Génesis 3:15 - Li Santil hu

¹⁵ Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

Q'eqchi Bible

¹⁵ Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Génesis 3:15 ပူးပေါင်းရင်းမြစ်များ

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

1 Juan 3:8

Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

Gálatas 4:4

Abanan nak quicuulac xkꞌehil, li Dios quixtakla li Ralal chi yoꞌla̱c saꞌ ruchichꞌochꞌ riqꞌuin jun li ixk. Ut quicuan ajcuiꞌ rubel xcuanquil li najter chakꞌrab.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

1 Juan 3:10

Riqꞌuin aꞌin naꞌno̱queb ru li ralal xcꞌajol li Dios ut naꞌno̱queb ajcuiꞌ ruheb li ralal xcꞌajol laj tza: li ani incꞌaꞌ naxba̱nu li ti̱quilal, ut li ani incꞌaꞌ naxra li ras ri̱tzꞌin, aꞌan ma̱cuaꞌeb ralal xcꞌajol li Dios.

San Lucas 10:19

La̱in xinqꞌue e̱cuanquil. Usta te̱yekꞌ li cꞌantiꞌ ut laj xo̱cꞌ, ma̱cꞌaꞌ te̱cꞌul. Xinqꞌue e̱cuanquil saꞌ xbe̱n laj tza ut ma̱cꞌaꞌ ta̱ru̱k tixba̱nu e̱re.

Salmos 132:11

Li Ka̱cuaꞌ quixba̱nu jun li juramento riqꞌuin laj David ut incꞌaꞌ tixjal lix cꞌaꞌux. Tixba̱nu ban li cꞌaꞌru quixyechiꞌi re nak quixye: Eb la̱ cualal a̱cꞌajol li teꞌcua̱nk mokon teꞌoc chokꞌ rey chokꞌ a̱cue̱kaj.

Apocalipsis 20:10

Ut laj tza li quibalakꞌin reheb ta̱cutekꞌ saꞌ xxamlel li azufre li chanchan nimla palau li cuanqueb cuiꞌ li joskꞌ aj xul ut li profeta aj balakꞌ. Ut aran teꞌrahobtesi̱k chi kꞌek chi cutan chi junelic kꞌe cutan.

Colosenses 2:15

Nak quicam chiru li cruz li Jesucristo, li Dios quirisi xcuanquileb li nequeꞌtaklan ut quirisi ajcuiꞌ xcuanquileb li ma̱us aj musikꞌej. Ut quixcꞌut xxuta̱neb nak quinumta saꞌ xbe̱neb.

Hechos 13:10

Ut quixye re: —La̱at chanchanat laj tza. La̱at aj ticꞌtiꞌ. Xicꞌ nacacuil li ti̱quilal. Junes balakꞌic ut ma̱usilal nacaba̱nu. La̱at nacapoꞌ ru li rusilal li Ka̱cuaꞌ.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Miqueas 5:3

Joꞌcan utan li Dios tixcanabeb xjuneseb lix tenamit toj ta̱cuulak xkꞌehil nak ta̱yoꞌla̱k li Acuabej arin saꞌ ruchichꞌochꞌ. Ut ta̱cuulak xkꞌehil nak teꞌsukꞌi̱k cuiꞌchic saꞌ lix tenamiteb laj Israel li joꞌ qꞌuial chic queꞌcana.

Jeremías 31:22

¿Joꞌ najtil chic te̱beni e̱rib yalak bar, la̱ex li incꞌaꞌ nequex-abin chicuu? La̱in li Ka̱cuaꞌ tinqꞌue jun li acꞌ naꞌleb saꞌ ruchichꞌochꞌ. Aꞌan nak li ixk, aꞌan li ta̱ilok re li cui̱nk.

1 Juan 5:5

¿Ani li tzꞌakal cuan xcuanquil re xcuybal xnumsinquil li ma̱usilal li cuan saꞌ ruchichꞌochꞌ? La̱o li nocopa̱ban re nak li Jesús aꞌan li Ralal li Dios. Caꞌaj cuiꞌ la̱o cuan kacuanquil re xcuybal xnumsinquil li ma̱usilal.

Hebreos 2:18

Li Ka̱cuaꞌ Jesucristo quixcꞌul li raylal ut quiyaleꞌ ra̱lenquil. Aban, incꞌaꞌ quixqꞌue rib chi a̱le̱c. Joꞌcan nak nim xcuanquil chixtenkꞌanquileb li nequeꞌyaleꞌ ra̱lenquil.

Efesios 4:8

Aꞌin qui-uxman joꞌ tzꞌi̱banbil saꞌ li Santil Hu, li naxye chi joꞌcaꞌin: Nak quitakeꞌ saꞌ choxa li Ka̱cuaꞌ, quixcꞌutbesi nak aꞌan kꞌaxal nim xcuanquil saꞌ xbe̱n laj tza joꞌ ajcuiꞌ saꞌ xbe̱neb li nequeꞌcꞌanjelac chiru. Ut li Ka̱cuaꞌ quixqꞌue xma̱taneb li ralal xcꞌajol. (Sal. 68:18)

Apocalipsis 13:7

Quiqꞌueheꞌ xcuanquil chi pletic riqꞌuineb li ralal xcꞌajol li Dios ut quinumta saꞌ xbe̱neb. Quiqꞌueheꞌ xcuanquil saꞌ xbe̱neb chixjunileb, aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

San Lucas 22:53

Rajlal cutan cuanquin saꞌ e̱ya̱nk che̱tzolbal saꞌ li templo ut incꞌaꞌ quine̱chap aran. Abanan anakcuan xcuulac xkꞌehil nak te̱ba̱nu li cꞌaꞌru te̱raj la̱ex riqꞌuin xcuanquil laj tza, chan li Jesús.

San Mateo 23:33

Chanchanex cꞌantiꞌ, chanchanex ralex cꞌambolay, ¿chan ta cuiꞌ ru nak texcolekꞌ chiru lix tojba ma̱c saꞌ xbalba?

San Mateo 12:34

¡La̱ex chanchanex ral li cꞌambolay! ¿Chan ta cuiꞌ ru nak tex-a̱tinak cha̱bil a̱tin nak moco usex ta? Joꞌ chanru lix chꞌo̱l junak, joꞌcan ajcuiꞌ naa̱tinac.

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Romanos 3:13

Cꞌajoꞌ xyibal ru nequeꞌa̱tinac. Chanchan xchuhil li camenak saꞌ li mukleba̱l. Ut junes balakꞌi̱nc nequeꞌxba̱nu. Li cꞌaꞌak re ru nequeꞌxye chanchan xmay cꞌantiꞌ li nacamsin. (Sal. 5:9; 140:3)

San Lucas 1:76

At cualal, la̱at xprofeta li nimajcual Dios. La̱at tatxic xbe̱n cua chiru li Ka̱cuaꞌ ut ta̱chꞌolob lix ya̱lal chiruheb li tenamit re nak teꞌxcauresi ribeb chixcꞌulbal li Ka̱cuaꞌ.

San Marcos 16:18

Cui teꞌxchap cꞌantiꞌ chi rukꞌeb, ma̱cꞌaꞌ teꞌxcꞌul ut cui teꞌrucꞌ li cꞌaꞌak re ru nacamsin, ma̱cꞌaꞌ teꞌxcꞌul. Cui teꞌxqꞌue li rukꞌ saꞌ xbe̱neb li yaj, teꞌqꞌuira̱k, chan li Jesús.

San Mateo 1:25

Abanan incꞌaꞌ quicuan riqꞌuin toj quiyoꞌla li xbe̱n cꞌulaꞌal. Ut Jesús quixqꞌue chokꞌ xcꞌabaꞌ.

Génesis 49:17

La̱at, Dan, nacatinjuntakꞌe̱ta riqꞌuin jun li cꞌantiꞌ li naxmuk rib saꞌ be. Li cꞌantiꞌ aꞌan naxtiu li rok li cacua̱y re nak li cristian li cuan chirix ta̱tꞌanekꞌ saꞌ chꞌochꞌ. Ninye chi joꞌcan a̱cue xban nak incꞌaꞌ qꞌuiheb la̱ cualal a̱cꞌajol teꞌcua̱nk. Abanan la̱ex te̱sicꞌ chanru nak te̱col e̱rib chiruheb li xicꞌ nequeꞌiloc e̱re joꞌ nak naxcol rib li cꞌantiꞌ.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Amós 9:3

Ut cui ta teꞌxyal xmukbal ribeb saꞌ xbe̱n li tzu̱l Carmelo toxebinsicꞌ aran ut tebinchap. Ut cui ta teꞌxyal xmukbal ribeb saꞌ xchamal li palau, tintakla li nimla xul li cuan saꞌ li haꞌ chixtiubaleb.

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.