Génesis 3:13 - Li Santil hu

¹³ Tojoꞌnak li Ka̱cuaꞌ Dios quixye re li ixk: —¿Cꞌaꞌru xaba̱nu?— Ut quichakꞌoc li ixk ut quixye: —Li cꞌantiꞌ xbalakꞌin cue. Xban aꞌan nak xinlou ru li cheꞌ, chan.

Q'eqchi Bible

¹³ Kixye ut li Qaawa' Yos re li ixq: “K'a'ut naq xab'aanu a'an?”. Kichaq'ok li ixq ut kixye: “Li k'anti' xb'alaq'ink we, ut laa'in xinlow ru li che'”.

Génesis 3:13 ပူးပေါင်းရင်းမြစ်များ

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

1 Timoteo 2:14

Ut ma̱cuaꞌ laj Adán li quibalakꞌi̱c. Aꞌ lix Eva, aꞌan li quibalakꞌi̱c toj retal nak quima̱cob nak quixkꞌet ra̱tin li Dios.

San Juan 18:35

Laj Pilato quixye re: —¿Ma la̱in ta biꞌ aj judío? Eb la̱ cuech tenamitil rochbeneb li xbe̱nil aj tij, aꞌaneb li xeꞌkꞌaxtesin a̱cue saꞌ cuukꞌ. Ye cue cꞌaꞌru a̱ma̱c, chan.

2 Samuel 3:24

Laj Joab co̱ riqꞌuin laj David ut quixye re: —¿Cꞌaꞌru xaba̱nu? Laj Abner xcꞌulun a̱cuiqꞌuin. ¿Cꞌaꞌut nak xacanab chi xic chi sa saꞌ a̱chꞌo̱l?

Génesis 44:15

Laj José quixye reheb aꞌan: —¿Cꞌaꞌut nak xeba̱nu chi joꞌcaꞌin? ¿Ma incꞌaꞌ ta biꞌ nequenau nak junak cui̱nk joꞌ la̱in kꞌaxal nim incuanquil, ninnau ajcuiꞌ kꞌehi̱nc? chan laj José reheb.

1 Samuel 13:11

Tojoꞌnak quixye laj Samuel: —¿Cꞌaꞌru xaba̱nu? Ut quixye laj Saúl: —La̱in xcuil nak eb li soldado yo̱queb chi xic xban nak la̱at incꞌaꞌ xatcꞌulun chiru li jarub cutan xaye cue. Ut xinqꞌue retal nak eb laj filisteo ac xeꞌxchꞌutub ribeb aran Micmas.

Romanos 7:11

Li chakꞌrab cha̱bil ut xqꞌue raj cue li yuꞌam, abanan li ma̱c xinixbalakꞌi. Ut xban li chakꞌrab, li ma̱c xinba̱nu xqꞌue li ca̱mc saꞌ inbe̱n.

1 Samuel 15:15

Quichakꞌoc laj Saúl ut quixye: —Riqꞌuineb laj Amalec xkacꞌameb chak. Eb li soldados incꞌaꞌ queꞌxcamsi li cha̱bil saꞌ xya̱nkeb li carner ut li cuacax. Queꞌxsicꞌ ruheb re takamayeja chiru li Ka̱cuaꞌ la̱ Dios. Ut li jun chꞌol chic xkasach ruheb, chan.

Génesis 12:18

Laj faraón quixtakla xbokbal laj Abram, ut quixye re: —¿Cꞌaꞌut nak xaba̱nu cue chi joꞌcaꞌin? Ut, ¿cꞌaꞌut nak incꞌaꞌ xaye cue nak a̱cuixakil lix Sarai?

Levítico 12:5

Cui ut ta̱yoꞌla̱k junak xcꞌulaꞌal chꞌina xkaꞌal, li ixk aꞌan muxbilak ru chiru cuib xama̱n joꞌ naxba̱nu nak naxcꞌul xyajel re li po. Ut nak ac xnumeꞌ cuakib xca̱cꞌa̱l (66) cutan, ta̱tzꞌaklok li cutan nak tixsantobresi rib.

1 Reyes 13:18

Abanan li profeta jun chic quixticꞌtiꞌi ut quixye re: —La̱in profetin ajcuiꞌ joꞌ la̱at. Ut jun lix ángel li Ka̱cuaꞌ x-a̱tinac cuiqꞌuin ut xye cue, “Li Ka̱cuaꞌ xye, Cꞌam saꞌ la̱ cuochoch li profeta re ta̱cuaꞌak ut ta̱ucꞌak”, chan.

Jonás 1:10

Ut laj Jonás quixye reheb nak yo̱ chi e̱lelic chiru li Ka̱cuaꞌ. Ut cꞌajoꞌ nak queꞌxucuac li cui̱nk ut queꞌxye re: —¿Cꞌaꞌut nak xaba̱nu chi joꞌcan? chanqueb.