Génesis 30:27 - Li Santil hu

²⁷ Ut laj Labán quixye: —Ba̱nu usilal, cana̱kat cuiqꞌuin. Xinqꞌue retal nak saꞌ a̱cꞌabaꞌ la̱at ninrosobtesi li Ka̱cuaꞌ Dios.

Q'eqchi Bible

²⁷ Laj Labán kixye: “Usilal xintaw aawik'in. Kanaaqat. Q'axal xtoq'ob'aal wu naq xinwank; ab'anan, b'anyox aawe laa'at, li Qaawa' xinxrosob'tesi”.

Génesis 30:27 ပူးပေါင်းရင်းမြစ်များ

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Isaías 61:9

Ut eb li ralal xcꞌajol lin tenamit naꞌno̱keb chic ruheb xbaneb li jalan tenamit. Chixjunileb li teꞌilok ruheb teꞌxnau nak aꞌaneb li cualal incꞌajol ut osobtesinbileb inban, chan li Ka̱cuaꞌ.

Li xHu LIX RUT 2:13

Lix Rut quichakꞌoc ut quixye re: —Kꞌaxal cha̱bilat, at Ka̱cuaꞌ. Saꞌ xya̱lal xat-a̱tinac cuiqꞌuin ut xacꞌojob inchꞌo̱l. Xacuil xtokꞌoba̱l cuu usta la̱in moco incꞌulub ta xban nak la̱in ma̱cuaꞌin jun xcomoneb la̱ mo̱s ixk, chan.

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Éxodo 3:21

Ut la̱in tinba̱nu nak eb laj Egipto teꞌxcꞌam rib saꞌ usilal riqꞌuineb laj Israel re nak incꞌaꞌ tex-e̱lk chak aran Egipto chi ma̱cꞌaꞌ te̱cꞌam.

Génesis 12:3

Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

Génesis 47:25

Eb aꞌan queꞌchakꞌoc ut queꞌxye re: —La̱o xocoleꞌ a̱ban. Chixcꞌul taxak a̱chꞌo̱l la̱at nak la̱o to-oc chokꞌ xmo̱s laj faraón, chanqueb.

Génesis 33:15

Laj Esaú quixye re, —Us. La̱in nacuaj raj xcanabanquil cuib oxibakeb li cui̱nk li xeꞌchal chicuix re nak eb aꞌan teꞌochbeni̱nk e̱re saꞌ be, chan. Laj Jacob quixye re, —Incꞌaꞌ, Ka̱cuaꞌ Esaú. Ba̱nu usilal ma̱chꞌiꞌchꞌiꞌi a̱cuib xba̱nunquil aꞌan. Tzꞌakal riqꞌuin aꞌin nak xina̱cꞌul cuiꞌchic saꞌ xya̱lal, chan laj Jacob.

Génesis 30:30

Julticak a̱cue nak xincꞌulun a̱cuiqꞌuin, incꞌaꞌ qꞌui li cꞌaꞌru a̱cue. Ut anakcuan numtajenakeb xqꞌuial li cꞌaꞌru a̱cue. Chalen cuoquic a̱cuiqꞌuin, li Ka̱cuaꞌ Dios xatrosobtesi inban. Ut anakcuan ¿jokꞌe naru tintiquib trabajic re nak eb li cualal incꞌajol ta̱cua̱nk cꞌaꞌru reheb? chan.

Génesis 18:3

—At Ka̱cuaꞌ, chan laj Abraham, —ta̱ba̱nu usilal, matxic cuan chi junpa̱t.

Daniel 1:9

Ut li Dios quixtenkꞌa laj Daniel. Lix naꞌleb laj Daniel quicuulac chiru laj Aspenaz li nataklan saꞌ xbe̱neb li eunuco.

1 Reyes 11:19

Laj faraón quisahoꞌ xchꞌo̱l riqꞌuin laj Hadad. Joꞌcan nak quixsumub riqꞌuin li ri̱tzꞌin lix Tahpenes, li rixakil.

Números 11:15

Cui la̱at yo̱cat chixba̱nunquil cue chi joꞌcaꞌin, kꞌaxal us cui ta̱cuisi lin yuꞌam cui ya̱l nak niquina̱ra, re nak incꞌaꞌ chic yo̱kin chi cꞌuluc nabal raylal, chan laj Moisés.

Génesis 34:11

Laj Siquem quixye re lix yucuaꞌ lix Dina joꞌ ajcuiꞌ reheb li ras ut li ri̱tzꞌin: —Chixcꞌulak e̱chꞌo̱l li cꞌaꞌru xyeman e̱re. Aꞌ yal cꞌaꞌru te̱patzꞌ cue, la̱in tinqꞌue e̱re.

Isaías 65:8

Joꞌcaꞌin naxye li Ka̱cuaꞌ Dios: —La̱in incꞌaꞌ tinsach ruheb chixjunileb lin tenamit. Toj cuan ban li tebincol, joꞌ nak nasiqꞌueꞌ ru li uvas. Incꞌaꞌ natzꞌekman chixjunil xban nak cuan li toj cha̱bil saꞌ xya̱nkeb.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

Nehemías 2:5

Ut quinye re li rey: —At rey, cui cꞌojcꞌo a̱chꞌo̱l cuiqꞌuin ut cui la̱at tixcꞌul a̱chꞌo̱l, ta̱ba̱nu raj li usilal cue. La̱in nacuaj raj xic Judá re nak tinyi̱b cuiꞌchic li tenamit li mukbileb cuiꞌ lin xeꞌto̱nil yucuaꞌ.—

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

1 Samuel 16:22

Laj Saúl quixtakla xyebal re laj Isaí: —Ba̱nu usilal cue. Cana̱k laj David cuiqꞌuin xban nak aꞌan naqꞌuehoc xsahil inchꞌo̱l, chan.

Números 11:11

Joꞌcan nak laj Moisés quixye re li Ka̱cuaꞌ: —¿Cꞌaꞌut nak nacaba̱nu ra cue la̱in? La̱in laj cꞌanjel cha̱cuu. ¿Cꞌaꞌru inma̱c cha̱cuu nak yo̱cat chixqꞌuebal li i̱k saꞌ inbe̱n re xcꞌambal li tenamit aꞌin?

Génesis 44:5

Ut ta̱ye ajcuiꞌ reheb, “Li secꞌ aꞌan, aꞌan li na-ucꞌac cuiꞌ lin patrón ut aꞌan nacꞌanjelac ajcuiꞌ re kꞌehi̱nc. Cꞌajoꞌ xyibal ru li xeba̱nu chak re lin patrón,” chaꞌkat reheb, chan laj José re lix mo̱s.

2 Samuel 6:11

Li Lokꞌlaj Ca̱x quicuan aran oxib po. Ut li Ka̱cuaꞌ quirosobtesi laj Obed-edom joꞌ eb ajcuiꞌ chixjunileb li cuanqueb saꞌ li rochoch.