Génesis 3:19 - Li Santil hu

¹⁹ Cau tattrabajik ut riqꞌuin la̱ tikob tatcuaꞌak. Joꞌcaꞌin nak tatcua̱nk toj retal tatca̱mk ut tatsukꞌi̱k cuiꞌchic chꞌochꞌ. Pacꞌbil chꞌochꞌ oquenakat chak ut chꞌochꞌ ajcuiꞌ tatsukꞌi̱k nak tat-osokꞌ, chan li Dios re laj Adán.

Q'eqchi Bible

¹⁹ Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Génesis 3:19 ပူးပေါင်းရင်းမြစ်များ

Eclesiastés 12:7

Nak tatca̱mk, tatsukꞌi̱k cuiꞌchic chꞌochꞌ xban nak chꞌochꞌ oquenakat. Ut la̱ musikꞌ ta̱xic cuiꞌchic riqꞌuin li Dios xban nak aꞌan quiqꞌuehoc la̱ musikꞌ.

Li xHu LAJ JOB 34:15

chixjunileb raj teꞌca̱mk ut teꞌsukꞌi̱k raj cuiꞌchic chꞌochꞌ.

Salmos 104:29

Nak la̱at incꞌaꞌ chic ta̱qꞌue lix tzacae̱mkeb, teꞌoc xxiu. Cui la̱at ta̱cuisi lix musikꞌeb, teꞌca̱mk ut teꞌsukꞌi̱k cuiꞌchic chꞌochꞌ.

Génesis 2:7

Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Salmos 90:3

Nak nequeꞌcam li cristian, nequeꞌsukꞌi chꞌochꞌ xban nak la̱at caye: Chꞌochꞌ oquenakex ut chꞌochꞌ texsukꞌi cuiꞌ.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

Eclesiastés 3:20

Nak nequeꞌcam li xul nequeꞌsukꞌi chꞌochꞌ. Joꞌcan ajcuiꞌ li cristian. Nak nequeꞌcam nequeꞌsukꞌi chꞌochꞌ. Chꞌochꞌ oquenakeb ut nak teꞌca̱mk, nequeꞌsukꞌi cuiꞌchic chꞌochꞌ.

Génesis 18:27

Ut laj Abraham quixye cuiꞌchic re li Ka̱cuaꞌ: —Chacuy inma̱c nak tina̱tinak cuiꞌchic a̱cuiqꞌuin chi joꞌcaꞌin. La̱at li Ka̱cuaꞌ Dios ut la̱in yal cui̱nkin.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Eclesiastés 1:3

¿Cꞌaꞌru tixra li cui̱nk nak tixcamsi rib chi trabajic rajlal cutan?

Salmos 22:15

X-osoꞌ lin metzꞌe̱u. Ma̱cꞌaꞌ chic nin-oc cuiꞌ. Chanchanin aj chic li xcꞌaj te̱x ma̱cꞌaꞌ chic xcꞌanjel. Xletz rib li ruꞌuj cuakꞌ saꞌ cue xban li chaki el. La̱at xina̱canab chi ca̱mc ut xina̱canab chi poksocꞌ.

Génesis 23:4

Quixye reheb: —La̱in chalenakin chak saꞌ jalan tenamit. Te̱ba̱nu usilal cꞌayihomak caꞌchꞌinak li naꞌajej re tinmuk lin camenak, chan.

2 Ts 3:10

Ut nak toj cuanco chak e̱riqꞌuin, xkajultica lix ya̱lal aꞌin che̱ru: li ani incꞌaꞌ naraj trabajic, incꞌaꞌ ta̱qꞌuehekꞌ xcua.

Salmos 103:14

Li Ka̱cuaꞌ naxnau nak yal cristiano ut saꞌ junpa̱t nachꞌinan kachꞌo̱l. Najulticoꞌ re nak yal chꞌochꞌ oquenako.

1 Ts 2:9

La̱ex herma̱n, ac nequenau chanru nak xocꞌanjelac chi kꞌek chi cutan re nak incꞌaꞌ texkachꞌiꞌchꞌiꞌi riqꞌuin li cꞌaꞌru ke ut re nak xru xkaye e̱re resil li colba-ib li naxqꞌue li Dios.

Eclesiastés 5:15

Nak nayoꞌla li cristian, tꞌustꞌu. Ma̱cꞌaꞌ cuan re. Joꞌcan ajcuiꞌ nak ta̱ca̱mk. Ma̱cꞌaꞌ naru tixcꞌam chirix. Incꞌaꞌ naru naxcꞌam li cꞌaꞌru re li ac xcꞌanjela.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Proverbios 21:16

Li ani naxcanab xba̱nunquil li cha̱bil naꞌleb, ta̱cha̱lk li ca̱mc saꞌ xbe̱n.

Salmos 22:29

Chixjunileb teꞌxcuikꞌib ribeb chiru li Ka̱cuaꞌ ut teꞌxlokꞌoni ru. Teꞌxlokꞌoni li Ka̱cuaꞌ chixjunileb li biomeb ut li rahobtesinbileb joꞌqueb ajcuiꞌ li ca̱mqueb re. Eb aꞌan ma̱cꞌaꞌ xyuꞌam xjuneseb rib.

Li xHu LAJ JOB 21:26

Abanan nak ac camenakeb chic, nequeꞌmotzoꞌin. Juntakꞌe̱t nequeꞌcana.

Li xHu LAJ JOB 19:26

La̱in ninnau nak aꞌan ta̱colok cue nak ta̱osokꞌ lin yuꞌam. Usta lin tibel ma̱cꞌaꞌak chic, la̱in ninnau nak tincuil ru li Dios chi tzꞌakal.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

1 Corintios 15:47

Nak quiyoꞌobtesi̱c laj Adán xban li Dios, chꞌochꞌ qui-oc. Abanan li Jesucristo moco yoꞌobtesinbil ta. Aꞌan musikꞌej ut saꞌ choxa quichal chak.

Hebreos 9:27

Chixjunil li tenamit jun sut ajcuiꞌ teꞌca̱mk ut li Ka̱cuaꞌ Dios ta̱rakok a̱tin saꞌ xbe̱neb.

Génesis 3:18

Qꞌuix ut pim ta̱e̱lk chiru li chꞌochꞌ. Ut la̱at ta̱tzaca li acui̱mk li ta̱e̱lk saꞌ li chꞌochꞌ li ta̱cꞌanjela ru.

Li xHu LAJ JOB 4:19

¿Ma tojaꞌ ta chic riqꞌuin li cui̱nk tixcꞌojob xchꞌo̱l li Dios? Li cui̱nk kꞌaxal kꞌun xchꞌo̱l xban nak chꞌochꞌ oquenak ut teꞌosokꞌ joꞌ nak na-osoꞌ li cab xban li cꞌa̱ms.

Salmos 104:23

Ut eb li cristian nequeꞌxic saꞌ lix trabajeb nak nasake̱u ut toj ecuu nequeꞌsukꞌi cuiꞌchic saꞌ li rochocheb.

Salmos 127:2

Ma̱cꞌaꞌ rajbal nak junak cui̱nk ta̱cuacli̱k ekꞌela ut tixnumsi li cutan chi trabajic cui ma̱cꞌaꞌ li Dios riqꞌuin. Ma̱cꞌaꞌ rajbal nak tixcamsi rib chi cꞌanjelac re xsicꞌbal lix tzacae̱mk xban nak li Dios naxqꞌue reheb li ani naxra ut naxqꞌueheb ajcuiꞌ chi hila̱nc.

Génesis 5:5

Bele̱b ciento riqꞌuin laje̱b xcaꞌcꞌa̱l (930) chihab cuan re laj Adán nak quicam.

Li xHu LAJ JOB 10:9

Chijulticokꞌ a̱cue nak riqꞌuin chꞌochꞌ xina̱yi̱b. ¿Cꞌaꞌut nak ta̱cuaj tinsukꞌi̱k cuiꞌchic chꞌochꞌ?