Génesis 3:8 - Li Santil hu

⁸ Nak ac x-ecuu chic, queꞌrabi nak yo̱ chi be̱c li Ka̱cuaꞌ Dios saꞌ xnaꞌaj li acui̱mk. Li cui̱nk rochben li rixakil queꞌxmuk rib chiru li Ka̱cuaꞌ Dios saꞌ xya̱nkeb li cheꞌ.

Q'eqchi Bible

⁸ Chirix chik a'an ke'rab'i xyaab' roq li Qaawa' Yos yo chi b'eek ewu sa' li awimq, sa' xhonal naq namayusink li iq'. Li winq ut li rixaqil ke'xmuq rib' chiru li Qaawa' Yos sa' xyanqeb' li che', sa' xna'aj li awimq.

Génesis 3:8 ပူးပေါင်းရင်းမြစ်များ

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

Proverbios 15:3

Li Ka̱cuaꞌ cuan yalak bar ut yo̱ chixqꞌuebal retal li cꞌaꞌru yo̱queb li cha̱bileb xnaꞌleb joꞌ ajcuiꞌ li incꞌaꞌ useb xnaꞌleb.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

Romanos 2:15

Nacꞌutun riqꞌuin lix yehom xba̱nuhomeb nak ac nequeꞌxnau cꞌaꞌru naxye saꞌ li chakꞌrab usta ma̱ jun sut rabiomeb li chakꞌrab. Nequeꞌrecꞌa saꞌ xchꞌo̱leb ma us malaj incꞌaꞌ us li yo̱queb chixba̱nunquil.

Génesis 3:10

Ut laj Adán quichakꞌoc ut quixye: —Xcuabi nak yo̱cat chi be̱c saꞌ xnaꞌaj li acui̱mk. Ut xinxucuac xban nak tꞌustꞌu̱quin. Xinmuk cuib cha̱cuu, chan.

Jonás 1:3

Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.

Li xHu LAJ JOB 31:33

La̱in ma̱ jun sut xinmuk lin ma̱c joꞌ nequeꞌxba̱nu li jun chꞌol chic. Ma̱ jun sut xincanab saꞌ inchꞌo̱l re nak ma̱ ani ta̱naꞌok re.

Li xHu LAJ JOB 38:1

Tojoꞌnak li Dios qui-oc chi a̱tinac saꞌ jun li ca̱k-sut-ikꞌ ut quixye re laj Job:

Deuteronomio 23:14

Te̱ba̱nu chi joꞌcan xban nak li Ka̱cuaꞌ le̱ Dios cua̱nk saꞌ li naꞌajej li cua̱nkex cuiꞌ re texcol ut re ajcuiꞌ nak texqꞌue chi numta̱c saꞌ xbe̱neb li xicꞌ nequeꞌiloc e̱re. Joꞌcan nak li naꞌajej li cua̱nkex cuiꞌ santak re nak li Ka̱cuaꞌ le̱ Dios incꞌaꞌ ta̱ril li cꞌaꞌak re ru tzꞌaj saꞌ e̱ya̱nk. Ut re ajcuiꞌ nak incꞌaꞌ texcanab e̱junes yal xban li cꞌaꞌak re ru incꞌaꞌ us.

Deuteronomio 5:25

Abanan, ¿cꞌaꞌut nak takaqꞌue kib chi ca̱mc? To-osokꞌ xban li xam li kꞌaxal xiu xiu. Incꞌaꞌ chic takacuy cui li Dios ta̱a̱tinak cuiꞌchic kiqꞌuin.

Deuteronomio 4:33

¿Ma cuanqueb ta biꞌ jalan tenamit queꞌabin re nak li Dios quia̱tinac chak saꞌ li xam ut incꞌaꞌ queꞌcam xban? Abanan la̱ex querabi nak quia̱tinac li Dios ut incꞌaꞌ quexcam.

Li xHu LAJ JOB 22:14

La̱at nacacꞌoxla nak li chok naramoc re chiru li Dios xnaubal li ma̱c li na-uxman. Abanan li Dios cuan yalak bar ut naxnau chixjunil li cꞌaꞌru na-uxman.

Apocalipsis 6:15

Ut chixjunileb quilajeꞌxmuk ribeb xbaneb xxiu. Queꞌxmuk ribeb li rey ut eb li cuanqueb xcuanquil, joꞌqueb ajcuiꞌ li nequeꞌtaklan saꞌ xbe̱neb li soldado. Queꞌxmuk ribeb li biom joꞌqueb ajcuiꞌ li cauheb rib, joꞌqueb ajcuiꞌ li lokꞌbil mo̱s joꞌ ajcuiꞌ li ma̱cꞌaꞌeb xpatrón. Queꞌxmuk ribeb saꞌ li ochoch pec ut saꞌ xya̱nkeb li ni̱nki pec li cuanqueb saꞌ tzu̱l.

Génesis 18:33

Nak quirakeꞌ chi a̱tinac riqꞌuin laj Abraham, li Ka̱cuaꞌ Dios qui-el aran. Ut laj Abraham quisukꞌi cuiꞌchic saꞌ rochoch.

Levítico 26:12

La̱in junelic cua̱nkin e̱riqꞌuin. La̱inak le̱ Dios ut la̱exak lin tenamit.

Oseas 10:8

Li rochoch lix dioseb li cuanqueb saꞌ xbe̱neb li tzu̱l bar queꞌma̱cob cuiꞌ laj Israel, telajeꞌsachekꞌ ru. Ta̱qꞌui̱k li pim ut li qꞌuix saꞌ xbe̱neb lix artal. Ut eb li tenamit teꞌoc chixyebal reheb li tzu̱l: Xextꞌaneꞌ taxak saꞌ kabe̱n. Xoe̱muk taxak, chaꞌkeb.