Génesis 29:31 - Li Santil hu

³¹ Li Ka̱cuaꞌ Dios quiril nak lix Lea incꞌaꞌ naraheꞌ xban laj Jacob. Joꞌcan nak li Ka̱cuaꞌ Dios quixqꞌue chi cua̱nc xcocꞌal. Abanan lix Raquel incꞌaꞌ quiqꞌueheꞌ xcocꞌal.

Q'eqchi Bible

³¹ Naq li Qaawa' kiril naq ink'a' narahe'k lix Liiy, kixk'e chi alank; ut lix Rakel kiwank cho'q xma'al ixq.

Génesis 29:31 ပူးပေါင်းရင်းမြစ်များ

San Mateo 10:37

Ut ani kꞌaxal naxra xnaꞌ xyucuaꞌ chicuu la̱in, moco xcꞌulub ta nak tincꞌul chokꞌ cualal. Ut ani kꞌaxal naxra li ralal xcꞌajol chicuu la̱in, moco xcꞌulub ta nak tincꞌul chokꞌ cualal.

1 Samuel 2:21

Li Dios quirosobtesi lix Ana. Queꞌcuan oxib chic lix yum ut cuib lix coꞌ. Ut laj Samuel yo̱ chi qꞌui̱c ut yo̱ chi cꞌanjelac chiru li Dios.

Salmos 127:3

Eb li kacocꞌal, aꞌan jun kama̱tan xban li nimajcual Dios. Aꞌan eb jun kosobtesinquil naxqꞌue li Ka̱cuaꞌ.

1 Samuel 1:5

Naxqꞌue ajcuiꞌ re lix Ana, abanan sicꞌbil ru li naxqꞌue re xban nak kꞌaxal naxra, usta li Dios incꞌaꞌ quixqꞌue chi qꞌuiresi̱nc.

Deuteronomio 21:15

Ma̱re cuan junak cui̱nk ta̱cua̱nk cuib li rixakil. Naxra li jun, abanan xicꞌ naril li jun chic. Ut ma̱re cua̱nk ralal riqꞌuineb li cuib chi ixk. Abanan ma̱re riqꞌuin li ixk li incꞌaꞌ naxra ta̱cua̱nk li xbe̱n ralal.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Génesis 29:30

Laj Jacob quixlakꞌab rib riqꞌuin lix Raquel ut aꞌan li kꞌaxal quixra chiru lix Lea. Ut laj Jacob quitrabajic cuukub chihab chic riqꞌuin laj Labán.

San Juan 12:25

Li ani kꞌaxal naxra lix yuꞌam saꞌ li ruchichꞌochꞌ aꞌin, aꞌan tixsach li junelic yuꞌam. Aꞌut li ani incꞌaꞌ naxra lix yuꞌam saꞌ ruchichꞌochꞌ, aꞌan ta̱cua̱nk xyuꞌam chi junelic.

San Lucas 14:26

—Li ani ta̱raj ta̱ke̱nc cue, tento nak tinixra chi tzꞌakal la̱in chiruheb lix naꞌ xyucuaꞌ, li rixakil ut eb lix cocꞌal, ut eb li rechꞌalal joꞌ ajcuiꞌ lix yuꞌam. Cui incꞌaꞌ tinixra chi tzꞌakal, li jun aꞌan moco us ta chokꞌ intzolom.

San Lucas 1:7

Abanan ma̱cꞌaꞌ xcocꞌaleb xban nak lix Elisabet incꞌaꞌ naqꞌuiresin ut xban ajcuiꞌ nak ac che̱queb chic.

Génesis 30:22

Li Dios quiril xtokꞌoba̱l ru lix Raquel ut quirabi lix tij. Xban aꞌan, li Dios quixqꞌue chi cua̱nc xcocꞌal.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Génesis 25:21

Laj Isaac quitijoc chiru li Ka̱cuaꞌ Dios. Quitijoc chirix li rixakil xban nak ma̱ jun lix cocꞌal nequeꞌcuan. Li Ka̱cuaꞌ Dios quirabi xtij laj Isaac. Ut lix Rebeca quicana chi yaj aj ixk.

Malaquías 1:3

—Xintzꞌekta̱na laj Esaú. Ut xinsukꞌisi lix naꞌaj chokꞌ chaki chꞌochꞌ li cha̱bil tzu̱l nak quicuan. Xincanab lix chꞌochꞌ chokꞌ xnaꞌajeb li joskꞌ aj xul, chan li Dios.

San Mateo 6:24

Ma̱ ani naru nacꞌanjelac chiru cuib chi patrón. Naru tixra li jun ut tixtzꞌekta̱na li jun chic malaj ut xicꞌ ta̱ril li jun ut tix-oxlokꞌi li jun chic. Joꞌcan nak ma̱ jokꞌe naru te̱cꞌoxla li Dios cui caꞌaj cuiꞌ le̱ biomal nequecꞌoxla.

1 Samuel 1:27

La̱in quintzꞌa̱ma chiru li Dios nak tixqꞌue junak lin cꞌulaꞌal. Ut aꞌan xqꞌue cue li cꞌulaꞌal aꞌin.

1 Samuel 1:20

Quicuulac xkꞌehil nak quiyoꞌla lix cꞌulaꞌal lix Ana. Ut aj Samuel quixqꞌue chokꞌ xcꞌabaꞌ xban nak li cꞌulaꞌal aꞌan tzꞌa̱manbil chiru li Dios.

Génesis 16:1

Lix Sarai li rixakil laj Abram ma̱ jun xcocꞌal. Aꞌan cuan jun xmo̱s xAgar xcꞌabaꞌ. Aꞌan chalenak chak Egipto.

Hechos 7:8

Nak li Dios quixba̱nu li contrato riqꞌuin laj Abraham quixye re nak tento teꞌxba̱nu li circuncisión. Joꞌcan nak laj Abraham quixba̱nu li circuncisión riqꞌuin laj Isaac li ralal nak ac cuan cuakxakib cutan re. Ut laj Isaac quixba̱nu riqꞌuin laj Jacob li ralal ut joꞌcan ajcuiꞌ quixba̱nu laj Jacob riqꞌuineb li ralal cablaju.

Génesis 29:32

Lix Lea quicana chi yaj aj ixk. Quicuan jun lix cꞌulaꞌal. Lix Lea quixye: —Li Ka̱cuaꞌ Dios quixnau nak quirahoꞌ saꞌ inchꞌo̱l junxil. Anakcuan tinixra chic lin be̱lom, chan. Joꞌcan nak aj Rubén quixqꞌue chokꞌ xcꞌabaꞌ lix cꞌulaꞌal.

Génesis 35:23

Aꞌaneb aꞌin li ralal li quicuan riqꞌuin lix Lea. Laj Rubén, aꞌan li asbej. Chirix chic aꞌan quicuan laj Simeón, laj Leví, laj Judá, laj Isacar ut laj Zabulón.

Li xHu LIX RUT 4:13

Laj Booz quixcꞌam lix Rut chokꞌ rixakil. Li Dios qui-osobtesin re ut quicana chi yaj aj ixk. Quicuan jun lix cꞌulaꞌaleb chꞌina te̱lom.

Génesis 11:30

Lix Sarai ma̱ jun xcocꞌal quicuan. Ac re nak incꞌaꞌ naqꞌuiresin.