Génesis 30:20 - Li Santil hu

²⁰ Ut lix Lea quixye: —Li Dios xqꞌue jun chic lin ma̱tan. Anakcuan raro̱kin chic xban lin be̱lom xban nak cuakib li ralal ac xeꞌyoꞌla cuiqꞌuin. Anakcuan aj Zabulón tinqꞌue chokꞌ xcꞌabaꞌ li cꞌulaꞌal aꞌin, chan.

Q'eqchi Bible

²⁰ Ut aj Sabulón kixk'e cho'q xk'ab'a', xb'aan naq kixye: “Li Yos xk'e inchaab'il maatan. Anaqwan ch'olch'o naq tinxra linb'eelom, xb'aan naq waqib' li ralal xwank wik'in”.

Génesis 30:20 ပူးပေါင်းရင်းမြစ်များ

San Mateo 4:13

Qui-el Nazaret ut co̱ Capernaum. Ut aran quicana. Li tenamit aꞌan cuan chire li palau saꞌ xchꞌochꞌeb laj Zabulón ut eb aj Neftalí.

Génesis 49:13

Ut la̱at, at Zabulón, la̱at joꞌ eb ajcuiꞌ la̱ cualal a̱cꞌajol texcua̱nk nachꞌ chire li palau. Telajeꞌhila̱nk eb li ni̱nki jucub chire li palau li cua̱nkex cuiꞌ la̱ex. Li naꞌajej li texcua̱nk cuiꞌ, aꞌan cuan saꞌ xjayal li tenamit Sidón.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

Salmos 68:27

Li yo̱queb chi xic chi ubej, aꞌaneb li nequeꞌcꞌamoc be saꞌ xya̱nkeb li ralal xcꞌajol laj Benjamín. Ut chirixeb aꞌan cuanqueb li nequeꞌcꞌamoc be saꞌ xya̱nkeb li ralal xcꞌajol laj Judá joꞌ ajcuiꞌ li nequeꞌcꞌamoc be saꞌ xya̱nkeb li ralal xcꞌajol laj Zabulón ut joꞌ ajcuiꞌ li nequeꞌcꞌamoc be saꞌ xya̱nkeb laj Neftalí.

Jueces 5:14

Eb li ralal xcꞌajol laj Efraín li cuanqueb saꞌ li naꞌajej li queꞌcuan cuiꞌ laj Amalec, queꞌco̱eb saꞌ li ru takꞌa. Queꞌco̱eb ajcuiꞌ li ralal xcꞌajol laj Benjamín. Ut queꞌco̱eb li nequeꞌtaklan saꞌ xya̱nkeb laj Maquir, joꞌ eb ajcuiꞌ li cuanqueb xcuanquil saꞌ xya̱nkeb li ralal xcꞌajol laj Zabulón.

Jueces 4:10

Ut laj Barac quixchꞌutubeb li ralal xcꞌajol laj Zabulón joꞌ eb ajcuiꞌ li ralal xcꞌajol laj Neftalí aran Cedes. Laje̱b mil chi cui̱nk li queꞌcana rubel xtakl laj Barac ut queꞌco̱eb. Ut co̱ ajcuiꞌ lix Débora.

Génesis 46:14

Ut aꞌaneb aꞌin lix cꞌabaꞌeb li ralal laj Zabulón: laj Sered, laj Elón ut laj Jahleel.

Génesis 30:15

Lix Lea quixye re lix Raquel: —¿Cꞌaꞌ chic ru ta̱cuaj anakcuan? Ac xamakꞌ lin be̱lom chicuu ut anakcuan ta̱cuaj ta̱makꞌ cuiꞌchic lin ixki kꞌe̱n li xcꞌam chak inyum, chan. Ut lix Raquel quichakꞌoc ut quixye re, —Cui ta̱qꞌue cue li ixki kꞌe̱n, laj Jacob naru ta̱xic jun kꞌojyi̱nak a̱cuiqꞌuin, chan.

Génesis 29:34

Ut quicuan jun chic xcꞌulaꞌal lix Lea ut quixqꞌue aj Leví chokꞌ xcꞌabaꞌ. Lix Lea quixye: —Anakcuan ac xcuan oxib li ralal laj Jacob cuiqꞌuin. Ma̱re riqꞌuin aꞌin ta̱cua̱nk junelic cuiqꞌuin lin be̱lom, chan.

Génesis 30:19

Laj Jacob quicuan xcuak li ralal riqꞌuin lix Lea.

Génesis 30:21

Chirix chic aꞌan, quiyoꞌla jun lix coꞌ lix Lea ut xDina quixqꞌue chokꞌ xcꞌabaꞌ.

Génesis 34:12

Yehomak cue joꞌ nimal te̱raj. Usta nabal, la̱in tinqꞌue e̱re. Mexcꞌoxlac riqꞌuin aꞌan. Qꞌuehomak cue li xkaꞌal re nak tinsumla̱k riqꞌuin, chan.

Éxodo 22:17

Ut cui li yucuaꞌbej incꞌaꞌ ta̱raj xqꞌuebal li xkaꞌal re, tento ajcuiꞌ nak li cui̱nk tixtoj li joꞌ qꞌuial natojman chirixeb li xkaꞌal li toj ma̱jiꞌ cuanjenakeb riqꞌuin cui̱nk.

1 Samuel 18:25

Ut laj Saúl quixye reheb nak teꞌxye re laj David li a̱tin aꞌin: —Li rey incꞌaꞌ naraj ta̱toj rix lix rabin. Caꞌaj cuiꞌ naraj nak ta̱kꞌaxtesi re jun ciento li ruꞌuj xtzꞌejcualeb laj filisteo. Chi joꞌcan tixqꞌue re̱kaj li incꞌaꞌ us xeꞌxba̱nu li xicꞌ nequeꞌiloc re, chan. Laj Saúl quixcꞌoxla nak riqꞌuin aꞌin ta̱camsi̱k laj David xbaneb laj filisteo.

Deuteronomio 27:13

Ut aꞌineb li xte̱paleb laj Israel li teꞌxakli̱k saꞌ li tzu̱l Ebal chixyebal resil li xtzꞌekta̱nanquileb li tenamit: eb li ralal xcꞌajol laj Rubén, eb li ralal xcꞌajol laj Gad, eb li ralal xcꞌajol laj Aser, eb li ralal xcꞌajol laj Zabulón, eb li ralal xcꞌajol laj Dan ut eb li ralal xcꞌajol laj Neftalí.