Génesis 3:5 - Li Santil hu

⁵ Li Dios naxnau nak jokꞌe te̱lou ru li cheꞌ, te̱nau chic chixjunil. Chanchanakex chic li Dios. Te̱nau chic cꞌaꞌru li us ut cꞌaꞌru li incꞌaꞌ us, chan.

Q'eqchi Bible

⁵ Naxnaw chi us li Yos naq sa' li kutan teelow wi' li ru li che' a'an taatehonq xsa' leeru. Jo'kaqex chik li Yos; teenaw chik k'aru li us ut li ink'a' us”.

Génesis 3:5 ပူးပေါင်းရင်းမြစ်များ

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Génesis 2:17

Caꞌaj cuiꞌ ru li cheꞌ li re xnaubal ru li us ut li incꞌaꞌ us incꞌaꞌ naru nacalou, xban nak saꞌ li cutan nak ta̱lou aꞌan relic chi ya̱l tatca̱mk, chan li Dios.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Mateo 6:23

Cui ut incꞌaꞌ saken na-iloc li xnakꞌ e̱ru, cuanquex saꞌ kꞌojyi̱n. Ut joꞌcan ajcuiꞌ le̱ naꞌleb. Cui incꞌaꞌ cha̱bil le̱ naꞌleb, cuanquex saꞌ xkꞌojyi̱nal ru li ma̱c.

Génesis 3:22

Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Génesis 3:10

Ut laj Adán quichakꞌoc ut quixye: —Xcuabi nak yo̱cat chi be̱c saꞌ xnaꞌaj li acui̱mk. Ut xinxucuac xban nak tꞌustꞌu̱quin. Xinmuk cuib cha̱cuu, chan.

Génesis 3:7

Tojoꞌnak chi xcabichaleb queꞌxnau chic cꞌaꞌru li us ut cꞌaꞌru li incꞌaꞌ us. Queꞌxqꞌue retal nak tꞌustꞌu̱queb. Queꞌxboj xak li cheꞌ higuera xcꞌabaꞌ chokꞌ ru̱chileb li rakꞌ. Ut riqꞌuin aꞌan queꞌxtzꞌap ribeb.

Apocalipsis 13:14

Quixbalakꞌiheb li cuanqueb saꞌ ruchichꞌochꞌ riqꞌuin li sachba chꞌo̱lej li quiqꞌueheꞌ re xba̱nunquil chiru li joskꞌ aj xul. Ut quixye reheb li cuanqueb saꞌ ruchichꞌochꞌ nak teꞌxyi̱b jun xjalam u̱ch li joskꞌ aj xul li quiyoqꞌueꞌ riqꞌuin chꞌi̱chꞌ ut quiqꞌuira.

Apocalipsis 13:4

Ut queꞌxqꞌue xlokꞌal li dragón xban nak quixqꞌue xcuanquil li joskꞌ aj xul. Ut queꞌxlokꞌoni ajcuiꞌ li joskꞌ aj xul ut queꞌxye: —¿Ani ta cuiꞌ cuan xcuanquil joꞌ li joskꞌ aj xul aꞌin? Ma̱ ani tixcuy pletic riqꞌuin aꞌan xban nak quiqꞌueheꞌ xcuanquil xban li dragón, chanqueb.

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Isaías 14:14

Tinxic toj takecꞌ toj jun pacꞌal li chok. Chanchanakin li nimajcual Dios, chancat.

1 Reyes 22:6

Ut lix reyeb laj Israel quixchꞌutubeb li profeta. Cuanqueb na ca̱hib ciento chi profeta. Ut li rey quixpatzꞌ reheb: —¿Ma us nak toxic chi pletic aran Ramot xcue̱nt Galaad? chan. Ut eb li profeta queꞌxye re: —Us texxic chi pletic xban nak li Ka̱cuaꞌ tixkꞌaxtesi li tenamit Ramot saꞌ a̱cuukꞌ la̱at, chanqueb.

Éxodo 20:7

Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

Éxodo 5:2

Ut laj faraón quichakꞌoc ut quixye: —¿Ani li nimajcual Dios re nak tinpa̱b lix chakꞌrab nak tincanabeb laj Israel chi xic? La̱in incꞌaꞌ ninnau ru li nimajcual Dios aꞌan. Incꞌaꞌ tincanabeb chi xic laj Israel.—

Daniel 6:7

Chikajunilo la̱o li gobernador ut eb li capitán, eb li comisionado ut eb li ni̱nk xcuanquileb, xkacꞌu̱b ru chi kibil kib nak la̱at ta̱qꞌue jun li chakꞌrab ut ta̱xakab xcuanquil. Ta̱chakꞌrabiheb li tenamit nak chiru li laje̱b xcaꞌcꞌa̱l cutan li ta̱cha̱lk ma̱ ani naru ta̱tzꞌa̱ma̱nk chiru lix Dios chi moco chiru junak cui̱nk. Caꞌaj cuiꞌ cha̱cuu la̱at ta̱ru̱k teꞌtzꞌa̱ma̱nk. Ut cui cuan junak naxkꞌet la̱ chakꞌrab, li jun aꞌan ta̱cutekꞌ saꞌ xya̱nkeb li cakcoj.

Ezequiel 28:9

Nak teꞌcha̱lk cha̱camsinquil, ¿ma toj ta̱ye ta biꞌ nak la̱at dios? La̱at moco diosat ta. Yal cui̱nkat saꞌ rukꞌeb li teꞌcamsi̱nk a̱cue.

Ezequiel 13:22

La̱ex xeqꞌue xrahil xchꞌo̱leb li ti̱queb xchꞌo̱l riqꞌuin li ticꞌtiꞌ xeye. La̱in incꞌaꞌ nacuaj nak teꞌxcꞌul li raylal. La̱ex xeqꞌueheb chi cacuu̱c xchꞌo̱leb li incꞌaꞌ useb xnaꞌleb. Ut incꞌaꞌ xeꞌxcanab xba̱nunquil li ma̱usilal e̱ma̱c la̱ex.

Salmos 12:4

Chakꞌuseb li nequeꞌyehoc re chi joꞌcaꞌin: —La̱o nakanau a̱tinac kajunes. La̱o yal ke cꞌaꞌru takaye. Ma̱ ani naru nakꞌusuc ke.—

2 Crónicas 32:15

Joꞌcan nak me̱canab e̱rib chixbalakꞌi laj Ezequías. Me̱pa̱b li cꞌaꞌru tixye xban nak ma̱ jun dios cuan saꞌ eb li tenamit quiru xcolbaleb li tenamit saꞌ cuukꞌ ut saꞌ rukꞌeb lin xeꞌto̱nil yucuaꞌ. ¿Ma tojaꞌ ta chic le̱ Dios la̱ex ta̱ru̱k ta̱colok e̱re saꞌ cuukꞌ?” chan.

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Ezequiel 28:12

—At ralal cui̱nk, bicha li bich aꞌin re rahil chꞌo̱lej chirix lix reyeb laj Tiro ut ta̱ye: Li nimajcual Dios xye chi joꞌcaꞌin: Junxil la̱at tzꞌakal a̱cue a̱cuu. Cꞌajoꞌ la̱ naꞌleb ut cꞌajoꞌ la̱ chꞌinaꞌusal.

Génesis 2:9

Ut li Ka̱cuaꞌ Dios quixqꞌue chi mokc saꞌ li naꞌajej aꞌan nabal pa̱y ru li cheꞌ li chꞌinaꞌus rilbal joꞌ ajcuiꞌ li cheꞌ li ta̱u̱chi̱nk re teꞌxtzaca. Ut saꞌ xyi lix naꞌaj li acui̱mk li Ka̱cuaꞌ Dios quixqꞌue jun to̱n li cheꞌ li naqꞌuehoc yuꞌam chi junelic. Ut quixqꞌue ajcuiꞌ aran jun to̱n li cheꞌ re xnaubal ru li us ut li incꞌaꞌ us.

Jueces 3:2

Quixba̱nu chi joꞌcan yal re nak teꞌxtzol rib chi pletic eb laj Israel, li ma̱jiꞌ nequeꞌyoꞌla nak quicuan li ple̱t junxil.