic teꞌilok re.

Génesis 30:31

Laj Labán quixye re: —¿Joꞌ nimal ta̱ru̱k tatintoj cuiꞌ? chan. Laj Jacob quixye re: —Ma̱ joꞌ nimal. Anakcuan cuan jun naꞌleb tincuaj xyebal a̱cue. Incꞌaꞌ ninnau ma ta̱cuulak ta cha̱cuu. Cui tixcꞌul a̱chꞌo̱l, la̱in tincana̱k cuiꞌchic chirilbaleb la̱ queto̱mk, chan.

Génesis 30:33

Ut laj Jacob quixye ajcuiꞌ: —Ma̱re mokon chic nak tatxic chirilbaleb lin queto̱mk, la̱at ta̱qꞌue retal nak saꞌ xya̱lal xinba̱nu. Cui ta̱tau li carner li moco kꞌek ta rixeb ut li chiba̱t moco repex ta rixeb, naru ta̱ye nak la̱in xcuelkꞌa eb aꞌan a̱cuiqꞌuin, chan.