Génesis 28:4 - Li Santil hu

⁴ Aꞌ taxak li Ka̱cuaꞌ Dios chi-osobtesi̱nk a̱cue, joꞌqueb ajcuiꞌ la̱ cualal a̱cꞌajol, joꞌ quixyechiꞌi re laj Abraham. La̱ex te̱re̱chani li chꞌochꞌ aꞌin li cuanco cuiꞌ anakcuan joꞌ aj numelo. Li chꞌochꞌ aꞌin yechiꞌinbil re laj Abraham xban li Ka̱cuaꞌ Dios, chan laj Isaac.

Q'eqchi Bible

⁴ A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Génesis 28:4 ပူးပေါင်းရင်းမြစ်များ

Gálatas 3:14

Li Jesucristo quixtoj rix li kama̱c nak quicam chiru li cruz re nak saꞌ xcꞌabaꞌ aꞌan li ma̱cuaꞌeb aj judío teꞌxcꞌul li rosobtesinquil riqꞌuin li Dios joꞌ li quixcꞌul laj Abraham ut re ajcuiꞌ nak riqꞌuin xpa̱banquil li Jesucristo takacꞌul li Santil Musikꞌej li quiyechiꞌi̱c ke xban li Dios.

Génesis 12:7

Saꞌ li naꞌajej aꞌan quia̱tinac li Dios riqꞌuin laj Abram ut quixye re, —Saꞌ jun cutan tinqꞌue chixjunil li naꞌajej aꞌin reheb la̱ cualal a̱cꞌajol, chan li Dios. Joꞌcan nak laj Abram quixtus li pec ut quixyi̱b jun lix artal re xlokꞌoninquil li Ka̱cuaꞌ Dios.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Salmos 39:12

At Ka̱cuaꞌ, chacuabi taxak lin tij. Chacuabi taxak nak yo̱quin chi ya̱bac xban li raylal ut china̱tenkꞌa nak yo̱quin chixya̱banquil la̱ cꞌabaꞌ. Cha̱cuu la̱at, yal aj numelin arin joꞌqueb ajcuiꞌ lin xeꞌto̱nil yucuaꞌ yal aj numeleb ajcuiꞌ nak xeꞌcuan arin.

Gálatas 3:8

Najter kꞌe cutan nak toj ma̱jiꞌ nacꞌulun resil li evangelio saꞌ ruchichꞌochꞌ, ac cuan saꞌ xchꞌo̱l li Dios nak ta̱ti̱cobresi̱k xchꞌo̱leb li ma̱cuaꞌeb aj judío nak teꞌpa̱ba̱nk. Joꞌcan nak tzꞌi̱banbil saꞌ li Santil Hu li quixye li Dios re laj Abraham: Saꞌ a̱cꞌabaꞌ la̱at osobtesinbilakeb chixjunileb li tenamit. (Gén. 12:3)

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Génesis 15:8

Ut laj Abram quichakꞌoc ut quixye: —Ka̱cuaꞌ Dios, ¿chanru nak tinnau chi tzꞌakal nak tincue̱chani li chꞌochꞌ? ¿Cꞌaꞌru li retalil ta̱qꞌue? chan.

Génesis 27:33

Laj Isaac quisach xchꞌo̱l ut nasicsot. Quixye re: —¿Ut ani li xcꞌamoc chak re lin tzacae̱mk xbe̱n cua? La̱in xintzaca chixjunil li xcꞌam chak nak toj ma̱jiꞌ nacatcꞌulun la̱at. La̱in xincuosobtesi ut aꞌan osobtesinbil chic anakcuan, chan.

Génesis 37:1

Laj Jacob quicuan aran Canaán saꞌ li naꞌajej li quicuan cuiꞌ lix yucuaꞌ.

Éxodo 6:4

La̱in quinba̱nu lin contrato riqꞌuineb ut quinyechiꞌi reheb li naꞌajej Canaán. Yal aj numeleb nak queꞌhilan aran.

1 Crónicas 29:15

La̱o chanchano li jalaneb xtenamit cha̱cuu xban nak la̱o yal numelo joꞌ eb li kaxeꞌto̱nil yucuaꞌ. Li kayuꞌam arin saꞌ ruchichꞌochꞌ saꞌ junpa̱t ta̱osokꞌ.