Génesis 29:32 - Li Santil hu

³² Lix Lea quicana chi yaj aj ixk. Quicuan jun lix cꞌulaꞌal. Lix Lea quixye: —Li Ka̱cuaꞌ Dios quixnau nak quirahoꞌ saꞌ inchꞌo̱l junxil. Anakcuan tinixra chic lin be̱lom, chan. Joꞌcan nak aj Rubén quixqꞌue chokꞌ xcꞌabaꞌ lix cꞌulaꞌal.

Q'eqchi Bible

³² Lix Liiy kikanaak sa' yu'am ut kiwank jun xk'uula'al: aj Rubén kixk'e cho'q xk'ab'a', xb'aan naq kixye: “Li Qaawa' xril xrahilal inch'ool: anaqwan tinxra chik linb'eelom”.

Génesis 29:32 ပူးပေါင်းရင်းမြစ်များ

Deuteronomio 26:7

La̱o kaya̱ba lix cꞌabaꞌ li Ka̱cuaꞌ, lix Dioseb li kaxeꞌto̱nil yucuaꞌ. Li Ka̱cuaꞌ quirabi li katij ut quiril xtokꞌoba̱l ku. Quixqꞌue retal nak cuanco saꞌ cacuil cꞌanjel ut rahobtesinbilo.

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

San Lucas 1:25

—Joꞌcaꞌin nak xruxta̱na cuu li Ka̱cuaꞌ. Xrisi lin xuta̱n chiruheb li tenamit nak xqꞌue jun lin cꞌulaꞌal, chan.

Salmos 106:44

Abanan, usta yo̱queb chixba̱nunquil li incꞌaꞌ us, li Dios quiril xtokꞌoba̱leb ru nak cuanqueb saꞌ raylal ut quirabi nak nequeꞌayaynac xban li raylal li yo̱queb chixcꞌulbal.

Salmos 25:18

Chacuil xtokꞌoba̱l cuu nak yo̱quin chixcꞌulbal li raylal ut li chꞌaꞌajquilal. Ut chacuy taxak chixjunil li ma̱c xinba̱nu.

2 Samuel 16:12

Ma̱re li Ka̱cuaꞌ Dios ta̱ril li raylal li yo̱quin chixcꞌulbal ut ma̱re ta̱ril xtokꞌoba̱l cuu ut tinrosobtesi chokꞌ re̱kaj li raylal li yo̱quin chixcꞌulbal anakcuan, chan.

1 Samuel 1:20

Quicuulac xkꞌehil nak quiyoꞌla lix cꞌulaꞌal lix Ana. Ut aj Samuel quixqꞌue chokꞌ xcꞌabaꞌ xban nak li cꞌulaꞌal aꞌan tzꞌa̱manbil chiru li Dios.

1 Samuel 1:11

Quitijoc chiru li Dios ut quixye: —At nimajcual Dios, chacuil taxak xtokꞌoba̱l cuu xban nak cꞌajoꞌ xrahil saꞌ inchꞌo̱l. Chinjulticokꞌ taxak a̱cue ut incꞌaꞌ taxak ta̱sachk saꞌ a̱chꞌo̱l. Ta̱qꞌue taxak junak incꞌulaꞌal te̱lom ut la̱in tinkꞌaxtesi ajcuiꞌ a̱cue chalen nak ta̱yoꞌla̱k toj chirix lix camic ut incꞌaꞌ ta̱besma̱nk li rismal xjolom, chan.

Génesis 42:27

Eb aꞌan queꞌoc chi hila̱nc saꞌ jun li muheba̱l bar teꞌxnumsi cuiꞌ li kꞌojyi̱n. Ut jun reheb qui-oc chixqꞌuebal xcua lix bu̱r. Nak quixhit lix coxtal, quisach xchꞌo̱l chirilbal nak cuan peꞌ li tumin chi saꞌ lix coxtal.

Génesis 42:22

Ut laj Rubén quixye reheb: —¿Ma incꞌaꞌ ta biꞌ quinye e̱re nak incꞌaꞌ te̱ba̱nu raylal re laj José li ki̱tzꞌin? Ut la̱ex incꞌaꞌ xex-abin chicuu. Ut anakcuan tento nak ta̱cua̱nk re̱kaj lix camic. Aꞌan na li cꞌaꞌru yo̱co chixtojbal anakcuan riqꞌuin li xkaba̱nu chak junxil, chan laj Rubén.

Génesis 31:42

Relic chi ya̱l li Ka̱cuaꞌ Dios xinixtenkꞌa. Aꞌan li Ka̱cuaꞌ Dios li quixlokꞌoni laj Abraham joꞌ ajcuiꞌ laj Isaac lin yucuaꞌ. Cui ta incꞌaꞌ xinixtenkꞌa li Ka̱cuaꞌ Dios, xina̱takla raj chak chi ma̱cꞌaꞌ cꞌaꞌru cue. Li Ka̱cuaꞌ Dios quiril xtokꞌoba̱l cuu ut aꞌan naxnau chanru nak xintrabajic a̱cuiqꞌuin. Xban aꞌan li Ka̱cuaꞌ Dios xatxkꞌus chi kꞌek, chan laj Jacob re laj Labán.

1 Crónicas 5:1

Aꞌaneb aꞌin li ralal xcꞌajol laj Rubén, li xbe̱n ralal laj Israel: Xban nak laj Rubén quixchꞌic rib riqꞌuin li ixk li quicuan riqꞌuin lix yucuaꞌ, nak incꞌaꞌ quiqꞌueheꞌ re li tento raj tixcꞌul joꞌ xbe̱n alalbej, aꞌ chic li ralal laj José quicꞌuluc re li tento raj tixcꞌul laj Rubén. Incꞌaꞌ chic quiqꞌueheꞌ xcuanquil joꞌ xbe̱n alalbej.

Génesis 16:11

Qꞌue retal, la̱at yaj aj ixkat. La̱ cꞌulaꞌal ta̱yoꞌla̱k chꞌina te̱lom. Aj Ismael ta̱qꞌue chokꞌ xcꞌabaꞌ. Joꞌcan lix cꞌabaꞌ ta̱qꞌue xban nak li Dios naxnau li raylal li yo̱cat chixcꞌulbal, ut aꞌan tatxtenkꞌa, chan.

Génesis 37:29

Nak quisukꞌi laj Rubén chirilbal saꞌ li jul, quiril nak ma̱ ani chic laj José. Cꞌajoꞌ nak qui-oc xcꞌaꞌux ut quixkꞌichi li rakꞌ xban xrahil xchꞌo̱l.

Génesis 35:22

Nak ac cuanqueb chic saꞌ li naꞌajej aꞌan, laj Rubén quixchꞌic rib riqꞌuin lix Bilha li quicuan riqꞌuin lix yucuaꞌ joꞌ rixakil. Cꞌajoꞌ nak quijoskꞌoꞌ laj Israel nak quirabi cꞌaꞌru quixba̱nu li ralal. Cablaju eb li ralal laj Jacob queꞌcuan, li nayeman ajcuiꞌ aj Israel re.

Génesis 29:31

Li Ka̱cuaꞌ Dios quiril nak lix Lea incꞌaꞌ naraheꞌ xban laj Jacob. Joꞌcan nak li Ka̱cuaꞌ Dios quixqꞌue chi cua̱nc xcocꞌal. Abanan lix Raquel incꞌaꞌ quiqꞌueheꞌ xcocꞌal.

Números 1:5

Aꞌaneb aꞌin lix cꞌabaꞌeb li cui̱nk li teꞌtenkꞌa̱nk e̱re. Laj Elisur, li ralal laj Sedeur, aꞌan li najolomin reheb lix te̱paleb li ralal xcꞌajol laj Rubén.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

Deuteronomio 27:13

Ut aꞌineb li xte̱paleb laj Israel li teꞌxakli̱k saꞌ li tzu̱l Ebal chixyebal resil li xtzꞌekta̱nanquileb li tenamit: eb li ralal xcꞌajol laj Rubén, eb li ralal xcꞌajol laj Gad, eb li ralal xcꞌajol laj Aser, eb li ralal xcꞌajol laj Zabulón, eb li ralal xcꞌajol laj Dan ut eb li ralal xcꞌajol laj Neftalí.

Ezequiel 48:6

Ut saꞌ li nuba̱l re lix chꞌochꞌ laj Efraín tixcꞌul lix naꞌaj laj Rubén. Naticla saꞌ li este ut nacuulac toj chire li palau.