Génesis 30:25 - Li Santil hu

²⁵ Chirix lix yoꞌlajic laj José, laj Jacob quia̱tinac riqꞌuin laj Labán ut quixye re: —Anakcuan nacuaj nak tina̱canab chi xic saꞌ lin tenamit li xinchal cuiꞌ chak.

Q'eqchi Bible

²⁵ Naq kiyo'laak laj José rik'in lix Rakel, laj Jakob kixye re laj Labán: “Kanab'in chi xik sa' lintenamit.

Génesis 30:25 ပူးပေါင်းရင်းမြစ်များ

Génesis 24:54

Ut lix mo̱s laj Abraham joꞌ eb ajcuiꞌ li rochben queꞌqꞌueheꞌ xcua rucꞌa. Ut aran ajcuiꞌ queꞌcuar. Joꞌ cuulajak chic lix mo̱s laj Abraham quixye reheb: —Anakcuan raj toxic riqꞌuin lin patrón, chan.

Génesis 24:56

Ut aꞌan quixye cuiꞌchic reheb: —Cheba̱nu usilal. Moe̱bay chic xban nak li Dios ac xcꞌut chiku li cꞌaꞌru naraj. Choe̱canab chi xic riqꞌuin lin patrón, chan.

Génesis 31:55

Joꞌ cuulajak chic nak quisake̱u, laj Labán quicuacli ut quirutzꞌ ruheb li ri, joꞌ eb ajcuiꞌ lix rabin. Quixtzꞌa̱ma chiru li Dios nak ta̱rosobtesiheb. Ut chirix aꞌan quisukꞌi saꞌ rochoch.

Génesis 31:13

La̱in li Ka̱cuaꞌ Dios. La̱in li quincꞌutbesi chak cuib cha̱cuu saꞌ li naꞌajej Bet-el nak caqꞌue li aceite saꞌ xbe̱n li pec li caxakab aran nak caba̱nu li contrato cuiqꞌuin. Anakcuan tat-e̱lk saꞌ li naꞌajej aꞌin ut tatxic cuiꞌchic saꞌ la̱ tenamit li yoꞌlajenakat cuiꞌ chak,” chan cue.—

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Génesis 28:13

Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

Génesis 18:33

Nak quirakeꞌ chi a̱tinac riqꞌuin laj Abraham, li Ka̱cuaꞌ Dios qui-el aran. Ut laj Abraham quisukꞌi cuiꞌchic saꞌ rochoch.

Hebreos 11:9

Xban lix pa̱ba̱l laj Abraham quicuan saꞌ li naꞌajej li quiyechiꞌi̱c re xban li Dios, ut quicuan aran joꞌ jun jalan xtenamit. Quixyi̱b xmuheba̱l tꞌicr xban nak yal numecꞌ re. Joꞌcan ajcuiꞌ queꞌxba̱nu laj Isaac ut laj Jacob xban nak aꞌaneb li teꞌe̱chani̱nk re li cꞌaꞌru quixyechiꞌi li Dios.