Génesis 28:5 - Li Santil hu

⁵ Tojoꞌnak laj Isaac quixtakla laj Jacob saꞌ li tenamit Padan-aram riqꞌuin laj Labán. Aꞌan li ralal laj Betuel aj arameo. Laj Labán, aꞌan ras lix Rebeca lix naꞌ laj Jacob ut laj Esaú.

Q'eqchi Bible

⁵ Jo'ka'in naq laj Isahak kixchaq'rab'i laj Jakob, ut a'an koho Padán-Aram, sa' rochoch laj Labán, ralal laj Betuel aj Aram, ras lix Rebeka, a' li xna' laj Jakob ut laj Esaú.

Génesis 28:5 ပူးပေါင်းရင်းမြစ်များ

Génesis 25:20

Caꞌcꞌa̱l (40) chihab cuan re laj Isaac nak quixcꞌam lix Rebeca chokꞌ rixakil. Lix Rebeca, aꞌan lix rabin laj Betuel aj arameo re li tenamit Padan-aram. Li ras lix Rebeca, aꞌan laj Labán.

Génesis 27:43

Anakcuan ba̱nu li cꞌaꞌru tinye a̱cue. Yi̱b li cꞌaꞌru a̱cue ut tate̱lelik. Tatxic saꞌ rochoch laj Labán li cuas, li cuan chak saꞌ li tenamit Harán.

Génesis 29:12

Laj Jacob quixye re lix Raquel: —Lin naꞌ la̱in, aꞌan lix Rebeca li ri̱tzꞌin la̱ yucuaꞌ. La̱o kacomon kib, chan. Ut lix Raquel co̱ saꞌ junpa̱t chixyebal re lix yucuaꞌ nak quia̱tinac riqꞌuin laj Jacob lix comoneb.

Oseas 12:12

Laj Jacob le̱ xeꞌto̱nil yucuaꞌ quie̱lelic ut co̱ saꞌ lix chꞌochꞌeb laj Aram. Aran quitrabajic re nak ta̱qꞌuehekꞌ li rixakil. Xban nak rixakil quiraj, quicꞌanjelac chokꞌ aj ilol xul.

Génesis 22:23

Ut laj Betuel quicuan jun xrabin xRebeca xcꞌabaꞌ. Chi joꞌcaꞌin laj Nacor li ri̱tzꞌin laj Abraham quicuan cuakxakib lix cocꞌal riqꞌuin lix Milca.

Génesis 24:54

Ut lix mo̱s laj Abraham joꞌ eb ajcuiꞌ li rochben queꞌqꞌueheꞌ xcua rucꞌa. Ut aran ajcuiꞌ queꞌcuar. Joꞌ cuulajak chic lix mo̱s laj Abraham quixye reheb: —Anakcuan raj toxic riqꞌuin lin patrón, chan.

Génesis 28:2

Anakcuan yi̱b a̱cuib ut tatxic toj saꞌ li tenamit Padan-aram. Tatxic saꞌ rochoch laj Betuel lix yucuaꞌ la̱ naꞌ. Aran ta̱sicꞌ junak la̱ cuixakil saꞌ xya̱nkeb lix rabin laj Labán li ras la̱ naꞌ, chan.

Génesis 29:1

Laj Jacob qui-oc cuiꞌchic chi xic saꞌ li tenamit Harán. Quicuulac saꞌ li naꞌajej li cuan saꞌ xjayal li na-el cuiꞌ chak li sakꞌe.

Génesis 31:24

Saꞌ li kꞌojyi̱n aꞌan, li Ka̱cuaꞌ Dios quixcꞌutbesi rib chiru laj Labán laj arameo saꞌ xmatcꞌ. Li Ka̱cuaꞌ Dios quixye re: —China̱cuabi. Mat-a̱tinac saꞌ joskꞌil riqꞌuin laj Jacob, chan li Dios.

Génesis 35:27

Laj Jacob co̱ saꞌ li tenamit Mamre chirilbal laj Isaac lix yucuaꞌ. Arba ut Hebrón nequeꞌxye re li tenamit aꞌan. Saꞌ ajcuiꞌ li naꞌajej aꞌan quicuan laj Abraham nak toj yoꞌyo̱k.

Deuteronomio 26:5

Ut la̱ex te̱ye chiru li Ka̱cuaꞌ le̱ Dios, “Eb li kaxeꞌto̱nil yucuaꞌ, aꞌaneb jun chꞌina chꞌu̱tal chi arameo li queꞌco̱eb chi cua̱nc Egipto. Aran queꞌtam ut queꞌnabaloꞌ. Cuanqueb xcuanquil joꞌ jun xnimal ru tenamit, ut cuanqueb xmetzꞌe̱u.

Ezequiel 27:16

Eb laj Edom queꞌyacoc ajcuiꞌ e̱riqꞌuin xban nak cuan nabal cꞌaꞌru e̱re. Queꞌxjal li cꞌaꞌru e̱re riqꞌuin li tꞌicr púrpura, li cha̱bil tꞌicr lino, li akꞌej cuan xsahob ru, ut li cha̱bil pec perla, ut coral joꞌ ajcuiꞌ li rubíes.