Génesis 28:17 - Li Santil hu

¹⁷ Cꞌajoꞌ nak quixucuac laj Jacob ut quixye: —Ma̱ caꞌchꞌin nak nasach inchꞌo̱l chirilbal li lokꞌlaj naꞌajej aꞌin. Kꞌaxal lokꞌ. Aꞌin xmuheba̱l li Ka̱cuaꞌ Dios ut aꞌin ajcuiꞌ li oqueba̱l re li choxa, chan.

Q'eqchi Bible

¹⁷ Taaxiwaq naq kixye: “Q'axal xiwajel li na'ajej a'in: a'an rochoch li Yos ut rokeb'aal li choxa!”, chan.

Génesis 28:17 ပူးပေါင်းရင်းမြစ်များ

1 Timoteo 3:15

Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l.

Eclesiastés 5:1

Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

San Lucas 2:9

Ma̱cꞌaꞌ saꞌ xchꞌo̱leb nak xaka̱mil jun x-ángel li Ka̱cuaꞌ chiruheb. Ut quisakenoꞌ chi xjun sutam li cuanqueb cuiꞌ. Ut eb laj ilol xul cꞌajoꞌ nak queꞌxucuac.

2 Crónicas 5:14

Ut eb laj tij incꞌaꞌ queꞌru xba̱nunquil lix cꞌanjeleb xban nak lix lokꞌal li Dios quixnujobresi li templo.

Jueces 13:22

Laj Manoa quixye re li rixakil: —Relic chi ya̱l nak toca̱mk xban nak xkil ru li Dios, chan.

Génesis 28:22

Li pec aꞌin xinxakab anakcuan chokꞌ retalil nak li naꞌajej aꞌin, aꞌan re xlokꞌoninquil li Ka̱cuaꞌ Dios, chan. Ut laj Jacob quixye re li Dios, —La̱in tinmayeja cha̱cuu li junju̱nk saꞌ xlaje̱tkil re chixjunil li cꞌaꞌru ta̱qꞌue cue, chan.

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

1 Pedro 4:17

Cuulac re xkꞌehil li rakoc a̱tin. Ta̱ticla̱k kiqꞌuin la̱o, li ralal xcꞌajol li Dios. Tento nak ta̱rakekꞌ a̱tin saꞌ kabe̱n la̱o aj pa̱banel. Ut ta̱rakekꞌ ajcuiꞌ a̱tin saꞌ xbe̱neb li incꞌaꞌ nequeꞌxpa̱b li Dios. Abanan kꞌaxal numtajenak cuiꞌchic li raylal teꞌxcꞌul eb aꞌan.

Hebreos 10:21

Li Jesucristo, aꞌan lix yucuaꞌil aj tij chokꞌ ke la̱o li ralal xcꞌajol li Dios.

San Lucas 8:35

Ut nabaleb li tenamit queꞌco̱eb chirilbal li cꞌaꞌru quicꞌulman. Queꞌcuulac cuan cuiꞌ li Jesús ut queꞌril li cui̱nk li qui-isi̱c nabal chi ma̱us aj musikꞌej riqꞌuin. Chunchu chiru li Jesús. Tikto chic ut tuktu chic xjolom. Riqꞌuin rilbal aꞌan queꞌsach xchꞌo̱leb li tenamit.

San Mateo 17:6

Nak queꞌrabi aꞌan, kꞌaxal nak queꞌxucuac lix tzolom ut queꞌxcut rib saꞌ chꞌochꞌ ut huphu queꞌcana.

Salmos 68:35

Cꞌajoꞌ xlokꞌal li Ka̱cuaꞌ. Sachba chꞌo̱lej li naxba̱nu. Lix Dioseb laj Israel naxtenkꞌaheb lix tenamit ut naxqꞌue xcacuilaleb. Lokꞌoninbil taxak li Ka̱cuaꞌ.

Génesis 28:18

Joꞌ cuulajak chic nak quisake̱u, laj Jacob quixchap li pec li quixqꞌue chokꞌ xsoc xjolom. Ut li pec aꞌan quixxakab ut quixqꞌue li aceite saꞌ xbe̱n. Aꞌan quixba̱nu chokꞌ retalil nak li naꞌajej aꞌan kꞌaxal lokꞌ.

Éxodo 3:5

Li Ka̱cuaꞌ Dios quixye: —Matjiloc chak arin. Ta̱cuisi la̱ xa̱b cha̱cuok xban nak li naꞌajej cuancat cuiꞌ aꞌan santil naꞌajej.—