Génesis 3:17 - Li Santil hu

¹⁷ Ut li Dios quixye re laj Adán: —Xban nak xapa̱b re la̱ cuixakil ut xalou ru li cheꞌ li xinye a̱cue nak incꞌaꞌ ta̱lou, a̱ma̱c la̱at nak tzꞌekta̱nanbilak chic li chꞌochꞌ chi junelic. Ra sa chic nak ta̱tau la̱ tzacae̱mk joꞌ najtil tatcua̱nk saꞌ ruchichꞌochꞌ.

Q'eqchi Bible

¹⁷ Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

Génesis 3:17 ပူးပေါင်းရင်းမြစ်များ

Génesis 5:29

Ut aj Noé quixqꞌue chokꞌ xcꞌabaꞌ. Laj Lamec quixye: —Xban nak li Ka̱cuaꞌ Dios xtzꞌekta̱na li chꞌochꞌ, tento nak totrabajik chi cau riqꞌuin kukꞌ. Ut li al aꞌin toxqꞌue chi hila̱nc caꞌchꞌinak, chan.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Salmos 127:2

Ma̱cꞌaꞌ rajbal nak junak cui̱nk ta̱cuacli̱k ekꞌela ut tixnumsi li cutan chi trabajic cui ma̱cꞌaꞌ li Dios riqꞌuin. Ma̱cꞌaꞌ rajbal nak tixcamsi rib chi cꞌanjelac re xsicꞌbal lix tzacae̱mk xban nak li Dios naxqꞌue reheb li ani naxra ut naxqꞌueheb ajcuiꞌ chi hila̱nc.

Eclesiastés 5:17

Li ani naxnumsi lix yuꞌam chi ma̱cꞌaꞌ rajbal chanchan saꞌ kꞌojyi̱n cuan. Nabal li raylal xcꞌul ut nabal li chꞌaꞌajquilal ut yajel.

Li xHu LAJ JOB 14:1

Eb li cristian li nequeꞌyoꞌla saꞌ ruchichꞌochꞌ incꞌaꞌ najt rok lix yuꞌameb ut nabal raylal nequeꞌxcꞌul.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Li xHu LAJ JOB 21:17

Eb li incꞌaꞌ useb xnaꞌleb, ¿ma xmakꞌeꞌ ta biꞌ jun sutak chiruheb lix biomal? ¿Ma ac xeꞌxcꞌul ta biꞌ jun sutak li raylal joꞌ yo̱quin chixcꞌulbal la̱in? Ut, ¿ma ac xcꞌut ta biꞌ jun sutak lix joskꞌil li Dios chiruheb?

San Lucas 19:22

Quichakꞌoc li rey ut quixye: —La̱at ma̱cꞌaꞌ nacat-oc cuiꞌ. Riqꞌuin ajcuiꞌ li cꞌaꞌru xaye, tinrak a̱tin saꞌ a̱be̱n. Nacanau nak joskꞌin ut nacanau nak nincꞌul li tumin li incꞌaꞌ nincꞌanjela ut ninkꞌoloc bar cuiꞌ incꞌaꞌ nin-au.

San Mateo 25:45

Ut la̱in li Rey tinchakꞌok ut tinye reheb: “Relic chi ya̱l tinye e̱re, xban nak incꞌaꞌ quetenkꞌaheb li nequeꞌpa̱ban cue li ma̱cꞌaꞌeb xcuanquil, incꞌaꞌ ajcuiꞌ quine̱tenkꞌa la̱in,” chaꞌkin reheb.

Eclesiastés 2:17

Joꞌcan nak xicꞌ chic nacuil lin yuꞌam arin saꞌ ruchichꞌochꞌ xban nak chixjunil li na-uxman arin saꞌ ruchichꞌochꞌ junes chꞌaꞌajquilal naxqꞌue saꞌ inbe̱n. Chixjunil li na-uxman, ma̱cꞌaꞌ na-oc cuiꞌ. Junes raylal naxqꞌue.

Eclesiastés 2:11

Nak quin-oc chi cꞌoxlac chirix li cꞌanjel li quinba̱nu, quinqꞌue retal nak ma̱cꞌaꞌ na-oc cuiꞌ li cꞌanjel li quinba̱nu. Caꞌaj cuiꞌ raylal naxqꞌue. Riqꞌuin aꞌin nacꞌutun nak ma̱cꞌaꞌ xinra chirix li cꞌanjel li xinba̱nu saꞌ ruchichꞌochꞌ.

Génesis 3:11

Li Dios quixye re: —¿Ani xyehoc a̱cue nak tꞌustꞌu̱cat? ¿Ma xalou ru li cheꞌ li xinye a̱cue nak incꞌaꞌ ta̱lou? chan.

Génesis 3:6

Ut li ixk quiril nak li ru li cheꞌ sa xloubal. Chꞌinaꞌus na-iloc ru li cheꞌ. Ut quixra ru xloubal re nak cua̱nk chic xnaꞌleb. Quixsicꞌ ru li cheꞌ. Quixlou ut quixqꞌue ajcuiꞌ re lix be̱lom. Ut chi xcabichaleb queꞌxlou ru li cheꞌ.

San Mateo 22:12

Li rey quixye re: “At cuami̱g, ¿cꞌaꞌut nak xat-oc chak arin chi incꞌaꞌ tikto̱cat joꞌ nequeꞌxtikib rib li nequeꞌxic saꞌ sumla̱c?” chan. Ut li cui̱nk incꞌaꞌ quichakꞌoc.

Hebreos 6:8

Aban li ani incꞌaꞌ naxba̱nu re li naxye li ra̱tin li Dios, aꞌan chanchan li chꞌochꞌ junes qꞌuix ut yibru pim na-el chiru; ma̱cꞌaꞌ na-oc cuiꞌ li chꞌochꞌ aꞌan. Li ani incꞌaꞌ naxba̱nu li naraj li Dios, tzꞌekta̱nanbileb xban li Dios ut cꞌatbil nak teꞌosokꞌ.

Génesis 3:18

Qꞌuix ut pim ta̱e̱lk chiru li chꞌochꞌ. Ut la̱at ta̱tzaca li acui̱mk li ta̱e̱lk saꞌ li chꞌochꞌ li ta̱cꞌanjela ru.

Génesis 8:21

Lix bo̱c li cꞌatbil mayej quicuulac riqꞌuin li Dios ut quicuulac chiru lix sununquil. Li Dios quixye saꞌ xchꞌo̱l: —Ma̱ jun cua chic tintzꞌekta̱na li ruchichꞌochꞌ xbaneb li cristian. Ac reheb li cristian nak aj ma̱queb. Ma̱ jun sut chic tinsach ruheb chixjunileb li cuanqueb saꞌ ruchichꞌochꞌ riqꞌuin butꞌi haꞌ.