Génesis 28:7 - Li Santil hu

⁷ Quixqꞌue retal nak laj Jacob quixpa̱b li ra̱tin lix naꞌ ut lix yucuaꞌ. Quiril nak laj Jacob co̱ saꞌ li tenamit Padan-aram.

Q'eqchi Bible

⁷ ut laj Jakob koho aran Padán-Aram, jo' chanru yeeb'il re xb'aan li xna' xyuwa'.

Génesis 28:7 ပူးပေါင်းရင်းမြစ်များ

Colosenses 3:20

Ut joꞌcan ajcuiꞌ la̱ex alalbej, junelic chexpa̱ba̱nk chiruheb le̱ naꞌ e̱yucuaꞌ xban nak aꞌan li nacuulac chiru li Ka̱cuaꞌ Dios.

Efesios 6:3

Ut li yechiꞌinbil ke, aꞌan aꞌin: Cui neque-oxlokꞌi le̱ naꞌ e̱yucuaꞌ, kꞌaxal us tex-e̱lk ut ta̱najtokꞌ ru le̱ yuꞌam li tixqꞌue li Dios arin saꞌ ruchichꞌochꞌ.

Efesios 6:1

Joꞌcan ajcuiꞌ la̱ex, alalbej. Chex-abi̱nk chiru le̱ naꞌ e̱yucuaꞌ saꞌ xcꞌabaꞌ li Ka̱cuaꞌ xban nak aꞌan kꞌaxal us xba̱nunquil.

Proverbios 30:17

Li ani tixhob lix yucuaꞌ ut li ani tixtzꞌekta̱na lix naꞌleb li ta̱qꞌuehekꞌ xban lix naꞌ, aꞌ ta eb li soꞌsol cheꞌisi̱nk lix nakꞌ ruheb ut teꞌxtiu lix tibeleb.

Proverbios 1:8

Ex cualal incꞌajol, cheqꞌuehak saꞌ e̱chꞌo̱l le̱ kꞌusbal naxqꞌue le̱ yucuaꞌ. Ut me̱tzꞌekta̱na le̱ tijbal naxqꞌue le̱ naꞌ.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Génesis 27:43

Anakcuan ba̱nu li cꞌaꞌru tinye a̱cue. Yi̱b li cꞌaꞌru a̱cue ut tate̱lelik. Tatxic saꞌ rochoch laj Labán li cuas, li cuan chak saꞌ li tenamit Harán.

Génesis 25:20

Caꞌcꞌa̱l (40) chihab cuan re laj Isaac nak quixcꞌam lix Rebeca chokꞌ rixakil. Lix Rebeca, aꞌan lix rabin laj Betuel aj arameo re li tenamit Padan-aram. Li ras lix Rebeca, aꞌan laj Labán.

Génesis 28:6

Laj Esaú quixnau nak laj Isaac quirosobtesi laj Jacob. Quirabi ajcuiꞌ nak quixtakla laj Jacob saꞌ li tenamit Padan-aram chixsicꞌbal junak rixakil. Quixnau ajcuiꞌ nak laj Isaac quixye re laj Jacob nak incꞌaꞌ naru tixsicꞌ junak rixakil saꞌ xya̱nkeb laj Canaán.

Génesis 28:8

Xban nak laj Jacob quiyeheꞌ re nak incꞌaꞌ ta̱sumla̱k riqꞌuineb li ixk aj Canaán, laj Esaú quixtau ru nak lix yucuaꞌ incꞌaꞌ nacuulac chiru lix naꞌlebeb li ixk aj Canaán.