Génesis 30:18 - Li Santil hu

¹⁸ Lix Lea quixye: —Anakcuan aj Isacar tinqꞌue chokꞌ xcꞌabaꞌ lin cꞌulaꞌal. Li Dios xqꞌue jun chic lin ra̱bal xban nak la̱in junxilaj quinkꞌaxtesi lin mo̱s re laj Jacob re nak ta̱cua̱nk riqꞌuin, chan.

Q'eqchi Bible

¹⁸ Toja' naq lix Liiy kixye: “Li Yos xk'e inq'ajkamunkil xb'aan naq xinq'axtesi laj k'anjel chiwu cho'q re linb'eelom”. Ut aj Isakar kixk'e cho'q xk'ab'a'.

Génesis 30:18 ပူးပေါင်းရင်းမြစ်များ

1 Crónicas 12:32

Saꞌ xya̱nkeb li ralal xcꞌajol laj Isacar cuanqueb cuib ciento chi cui̱nk. Eb li cui̱nk aꞌin cuanqueb xnaꞌleb. Queꞌxnau cꞌaꞌru us teꞌxba̱nu eb laj Israel. Li cꞌaꞌru nequeꞌxye aꞌan, aꞌan li nequeꞌxba̱nu li rech tenamitil.

Deuteronomio 33:18

Laj Moisés quixye chirixeb li ralal xcꞌajol laj Zabulón ut eb li ralal xcꞌajol laj Isacar: Cheꞌsahokꞌ taxak saꞌ xchꞌo̱leb li ralal xcꞌajol laj Zabulón nak teꞌe̱lk chi us nak nequeꞌxic chi cꞌayi̱nc yalak bar. Ut teꞌbiomokꞌ taxak li ralal xcꞌajol laj Isacar saꞌ lix naꞌajeb.

Génesis 46:13

Aꞌaneb aꞌin lix cꞌabaꞌeb li ralal laj Isacar: laj Tola, laj Fúa, laj Job ut laj Simrón.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

Génesis 30:17

Lix Lea quicana chi yaj aj ixk. Ut quiyoꞌla roꞌ lix cꞌulaꞌal lix Lea xban nak li Dios quirabi lix tij.

Génesis 30:19

Laj Jacob quicuan xcuak li ralal riqꞌuin lix Lea.

Apocalipsis 7:7

Cablaju mil (12,000) li quiqꞌueheꞌ retalileb saꞌ xpe̱quemeb saꞌ xya̱nkeb li ralal xcꞌajol laj Simeón: ut saꞌ xya̱nkeb li ralal xcꞌajol laj Leví, cablaju mil li quiqꞌueheꞌ retalileb saꞌ xpe̱quemeb. Ut saꞌ xya̱nkeb li ralal xcꞌajol laj Isacar, cablaju mil li quiqꞌueheꞌ retalileb saꞌ xpe̱quemeb.