Génesis 3:14 - Li Santil hu

¹⁴ Tojoꞌnak li Ka̱cuaꞌ Dios quixye re li cꞌantiꞌ: —Xban nak xaba̱nu aꞌin, tzꞌekta̱nanbilakat chic chiruheb chixjunileb li xul. Ta̱jucuqui a̱cuib ut chiru a̱saꞌ chic tatbe̱k. Chꞌochꞌ chic ta̱lou chi junelic.—

Q'eqchi Bible

¹⁴ Toja' naq li Qaawa' Yos kixye re li k'anti': “Xb'aan naq xab'aanu a'in, tz'eqtaananb'ilaqat sa' xyanqeb' chixjunileb' li ketomq ut eb' li xul li wankeb' sa' pim. Chiru aasa' taajukuki aawib', ut pojtz' taatzeka chiru chixjunil laayu'am.

Génesis 3:14 ပူးပေါင်းရင်းမြစ်များ

Miqueas 7:17

Chanchanakeb li cꞌantiꞌ li naxquelo rib saꞌ li poks nak ta̱cuisi lix cuanquileb. Sicsotkeb xbaneb xxiu teꞌcana̱k cha̱cuu, at Ka̱cuaꞌ at kaDios.

Isaías 65:25

Eb laj xoj ut eb li carner cuotz teꞌcuaꞌak. Ut li cakcoj teꞌcuaꞌak pim joꞌ li bo̱yx. Ut li cꞌantiꞌ teꞌxlou li poks ut incꞌaꞌ chic teꞌtiꞌok. Saꞌ li tzu̱l Sión li sicꞌbil ru inban, incꞌaꞌ chic teꞌtiꞌok li xul ut incꞌaꞌ chic teꞌxba̱nu raylal, chan li Dios.

Salmos 72:9

Li cuanqueb saꞌ li chaki chꞌochꞌ, li xicꞌ nequeꞌiloc re teꞌxcuikꞌib rib chiru. Chanchan nak teꞌxrekꞌ li poks nak teꞌxcubsi ribeb chiru.

Isaías 29:4

Li tenamit Jerusalén ta̱cubsi̱k xcuanquil ut tꞌantꞌo̱keb saꞌ chꞌochꞌ. Saꞌ has teꞌa̱tinak saꞌ li chꞌochꞌ. Chanchanak jun li musikꞌej.

Levítico 20:25

Joꞌcan ut tento nak te̱nau cꞌaꞌru li xul li naru te̱tzaca xtibel ut cꞌaꞌru li xul li incꞌaꞌ naru te̱tzaca joꞌ li nequeꞌrupupic ut eb li nequeꞌbe̱c saꞌ chꞌochꞌ ut eb li nequeꞌxjucuqui ribeb. Incꞌaꞌ te̱mux e̱rib riqꞌuin xtzacanquil li xul li xinye nak incꞌaꞌ naru te̱tzaca.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Génesis 3:1

Li cꞌantiꞌ kꞌaxal cuiꞌchic cuan xnaꞌleb chiruheb chixjunileb li xul li quixyoꞌobtesi li Ka̱cuaꞌ Dios. Kꞌaxal se̱b xchꞌo̱l chixba̱nunquil li incꞌaꞌ us. Li cꞌantiꞌ quixye re li ixk: —¿Ma relic chi ya̱l nak li Dios quixye e̱re nak incꞌaꞌ naru te̱lou li ru chixjunileb li cheꞌ li cuan saꞌ xnaꞌaj li acui̱mk?—

Génesis 4:11

Anakcuan tzꞌekta̱nanbilakat xban li chꞌochꞌ x-ucꞌac re lix quiqꞌuel la̱ cui̱tzꞌin xacamsi.